أجي نضحكووووو

1 واحد الولد مفركس مزيان وتطل عليه واحد الشهبة واعرة من 6
ايطاج قالت ليه فس فس طلع طلع ويقول ليها انا قالت ليه اه نتا
ويطلع بسرعة البرق دخلاتو وسدات الباب و هي توريه عرام ديال
الصابون قالت ليه يا الله طلع نشروا في السطح والا ما بغتيش
وارتو واحد دوبرمان نيابو طالعين خاف وطلع ينشرهم ويطل من
السطح بان ليه واحد خاينة غادي مانتك تاهو ويقول ليه ايه فس فس
طلع طلع ويقول ليه سير لمك راه انا لي صبنتهم

2 هـدا واحـد عندو زوج ولاد و كيشك في مراتو بلي واحد
من دوك للولاد ماشي ولدو مشا عند الشوافة باش اعرف
قالت ليه سير للصحراء و رسم واحد الدائرة و نعس و سطها
انت و لادك ملي تفيق الولد اللى لقيتي خارج الدائرة راه
ولد الحرام ملي فاق لقى راسو مع ولادو خارج الـدائرة
قـال ليهم نوضـو القاضية حـامضة من ايام جدكم

3 هادا واحد مبوق قال لصاحبو: واش باينة ليك هاديك الكتبة اللي كاينة ف الحيط قال ليه صاحبو مبوق كتر منه: الكتبة بانت ليا، ولكن الحيط ما شفتوش

4 هادا واحد مشى لواحد العرس وما هداش على الماكلة حتى هزوه للسبيطار
مللي وصلا لقاو واحد لابيانص أخرى يالله وصلات
سولهوم هاداك الراجل للي كلا بزاف: مال هاد خينا مسكين؟
قالوا ليه: كان ف شي عرس و ما حبس الماكلة حتى مات
قال ليهم هاداك الراجل: إيوا هاداك هو العرس وإلا فلا

موضوع مميز شكرا لك