رواية بلهجة ليبية بعنوان " مشاعر مطرطشة " للكاتب ديندار الوحيشي "

صفحة 3 من اصل 3 الصفحة السابقة  1, 2, 3

استعرض الموضوع التالي استعرض الموضوع السابق اذهب الى الأسفل

رد: رواية بلهجة ليبية بعنوان " مشاعر مطرطشة " للكاتب ديندار الوحيشي "

مُساهمة من طرف New Post الأربعاء سبتمبر 05, 2018 12:35 am


مشاعر_مطرطشة

الموسم الأول

الحلقة 21

بعد مشوو فارس ومازن من شقة احمد
احمد خش لاهلة حوّا
حنين : وين مازن
احمد : توا كيف نزل هو وفارس
حيجيك بعدين يروح بيك
حنين : المهم ما تنكدش علي رووحك
احمد : الحمد الله على كل حال
لامار : اللي ايجي من ربي كله خير
احمد : كيف حال صحتك توا سهام
سهام : اكويسة ,, اهم شي انت مضايقش روحك
احمد : لا جو تمام ,, لكن توا سمعت خبر نكّد عليّا اخرة
حنين : شن صار
احمد : اغتالوو الشرطي اسلام
لامار : اسلام اذراعك اليميين
احمد : للاسف هوو ,,
لامار : لاحول ولا قوة الا بالله
حنين : ربي يرحمه
احمد : بعد خطرها يالامار
لامار : نعم
احمد : اكيدة سمعتوو عليها البنت اللي ماتت مقتولة في الشقة
لامار : اكيدة
احمد : لاقووها ميته في شقتك فتحي
لامار : شن شن شن ,,
احمد : كيف مانحكيلك ,, وفتحي مش قاعد وهارب برة بنغازي
مش عارف هل هو اللي قاتلها ولا لا مش عااااارف
لامار : كنهن كلهن جن مع بعضهن المصايب
حنين : الصبر الصبر ابتلاء من ربي هذا
شدوو حيلكم
"""""
مازن مشى شوور اصحابة في بووهديمة
وقاللهم رديت العملي الاول ,,
واي حد يبي مخدرات ولا اسلاح
انبيع فيه بسعر الجملة
"""""
فارس وهوو ماشي للسوبر ماركت يطمن
علي جماعته ويسكّره ,,
نقاله رن
نرمين : كنك خارج التغطية
فارس : كنت عند الافندي احمد وماعندش تغطية غادي
نرمين : خفت عليك ,, نحسابك كنت جوا في السوبر ماركت
فارس : لا حتى مازن كان امعايا ,, مافش حد انظر
القزاز تكسر بس
نرمين : الحمد الله ياربي ,, حنطمن امي وفاطمة
"""""
نزار : زعمك وين عديت بس يافتحي
وين قاعد في هالمطر
"""""
لامار : معقوولة فتحي قعد قاتل
معقوولة فتحي قتل ولية في شقتنا
باهي من تطلع الولية هذي
حنين : الله اعلم ماتسبقش الاحداث
لامار : حنرن علي اخته خولة ونحكيلها شن صاير
حنين : فكك ما اتجبش الرووحك دوّة
لامار : لا نبي انرن دخلكش بيا ترا
سهام : ماترنش خير يالامار اسمعي الكلام
لامار فاتتهم ورنت علي خولة
"""""
خولة تلعب مع اعيالها رن نقاله
خولة : شن تبي فيا هاللفعة هذي
خولة : الوو
لامار : خير ياخولة
خولة : من وين ايجي الخير منكم
ساد انك كرهتي فتحي في عيشته
لامار : اصلا رنّه عليك عشان فتحي
خولة : فتحي سافر لطرابلس عليش تسالي عليه
نحسابك في الشقة قاعدة
لان جا بات عندي يوم واحد
وقالي ماشي لنزار
لامار : عندك علم انهم لقوو ولية مقتووله في شقته
خولة : امتى صار الكلام هذا
لامار : البنت المقتوولة كانت في شقة فتحي
خولة : توا كيف عرفتها منك ,, حنرن ع فتحي وانشووفه
صح الكلام هذا ولا لا
"""""
نزار : المغرب اذن ومزال ماجشش فتحي
زعمك ووووين طبيت بس
""""
بالصدفة شباب امخطمين بالسيارة
جنب طريق الشط
شافوو واحد طايح ودبشه دم شالوو للمستشفى
"""""""
عواجل صفحات الفيس
" شاب ينتحر امام طريق الشط في طرابلس "
" طرابلس تشهد اول حالات الانتحار "
"""""
خولة : هيا رد رد يافتحي
ماتشتغلنش عليك ارجووك رد هيا
"""""
مازن مزال ايدير في تليفوووناته
للقرووب امتاعه كله
في جميع مدن المنطقة الشرقية
كلهم عطاهم العلم انّ يرد ابيع
في السلاح نفس زمان
"""""
نرمين : كلمني فارس قالي مافش حد انظر
والاضرار مادية بس
ام مازن : الحمد الله يارب
فاطمة : الحمد الله
ام مازن : اهوووو قاعد يرن اكبيدتي
مازن : الحمد الله علي سلامتكم ,,
ام مازن : خفت عليك اتكوون في سوبر ماركت
مازن : ماقتلك شايل حنين لشقة الافندي احمد
ام مازن : والله خفت عليكم بس
""""
نزار فقد الامل روح للحووش
علامات الحزن والكآبة علي وجه
مابش يحكي مع نسرين
ولا يبحّت فيها
بعدها رن نقاله
نزار : خولة ليك وحشة
خولة : وين فتحي قالي ماشيلك
نزار : جاني وطلع معش روّح
خولة : محكالك شي فتحي
نزار : لا محكالي شي قعد اشوية وقالي حنرد عليك
عليش ان شاء الله خير
خولة : مش عارفة ,, لقوو في شفته ولية مقتوولة
مش فاهمة شي انا ,, نبي نستفسر منّا
نزار : خلاص اول مايجيني للحووش حنخليه يرن عليك
خولة : ياريت ضرووري ,, مش قادرة نتريح
""""""
حنين : معقولة تووصل بي المرحلة يقتل
لامار : انا فتحي عارفته مستحيل يقتل
حنين : حسيت رووحي استكيت
لامار : اشر منك
وحنين اتهدرز مع لامار رن نقالها
حنين : نعم مازن
مازن : جايك في الطريق وتي رووحك
حنين : تمام نرجى فيك
"""""
نزار يقلب في القنوووات ويتفرج
نسرين تبكي بصووت عالي : لالالالالاالالا
حي عليا شن درت انا
نزار جا يجري للدار
نزار : كنك شن صار
نسرين : تعال ششششوووف شوف شوف الصورة هذي
واحد منتحر
نزار : كنك قعدتي اتلكلكي
نزار شاف الصوورة عالفيس طلع خوو فتحي
نزار : لاااااااااااااااااا يافتحي
مش معقووولة كنك قتلت رووووحك
لاااااااااااااااا يافتحي
لااااااااااااااااااا يافتحي
نسرين : حي عليا شن درت بس انا
انتحر كل مني بسبب
وقعدت اتخبش في وجهها ورووحها
حي عليا حي عليا ياويلي من ربي
طلع نزار يجري شوور ثلاجات المووت في طرابلس
يشوووف فتحي
"""""""
فاطمة : شفت عالفيس خبر
اول حالة انتحار في طرابلس
وقالوو من المنطقة الشرقية
نرمين : زعمك من يطلع هذا
فاطمة : حطين صوورته عالفيس
منتشره قااااعدة
"""""
خولة جاها تليفووون من اقربائها
صووورة فتحي عالفيس قاعدة
منتشرة
خوولة فتحت الفيس
وخايفة يطلع خوووها صااااااااح
خشت علي صفحة
عاجل بنغازينا
قلبها ينبض وخايفة بكككل
شاااااافت الصوووورة
خولة : عليش يافتحي لالالالالالالا
واك واك واك واك واك
لاحولة ولا قوة الا بالله
كنك قتلت روووحك
خولة بدوون قصد
رنّت ع لامار
""""
حنين : بكرة نتقابلوو اخرة هنا في شقة احمد
لامار : اكيدة ,,
سهام : اجعني مانفقدكن يااااارب
حنين : خلاص وقت يرجى فيا مازن لووطة
سهام : بالسلامة
نزلت حنين شوور مازن
لامار : غريبة بابا طوّل لعند توا مزال ماجاء
سهام : كان هذا ارقدي عندنا عادي
لامار : لا اكيدة بابا جي في الطريق
ولامار اتهدرز مع سهام
شافت تليفوونها يرن
شن تبي فيا خولة
اكيدة عرفت حاجة ع فتحي
لامار : اهلين خوولة
خولة وهي تبكي : حسبيا الله ونعم الوكيل فيك
لامار : كنك شن في ,, كنك اتحسبني عليا
خولة : قتلتي الراجل قتلتي الراجل كله منك
لامار: اي راجل اللي قتلته
خولة : فتحي مااااااااااااااات فتحي مااااااااااااااااااااااااااااااااات
لامار : مش معقوولة مات فكينا منها الدوة هذي
خولة : والله مات انتحر اليوم في طرابلس
كلا منك حسبيا الله ونعم الوكيل فيك
لامار قعدت تبكي : حرام عليك شن اللي مني
انا شن درت بس
راك تظلمي فيا
يانعليا يافتحي عديت والمن سيتبني
يانعليا يافتحي يانعليا يافتحي
سهام : شن صار يا لامار
احمد قاعد في الصالة يسمع في لامار تبكي
احمد : شن فيه يالامار
خولة سكرت الخط وقعدت تبكي وجععها فتحي
لامار وهي تبكي :مات فتحي مات فتحي
قعدت تضرب في روحها اكفووووف
مات فتحي
فتحي انتحر
فتحي مااااااات
احمد قعد ماسك لامار
جتها حالها هسرتيا وقعدت تضرب في روحها
سهام : لاحول ولاقووة الا بالله
احمد : ربي يمشي هالايام علي خير
لامار : يانعليا يافتحي يانعليا يافتحي مشيت والمن خليتني
والله مانبي نطلق منك انكابر ونكذب علي رووحي
والله انحبك
والله نبيك
والله انمووت عشانك
وتبكي وتبكي واتخبش في شعرها
سهام مش قادرة اتصبي من عالسرير عشان اتوقفها
احمد يحاول يهدي فيها لكن مافش فائدة
لامار خلاص جتها حالة هستيريا
ومعش اتشووف في حد قدامها
"""""
حنين : عليك ايام نكد انعيشوو فيهن هالايام
مازن : مزال القادم امر وامر
حنين : شن قصدك
مازن : قصدي انتي راجلك شخص محارب
يعني لازم ايكووون قلبك من حديد
حنين : شن تحكي انت
مازن : ربي امعانا باذن الله
حطت راسها علي كتف مازن وهوو
يسوووق تحت المطر
مازن بدا يتحول بشواش بشواش الى شخصية العقرب
هوو في باله
عشان اتعيش في هالدنيا
لازم تضرب من حديد
والا ستُداس بالاقدام
"""""
فارس طلّع اللبسة القديمة الصعقاوية امتاعه
وطلّع جميع العدة امتاعه
فارس : هذا وقتك ياقووبعة
رنت عليه نرمين وهو قاعد يوتي في دبشه
فارس : شن قلنا نحنا ,, مش قلنا معش نحكوو مع بعض
نرمين : امرايفه عليك الله غالب
فارس : حنقوولك شي
نرمين : قووول
فارس : راني حبيتك ,,
نرمين : عرفتك اتحبني
فارس : مرات معش انشووفوو بعض من جديد
نرمين : عليش الكلام هذا مش وقته بكل توا
فارس : لا بس نحكي عادي نحرقلك في دمك بس
نرمين : نحسابك بس ,, سكّر سكّر مازن شكله جا هو وحنين
""""
نزار خش ثلاجة الموووت
وشاف خوو فتحي
وكان نازف واجد
قعد يبكي نزار قدام ثلاجة الموتى
وخولة تبكي وتبكي
ولامار جتها حاله هسترية اتخبش في روحها وخلاص
""""
حنين : عارف يارووحي ,,
مازن : نعم
حنين : اكثر مكان نشعر بي بالامان
لما نقعد في حضنك
مازن : انحبك مووت يا احلى شي في حياتي
حنين : حبيبي كنك انحس فيك اتفكر واااجد اليووم
مازن : انفكر في مووضوع ادعي ربي يسرلي بس
حنين : مووضووع شن
مازن: تنسِنَش من الدعاء بس
وحضنها مازن بالقوووة ورقدت في حضنة
"""""
نجاح : مش عارفة كنّا مابش يتعشى مروان ياماما
وفاء : واخذة عقلة نرمين ,, مش عارفة شن ديرتله
نجاح : مش مازن جاهم ,, بكرة نمشوولهم وننهوو هالقصة
وفاء : حنشووفوو ,, اهم شي مروان يطلعها من راسه
نجاح : ان شاء الله يارب تطلع من راسه ,,
وتطلع نرمين حاجزينها
وفاء : يااااااارب
"""""
صباح ثاني يوم

ناضت حنين الصبح مالقتش مازن في الدار
سترت رووحها وطلعت من الدار
تسال في عمتها وخواته
قاللها طالع من الصبح بدري
رنت علي حنين
مازن : صباح الوورد اعيوووني
حنين : امتى نظت انت ماحسيتش بيك بككل
مازن : مابيتش نزعجك ,, درت قهوة وطلعت
وحنين : وين قاعد
مازن : ماقتلك عندي موضوع ادعي ربي يسرلي فيه
حنين : امين يارب
فاطمة : هيا تعالي افطري ياحنين
حنين : هيا جايا جايا
"""""
احمد : هيا نووضي
سهام : صباح الخير حبيبي
احمد : صباح الورد اعيووني
سهام : كنك لابس شكلك طالع بدري
احمد : اليوم دفينة اسلام ولازم نمشي اول احد
سهام : ربي يتقبله برحمته
احمد : لامار ترجى فيا نبي انشيلها الحووش هلي
بعدها ماشي شوور الدفينة
سهام : عليك ليلة امس مرّت بيها
ما انضنش رقدت بكل
احمد : ربي يصبرها يارب
" لامار ركبت مع احمد ومصدوومة وساكته "
"""""""
مازن : احسن حاجة فضيت السووبر ماركت
فارس : حيرد نفس قبل المخزن امتاعنا
مازن : ايو الله تقعد غرفة العمليات
فارس : عرفت مكان ايمن ولا مزال
مازن : اشوية اشوية حنعرفووو
اهم شي عندي نبيه يعرف اني
رديت للساحة من جديد
وسيووره حيرن عليّا
""""
ايمن حاط وحدين يراقبوو في فارس
ويرجوو في ابسط لقطة
عشان يقتلوووو
""""
فارس ومازن اطلعوو ماشيين شووور الدفينة
""""
نجاح : خلاص سادك بوووس راه امن الجامعة يفطنو بس
رمضان : لا مايفطنووش انحبك انا
نجاح : بطل قتلك ياسخيف
رمضان : انموووت فيك انا
نجاح : اشوية نقال يرن انشووفه من
مروان : جايك في الطريق
نجاح : كنك جايني بدري
مروان : مش قتيلي عندك لعند الساعة 10 خلاص
نجاح : قاعد امكسدة مع صحباتي ,, تعالي الساعة 12
امكسدة مع البنات ضحك وجو سمح
مروان : تم خلاص الساعة 12 جايك
رمضا ن: امووووواه
نجاح : انحبك موووت
"رمضان دايرة علاقة حب مع نجاح "
""""""
خولة فتحت حووشها عشان تستقبل الصبايا
اللي جيات يعزنّها في فتحي
ونزار قاعد في المستشفى ادير في اوارق الدفن لفتحي
"""""""
مازن : يستاهل هالدفينة العسكرية
فارس : خسرنا راجل عنده غيرية عالوطن
مازن : ربي يتقبله من الشهداء
فارس : شن رايك تمشي امعايا للحووش نتغدوو
مازن : لا حطني في الحووش ,, بعدك طالع من الصبح بدري
مافش حد يندري عليا اني طلعت بكككل
"فارس حط مازن عند حووشهم ,, "
""""
ايمن : صار قتوولي مازن رد يتاجر في المخدرات والسلاح
قلنالك هذي الطريقة الوحيدة اللي تقعد فيها مليوونير في ليبيا
لكن صدّقني مش حنخليها لك ابرووحك الساحة
اليوووم يقتلووو فارس
بعدها نفضالكم يامازن واحمد
""""""
فارس وهوو راد رنت عليه امه
قالت له جيب امعاك خبزة
راني دايرة طبيخة ومافش خبزة
فارس ايدور في كووشة
لين شاف
محل عنده خبزة برة
قال حننزل وناخذها وخلاص
امصقعة امصقعة
السيارة كانت اتراقب في فارس
هوو نزل من هنا
جت سيارة نوع جيب شوور فارس
تبي تخبطه
بالصدفة رنت علي امه مرة اخرة
هو يبي يطلّع النقال من هنا
شاف السيارة جايا شووره
طلّع البلجيكي ابسرعة
من وراء ضهره
وظرب السواق بطلقة في راسه
السيارة غيرت اتجاها وخشت في المبنى اللي جنبه
وكان في واحد جنب السواق
راسه خطب في طبلون السيارة
اغمى عليه
فارس : مسكت فريسة ,,
حنعرفووو من دازك عشان تقتلني
واعزقه في السيارة من لاورة
وشاله شوور المخزن دغري
ورن علي واحد من جيرانه
وقاله شيل الامي خبزة للحوش انا مزلت امطول
""""
حنين : انست ياحبيبي
مازن : تانسك الجنة
حنين : مفرووض مانحكش امعاك ,, عشان مشيت
بدوون ما اتصبح عليا
مازن : تحميليني هالفترة بس
حنين : نجك ليا وخلاص
ومازن وهو يهدرز مع حنين
رن نقاله
مازن : نعم يافارس
فارس : مسكنا فريسة يالعقرب
مازن : عارفك اتهني ياقوبعة
قوبعة : طبعا عارف وين تلقى صح
العقرب : اكيدة يامااااااااان ,, اني جايك
حنين : وين ماشي انت توا كيف خشيت
العقرب : قتلك الايام هذينا عندي مواضيع تحميليني ارجووك
حنين : حاضر ياحبيبي
""""
نجاح : كنك طولت عليا
مروان : زرقلي موضوع ,, عادي اهم شي غيرتي جوك مع صحباتك
نجاح : مش غير احلى جوووو غيرته ,, ربي مايحرمنش منك ياغالي
مروان : اليووم راه ماشيين شوور مازن
نجاح : افهم افهم نرمين امتاع شباب وبنت مش اكوويسة
حتى في الجامعة عليها دواوي واجد
افطن
مروان : ان شاء الله خير ,, وانتم اتعاودوولي في نفس الاسطوانة
"""""
سهام : جبت غداء من المطعم عليش
احمد : انتي تعبانة بككل ,, نبي راحتك انا
سهام : حنحاول انجيبلك بيبي اخر عشان ترضى بس
احمد : والله راضي عليك وانحبك وانمووت فيك
معش هامني بيبي لاشي
المهم انك اتكووني بخير وبصحة وعافية
سهام : شن صار في لامار
احمد : شلتها ساكته ماتحكش ولا كلمة مصدوومة من الخبر مزال
""""""
فاطمة : مش املاحظة ان مازن قعد يطلع واجد من الحووش
ويفكر واجد
نرمين : ان شاء الله خير ,, حتى كلام فارس قعد يخووف
""""
فارس : مزال مغمى عليه
مازن : كلمت دكتوور جايني هنا من جماعتي
فارس : احسن مادرت
مازن : لازم يتعالج ويحكيلنا من اللي دازّه وشن اسمه
وناخذوو تفاصيله كلهن
هذا حيساعدنا واجد
فارس : مش غير
"""""
حنين : ربي يصبرك يا لامار
فاطمة : شن صار
حنين : عارفتيه الراجل اللي صورته منتشره عالفيس منتحر
فاطمة : اها
حنين : هذا فتحي راجل لامار
فاطمة : ان لله وان اليه راجعوون
نرمين : اعظم الله اجركم
حنين : بارك الله فيك نرمين
"""""""
مازن : مش حنوريك شغلك في الكلب اللي مغمى عليه
دكتوور : اكيدة كووون هاني
مازن : عارفك اتهني من يوومك ,, هذا حنعرفو منّا مكان ايمن
دكتور : حندير المستحيل عشان يتعافى
""""""

يتبع ,,,

New Post
New Post
مديرة ستار ديس

تاريخ التسجيل : 24/08/2018
المساهمات : 4133
نقاط التميز : 6472
الجنس : انثى
العمر : 24
الأبراج : الميزان

الرجوع الى أعلى الصفحة اذهب الى الأسفل

رد: رواية بلهجة ليبية بعنوان " مشاعر مطرطشة " للكاتب ديندار الوحيشي "

مُساهمة من طرف New Post الأربعاء سبتمبر 05, 2018 12:36 am


مشاعر_مطرطشة

الموسم الأول

الحلقة 22

نرمين : ربي يصبّرها لامار
اكيدة تاعبة نفسيّتها
عليك خبر يفجع
حنين : رنيت عليها مابتش اترد عليا
من الصبح انرن عليها
مشغوولة واجد عليها
حنخلي مازن يشيلني
العشية لحووش هلي
فاطمة : امشي يانرمين صبي تحشمي علي وجك
معقوولة ماما هي اللي اتجيب الغداء
ام مازن : لا تريحن عادي مزلت شباب عليش اتكبرن فيا
حنين : ربي يخليك ليا ياعمتي
ام مازن : كنّا طالع مازن ووقت الغداء
حنين : جا تلفيون من فارس وطلع ماشي شور المخزن
ام مازن : ربي يكون في عونه
""""""
دكتور : حالته خطيرة يالعقرب
لازم انشيلووه لعيادة خاصة
العقرب : كيف نبي انشيلووو بس
فارس : رنوو علي الافندي احمد مرات يساعدنا
العقرب : صح عنده معارف اكيدة حيساعدنا
""""""
ايمن جاء خبر بمقتل واحد من الجماعة اللي كلفهم
بقتل فاااارس
ايمن : معقوولة مش قادرين تقتلووو ,,
غير ان شاء الله الاخر يطلع هارب ولا ميت
ومش مسكيّنا عندهم
"""""
سهام : ربي يخليك ليا ,, احلى وجبة كليتها في حياتي
احمد : المهم ما اتعبش رووحك
سهام : انحبك واجد يا اعيوووني
احمد : انمووت فيك
سهام : بس نطلب منك طلب
احمد : شن حياتي
سهام : ياريت ما تستقيلش من منصبك
الوطن مستحقلك
احمد : لا القرار خذيته وحنقدم استقالتي
لكن مش توا ناخذ بثار اسلام قبل
سهام : الثار خووذه بالقانوون
متخلش الغظب يسيطر عليك
احمد : قانوون اي قانوون تحكي عليه
لاقانون يحكم في الشعب
قانون الغابة هو السائد
سهام : كنك قعدت تحكي هكي انت
احمد : مش حنتريح لين ناخذ بثار اسلام
نقال احمد قعد يرن
احمد " زعمك مازن شن يبي فيا توا
ان شاء الله خير
احمد : نعم يالعقرب
مازن : تقدر اتجيني توا
احمد : وين انجيك بس
مازن : تعالي في المخزن امتاعي ضروري ضروري
احمد : تمام حنجيك توووا هيا
مازن : نرجى فيك
سهام : وين طالع ياحبيبي
احمد : مازن يبيني شكله عرف معلوومة شور قاتل اسلام
سهام : حبيبي راني انخاف عليك واجد
قبل ما ادير اي حاجة
خليها في بالك
انّ في انثى
عايشة الدنيا
عشاااان خاطرك
احمد : حضنها وعطاها بوووسه علي خدها اليميين ونزل من الشقة
""""""
لامار في الدار ساكته
وتذكر اول يووم فتحي بعد دار المقابلة الشرعية
وتذكر ايام الخطوووبة
وتذكر ايام الزفة والفرح
وتذكر احلى ايام بيناتهم
وتبكي وتحكي مع رووحها
لامار : عليش سيبتني يافتحي
والله انحبك وانموووت فيك
يافتحي مهما درت فيا
مستحيل نكرهك ولا نحقد عليك
يافتحي والله انكابر قدام الناس
اني معش نبيك
لكن انا من جوّا
نتمناك اترد نفس زمان
فتحي الحنوون الطيب الغالي
مشيت وسيبتني يافتحي
خليتني ابرووحي في هالدنيا
يافتحي انا قلت حتى نقعد حتى بلا اولاد
عااادي المهم انعيش امعاك
وقعدت تبكي وامسكره علي رووحها الباب
امّها كانت ماتحركش واجد وماشيا بعلاج معين
ويرجوو في الفرج من ربي
عشان اتعافى من الجلطة اللي عندها
امها تسمع في لامار تبكي
امها مش قادرة اتحرك
اتحاول اتحرك من السرير
وجعتها بنتها
امها تحكي مع رووحها
ام لامار : عليش تبكي يا بنتي يا اعيووني
ياريتني نقدر انتحرك وانجيك لعندك
انطبط عليك
امّها اتحاول اتحرك مش قادرة
وصوت لامار عااالي
واصل لعند دار امها
امّها مزالت اتحاول
بدت اتحرك امها بشواش بشواش
بدت تزحف شوور بنتها لامار
امها تبي اطبطب عليها
امها تبي اتخفف عليها
امها تبي اتقووللها راني قاعدة
انا نفديك ابرووحي
ماعاش اللي ينكد عليك
قعدت تزحف امها وتزحف شوور الدار
واتحاول تووصل للدار ومش قادرة
ماحووتك تمشي
""""""
حنين : صار قتيلي اطياح عالروايات وخلاص
فاطمة : مش غير روايات وبس
حنين : شن اسمه القرووب
فاطمة : اسمه روايات ليبية
حنين : اها
فاطمة : في رواية سمحة انتابع فيها
اسماها مشاعر مطرطشة
لكن صاحب الرواية اسمه ديندار
شكله عنده حالة نفسية
ماتعرفش كيف
اتقوول جن
مرّا يبان
مرا يختفي
معش تفهمي لدرجة في البداية كنت انخاف منّا
لكن بعد هدرزت امعاه
طلع اكويس ظنيت بي ظن السووء
حنين : شن تحكي الرواية
فاطمة : تحكي علي واحد كان صايع وكبّد علي بنت ملتزمة
حنين : حي نفس قصتي انا ومازن
فاطمة : اها في شبه منّها
حنين : خليني انرن علي بابا نساله ع لامار وحالها
بما انها ماتبش اترد عليا
""""
مازن : انست يا احمد
احمد : من هذا اللي جسمه كله دم
مازن : هذووما جوو يبو يقتلوو فارس
لكن فارس قتل واحد فيهم
والاخر اغمى عليه
احمد : جا في وقته ,, الحمد الله علي سلامتك ياقوبعة
فارس : الله يسلمك
مازن : حالته خطيرة ,, ونبو عيادة خاصة انت عندك معارف واجد
احمد : تم صاحب عيادة النجاح صاحبي الروح بالرووح
حنرن عليه توا ايدزنا سيارة اسعاف عشان انشيلوو غادي
وحنصبي علي انا ابرووحي
لازم يعييش ,, ومايموووتش
فارس : تي لازم بككككل
مازن : مش حنتريح لين ناخذ بثارك يا اسلام
احمد : ولا انا حنتريح لين ناخذ بثارك يا اسلام الغالي
موووتك قسملّي ظهري
"""""
بات حنين امكسد في الصالة وامعلي التلفزيوون بصووت عالي
مايسمعش في صووت ابكاء لامار
ويتفرج عالاخبار ويقلب في القنوات الليبية
" سمع نقاله يرن "
بات حنين : حنوو الغالية كيف حالك
حنين : الحمد الله ,, لامار جنبك
بات حنين : لا لكن عارفة انتي قصة فتحي
سكرت علي روحها الدار وماتبش حد يحكي امعايا
حنين : باهي قوللها اترن عليك حنين تبيك ظرووري
بات حنين : حاضر ,, توا حنمشيلها
شاف
ام حنين اتحاول تطلع من الدار وتزحف عشان تمشي
شوور دار لامار
بات حنين مشى يجري شوورها ورفّعها
بات حنين : شن تبي وين طالعة توو نخدمك انا
ام حنين : اممممممممم واتشيير علي دار لامار
بات حنين فهم انّ هيا تبي تمشي للدار
مسكها وشالها لعند الباب
قعد يخبط عالباب
حلي يالامار
حلي يالامار
لامار : مانبي حد خطووووني
مانبي حد يارب انموووت وانفتك منكم
ام حنين : امممممممم امممممممممم
ام حنين عندها جلطة وماتعرفش تحكي اكويس
لامار سمعت صووت امها
دغري عدت شوور الباب وفتحاته
لقت امها قدام الباب
حضنت امها وقعدت تبكي
وامها تبكي بلا صوووت
دمووووع بس
امها في سرها تحكي
" اه يابنتي لو في يدي نعرف كيف انساعدك
وانخفف عليك آلامك حنساعدك يا اعيوووني "
لامار قعدت تبكي في حضن امها "
لامار : امرايفة علي حضنك ياماما
كنت كل مانضايق انجي نبكيلك زمان
توا عاودت نفس اللقطة
وجيتي لعندي للدار
وقعدت اتعيط
وامّها اتحاول تمسح علي راسها
واتهدي فيها
بات حنين الدمعة كانت علي خدّة
ماسك رووحه بالغصب
وقعد يهدي فيهم
"""""
مروان : هيا امي نمشووو
وفاء : هيا توو نمشي توا وسع بالك
نجاح : كنك مستعجل توو نمشي
مروان :,, هيا نرجى فيكم في السيارة
"""""""
احمد : خلاص اشوية اخرة جايا سيارة الاسعاف لكن
مش حنخلووها اتخش للشارع
عشان ما اديرش شُبْهَ
عارف انت المخزن لاصق في حووشكم
مانبووش هلك ولا الجيران يفطنوو الحاجة ,,
حنشيله انا بسيارتي لمكان بعبيد بكل عن المنطقة
ونعطي لسيارة الاسعاف
مازن : دير رايك ,, المهم وصّي عليه الدكاترة
لازم يعيش
احمد : اطمّن ,, هيا يافارس تعال ركّبه امعايا في السيارة
فارس : هيا
""""
ام مازن : يابنات الباب يدق شووفن من
نرمين : مرحبتين انستوونا
وفاء : مرحب بعرووستنا
نجاح : اهلين بالسنيووورة
ام مازن : تفضلو تفضلوو
مروان : لما تبي اتروحوو رنوو عليا
مازن وهو طالع من المخزن
شاف مروان طالع من حووشهم
مشى شووره
"""""
وفاء : كيف حالك
ام مازن : تمام الحمد الله ,,
وفاء : نرجوو في ردكم معش رديتووو علينا
ام مازن : مازن قال في صاحبه يبيها نرمين
حنين : اهلين ومدت "اديها تبي اتسلم "
وفاء : خير خير " وسلّمت علي حنين برووس صوابعها "
فاطمة : هي هي انتي كنك اتسلمي و تحكي مع حنين هكي
مش عاجبتك ولا شن
نجاح : احترمي نفسك يافاطمة ومعش تحكي مع امي هكي خيرلك
فاطمة : بعد امك تحترم الناس حنحترمها شفتي كيف سلمت علي حنين
وكيف بحتت فيها ,, عليش هالتكبر كلها
نجاح : قتلك اسكتي خيرلك ,,
ام مازن : يافاطمة راك كثرتي ,,
شن هذا كل ما ايجوو لازم اديرو
مشكلة عيب هذي عمتك
"""""
مروان : اهلين مازن ,, كل شي عالبركة
مازن : الله يبارك فيك ياولد عمتي
كيف حالك وحال صحتك
مروان : الحمد الله بشووفتك
مازن : امي هدرزتلي علي موضوعك
مروان : شن ردك
مازن : انت راجل محترم وماشاء الله عليك
وماعندي ما انقوول فيك
لكن عارف انت المشاكل العائلية بين امي وعماتي واعمامي
وعارف انت الحرب العائلية اللي بيناتنا
لكن الحمد الله الكره اللي بين اعمامك وعماتك
ماخشش اقلوووبنا وقعدنا احسن منهم ابواجد
مع انّ امك مش امسلفة خير
وياما تعبتنا واجد
لكن صاحبي فارس هو قبلك جا
ومعطين فيها كلمة البنت
والله لو فارس مش عاطي كلمة فيها راه
دغري وافقت عليك بدوون مانحكي
مستحيل انخلي المشاكل العائلية
يخشن بيني وبينك
مروان : يعلم الله انك ولد اصل وولد ناس
مهما حاولو يشوهوو سمعتك انت وامك
مستحيل حنصدقهم ياغالي
مازن : هيا تعال انخشوو للحووش جوا ,,
"""""
مازلت ام لامار اطبط عليها واتخفف عليها
تبي تدوي مش قادرة
ام لامار : امممممم اممممممم
لامار : خلاص ياماما ما اتعبش رووحك
ام لامر : لامم لامم لامم لاماااا لاممم
لامار : ماما ارجووك خلاص ما اتعبش روحك
ام لامار : لاما تكّش
لامار: حي ماما بدت تحكي
الحمد الله ياربي الحمد الله ياربي
والله ماني باكية خلاص
حاضر يا احلى ماما
فرحانة بكككككل
ماما قعدت تحكي الحمد الله
ام لامار : لاما امس دمووك
لامار : حاضر توو نمسحهن ادمووووعي
لامار قعد الحزن عندها ممزوج بالفرح بعد امها صارعت المرض
وقعدت اتحاول انها تحكي
"""""
علي خشّت مازن ومروان
صووتهن يتعاركن واصل لعند برة
مازن : خليك اشوية في المربوعة تو انجيك
نجاح : اصلا مروان طايح علي راسه يبي بنت نفس نرمين
فاطمة : وكنها نرمين شن ناقصها
نجاح : خليها ساكته
وفاء : يانجاح اسكتي خلاص ,,
ام مازن : يافاطمة عشان خاطري اسكتي
حنين : هذا كله عشان قلت اهلين
هيا توو انخش الداري واسفة عشان
خشيت نقاش عائلي
خلاص حنين تبي اتخش للدار
علي خشت مازن للصالة
مازن : تعالي هنا ياحنين ,, ومن قالك انك من برة العائلة
حقاتك اتخشي في النقاش العائلي زي اي واحد من العائلة
وفاء : اهلين مازن كل شي عالبركة
مازن : ممكن اتفضلي انتي وبنتك برّة الحووش
ماعندنش بنت للزواج
نجاح : اتلز فينا من الحووش هذي نهايتها
مازن : معلش نحكي مع امك ,, انتي مانحكش امعاك
نجاح : ما اسمهش امك ,, اسماها عمتي
مازن : معش عندي عمات انا
وفاء : معقوولة يا ام مازن ,, خليتي مازن يكره عماته
مازن : امي مش شوورها شي , ولا عمرها حرضت عليكن
لكن وانا اصغير كنت انشووف كل شي بعيووني
مش قلتوو ع امي عاهرة
مش قلتوو ع امي سحارة
مش قلتوو ع امي مش بنت ناس زمان
شوهتوو سمعتها
هيا تفضلن برة الحوووووش
وفاء : اتلز فينا
علي خشت مروان للصالة
خشت تجري حنين للدار
مروان : صح عنده حق يلزنا
وفاء : شن تحكي انت الاخر ,, مفروض اتصبي مع امك
نجاح : انت بعقلك يامروان
مروان مشى جنب مازن
مروان : الكلام اللي قاله كله صح
حربتووهم وشوهتوو سمعتهم
شن تبوو فيهم مزال
وفاء : ما انت من الاول تبيهم انا مانبي نسبتهم بكككل
مروان : مهما داروو الاقارب مهما داروو من مشاكل
مستحيل نحنا حنتاثرووو ونقعدوو حن علي بعضنا
حتى بعد نكبروو ونزووجوو
نتعلموو من اخطائكم
ومازن ,, رفضني مش عشان يكرهكم
لكن عشان البنت معطي فيها كلمة
وبالعكس امقدرني ودايرلي الف حساب
هيا نرجى فيكم في السيارة
سامحنا يامازن ,,
مروان وهو طالع
مسك يدة مازن
وحضنه بالقووة
انت ينقال عليك ولد عمتي صح
ماعمرة اتخلي مشاكل هلك مع عمك ولا عمتك ولا خالك ولا خالتك
يخليك تكره ابنائهم
ابنائهم مالهمش ذنب
وطلع وركب للسيارة مروان
وطلعت امه واخته ركبن امعاه للسيارة
وروح بيهن للحوووش
فاطمة ونرمين جن يجرن شوور مازن
وحضنهن
مازن : مدام انا حي مافش حد حيغلط فيكن ولا ايطق فيكم
ام مازن : بطوولة عمرك ياااااااارب
مازن عطا امه بووسه علي جبينها
مازن : ربي يحفضك ويطولك في عمرك يانبع الحنان
حنين طلعت تجري من الدار للصالة
مازن : كنك تبكي شن فيه
حنين : ماما يامازن ماما يامازن
مازن : كنها امك ان شاء الله خير
حنين : توا كلمني بابا وقالي قعدت تحكي بشواش
فرحانة فرحانة دمووع الفرح هذينا
وسجدة سجدة شكر لله في الصالة
فاطمة : الحمد الله يارب
نرمين : احلى خبر سمعنا اليوووم
ام مازن : الحمد الله
مازن : هيا غيري دبشك حنشيلك توا لحووش هلك
حنين كيف الهبلة خشت للدار تجري اتغير دبشها واتوتي في روحها
""""
ايمن : لازم ادوّرو علي وائل حي ولا ميت ,, اقلبوو بنغازي كلها
فتشوو جميع المسشفيات والعيادات في بنغازي
"""""""
" وائل هذا اللي قعد مغمى عليه وحاول قتل فارس
وشاله احمد لعيادة النجاح "
"""""""
احمد : ردبالكم عليه وخلوه تحت العناية المركزة
دكتور : باذن الله اول مايتعافى حنرن عليك
احمد : لا مش متحرك من هنا ,, مرات يهرّبووو ..
احمد سمع صوت نقاله يرن
احمد : نعم ياحنين
حنين : ماما حكت ماما حكت يا احمد
احمد : الله اكبر الله اكبر الله اكبر
الحمد الله بنعمته تتم الصالحات
حنين : توا شايلني مازن شوور الحووش غادي
احمد : الحمد الله ياربي ,, هيا اشوية وجايكم غادي
حنين : تمام نرجوو فيك
حنين : حاضر
"""""
قوبعة امكسد في المخزن ويبرم عالسلاح والذخيرة
ويجهز فيهن لاي طارئ
رنت عليه نرمين
نرمين : اليووم مازن رفص ولد عمتي وقال انك معطي فيك كلمة
فارس : ربي كان عطانا عمر باذن الله حناخذك بالحلال
نرمين : كنك رايح سامط ,, وتحكي عالمووت واجد
فارس : ربي يحفضك ويرعاك ,,
نرمين : انحبك موووت
"""
مروان وصل لحووشهم خش للدار دغري مابش يحكي مع حد
عزق مفتاح السيارة عالدوولاب
وصقب عالفراش وقعد يتامل في الساس وخلاص
خشت علي امه
وفاء : خلاص يا اعيووني انا اسفة ,, تزعلش رووحك
مروان : امي معش اتاسفي ,, لكن مشاكلم خاصة بيكم
نحنا شن ذنبا انشيلوو فيهن ونتوارثووهن بالاجيال
وفاء : صدقت ياحبيبي ,, هيا اشوية انديرلك عشاء ياصقووعي
مروان : خلاص انغير دبشي وجاي للصالة
"""""
حنين : الحمد الله علي سلامة ماما
لامار : اهلا حنين
حنين : بابا رن عليا قالي ماما حكت
لامار : اها صح
حنين : باهي كيف حالك انتي ,,
شدي حيلك وماتخلش الشيطان يسيطر عليك
....
لامار مزالت عبوووسة الوجه
لامار : ان شاء الله حنين
حنين : وين ماما ,,
لامار : شلناها في الدار
حنين خشت شوور امها
ام حنين : حيين حيين
حنين : اها حنين حنين يانبع الحنان
الحمد الله قعدت مضبطة امها وتبكي
فرحانة واجد واجد
علي خشت احمد
احمد خش شوور امه
ام حنين : امّد امّد
احمد : تي نعليها منها امّد من فمك يا اغلى انسانة في حياتي
حنين بلقطة عفوية منّها
قعدت اتزغرت
حنين : لوولولولولولوولي لوولولولوولي
احمد : عيب ,, راجل اختك منتحر
لامار : خليها كلنا فرحانين ,, فرحة امي لاتقدر بثمن
وسجد احمد سجدة شكر لله
وقعد احمد وحنين ولامار يهدرزوو مع امهم وفرحانين واجد
وايمن مزال ايدوّر علي وائل
وائل قاعد بين الحياة والموت في عيادة النجاح
ومازن يرجى في ساعة الصفر

يتبع ,,,

New Post
New Post
مديرة ستار ديس

تاريخ التسجيل : 24/08/2018
المساهمات : 4133
نقاط التميز : 6472
الجنس : انثى
العمر : 24
الأبراج : الميزان

الرجوع الى أعلى الصفحة اذهب الى الأسفل

رد: رواية بلهجة ليبية بعنوان " مشاعر مطرطشة " للكاتب ديندار الوحيشي "

مُساهمة من طرف New Post الأربعاء سبتمبر 05, 2018 12:37 am


مشاعر_مطرطشة

الموسم الأول

الحلقة 23

مازن : هيا اطلعي قاعد برة
حنين : هيا نلبس عبايتي وطالعة
احمد : من مازن هذا
حنين : اها قاعد برة
احمد : تو نطلعله
""""
وفاء : هيا تعال العشاء واتي يامروان
مروان : جايك جايك
نجاح : بس لقطة بايخة منك اتصبي مع مازن ضدنا
مروان : انتي سكري فمك ,, واشقي بهمك خير ما انخبطك
وفاء : عيب شن هذا احترمووني قاعدة بيناتكم
مروان : باهي انقووللكم حاجة اقعدوو فيها معش نبي نتعشى
" وصبّى خش للدار "
""""
فارس سكر المخزن وروّح الحووشهم عشان يتعشى مع الوالدة
وحاط ديما اسلاحه تحت ,, وعارف في اي وقت حيمووت
""""""
فاطمة : طيّب فيها حنين
نرمين : الحمد الله حاجة فرحتهم وطلعتهم من الحزن امتعاهم
ام مازن : الحمد الله يارب
فاطمة : نمشي انوتي العشاء اكيدة قريب ايجووو مازن وحنين
"""""
مازن : الحمد الله علي سلامة الوالدة
احمد : الله يسلمك
مازن : كيف صار في كلب امتاع ايمن
احمد : قاعد في عيادة النجاح
مازن : اهوو جت حنين طالعة من حوشكم
,, بيناتنا الووو
حنين : اسفة طولت عليك
مازن : كيف حال امك
حنين : الحمد الله تدوي طشة طشة
مازن : ربي يدووم عليها الصحة والعافية
"""""
روان : بابا جا بابا جا
احمد : نجك ليا يا اعيووني رايفت عليك
سهام طلعت من الدار وماحووتك كيف تمشي
احمد : تي كنك من قالك صبي
مزلتي تعبانة انتي
سهام : لا حبيبي حاسة روحي اكويسة اليووم
احمد : معقوولة اموتيه عشاء ليا
سهام : حبيبي انت ,, لو ماوتيتلكش انت المن نبي انوتي
"""""
صباح ثاني يووم

مروان ناض الصبح بدري عشان يشيل
نجاح للجامعة
"""""
احمد من الصبح قاعد في عيادة النجاح
يشووف في صحة اللي مغمى عليه
""""""
مازن لابس لبسة صعقاوية
وكالعادة اسلاحه تحتة
""""
مروان : امتى انجيك اليوووم
نجاح : تعالي الساعة 10
مروان : بعد خطرها مش اليوم عطلة عندك
نجاح : لا اليوم في دكتوور
يبي يراجعنا عشان امتحان الجزئي
مروان : تم
ونزلت نجاح من السيارة ماشية للقاعة
مروان وهوو طالع من الجامعة
قال الروحه
ماعندي عليش
طالع ,, انكسد في الجامعة
والساعة 10 انروح بنجاح
"""""
الدكتور : حالته اكوويسة اليوووم
بدا يفطن الرووحه
لكن خليه اشوية يتريح
وبعدين احكي امعاه لو ناوي تحكي امعاه
احمد : تمام بكل قاعدلة
"""""
نرمين : حرام عليك مزال ماضميتي الصالة
فاطمة : اشوية بس انكمل نقرا في حلقة رواية
" وهي تقرا فاطمة شافت رسالة عالمسنجر "
خشت شفتها طلعت من ديندار صاحب الرواية
ديندار : صباح الخير
فاطمة : شكله املخبط هذا اول مرة ادز رسالة
فاطمة : صباح الورد
ديندار : كيف حالك اليووم
فاطمة : الحمد الله وانت
ديندار : الحمد الله
فاطمة : انت متاكد دازلي رسالة ولا املخبط
ديندار : لا متاكد ,, في حد يلخبط عالصبح
فاطمة : بس استغربت اول مرة ادزلي رسالة
ديندار : الله غالب متابعيين الرواية قالولي
حرام عليك حن عليها ودورها
كنك مش امدورها وفايتها
فاطمة : من يطلعوو هذووما
ديندار : اللي توا يقروو في الرواية
فاطمة : فيش تحكي انت
ديندار : حبيت انصبح عليك بس
فاطمة : مع اني مش فاهمة شن تحكي
لكن بارك الله فيك
هذا من ذووقك
""""""
رمضان : كنك انرن عليك ما اتدرش
نجاح : كنت مع خوويا في السيارة
رمضان : باهي وين قاعدة
نجاح : تعالي عند ساحة اللي امقابلة المدرجات الخضر
رمضان : تم جايك بعدك امرايف عليك
""""
ايمن : معقوولة مزال ملقيتووش وائل
لازم تلقووو ضروووري
زعمك وين قاعد يا وائل
"""""
لامار اتفطر في امها عالصبح
وفرحانة عشان امها قعدت تحكي
فجأة لامار حطت يدها علي راسها
واتحس بدوووخه معش عرفت
كلمت باتها
جابلها باندوول ,, لكن مزال
دايخة وخاطرها اترجع
شالها للمستشفى بسرعة
""""""
مروان امكسد في الجامعة
وهوو ماشي هكي
شاف اخته نجاح مع شاب وماسك يدّها
دغري مروان طربق مووسه البخووسة
وجا شووورهم
نجاح : حي مرووان شن جابه هنا
رمضان : مروان من
مروان : مروان هوو اللي حيطربقك يافاسد
مروان دغري قعد ينغز فيه بالموس في بطنة وفي كرعيه بالقوووة
نجاح : خلاص خلاص راه ايمووووت بين ايديك
مروان برم علي نجاح وضربها بكف علي وجها
صار نرمين امتاع شباب
ومعرووفة بنت مش تمام
اماله انتي شن
رمضان طاح اغمى عليه ونزف واجد
ونجاح ركبت مع مروان وامروح بيها
للحوش وتبكي وخايفة
مش عارفة شن حيديري فيها
في الحوووش
""""
مازن مشى شور عيادة النجاح
يشووف شن صار مع احمد
احمد : جيت في وقتك
مازن : كيف صار
احمد : بادي يصحصح
مازن : تمام بككل
ناض وائل وشاف اثنين جنبه
ومش عارفهم من,,
اخر حاجة فاطلها
انّه خش في الساس واغمى عليه
وائل : من انتووو
مازن : ماتخافش انت في مكان آمن
احمد : خليك متريح وماتبذلش مجهووود
"""""""
مروان : ياحيوانة تحكي علي بنات الناس
واتقرمي عليهن وانتي اديري نفسهن
نجاح : خليني نشرحلك بس
مروان : اشرحي الامك مش انا
نجاح قعدت تبكي في السيارة
"""""
ام مازن : شفتي شن جايبيين في الاخبار
نرمين : شن
ام مازن : نقابة المعلمين تقرر إنهاء الإضراب
بعد الاستجابة لمطالبهم في بنعازي
نرمين : الحمد الله اقل شي الطلبة يردوو يقروو
ام مازن : فعلا مش ناقصة الحكاية
نرمين : ان شاء الله بس بعد زيادة مرتباتهم
يعطوو بضمير ويتقوو الله في الطالب
فاطمة : حنين ماطلعتش من الدار بكككل
شغلتني عليها
نرمين : توو نمشيلها للدار انشووفها
ونرمين وهي ماشيا للدار
حنين طلعت وحلت الباب
نرمين : توا كنت جايتك شغلتينا عليك
حنين : تشغلش عليا ,, مضايقة اشوية
نرمين : كنك ,, مازن رايح متغيير بككل
خايفة نخسرة ,,
ولا كم يووم معش يصلي
مستغربه شن اللي غيره
كان اكووويس
نرمين : ان شاء الله خير ماضايقش رووحك بس
"""""
بات لامار : شن يادكتوور كنها
الدكتور : بنتك حامل
بات لامار استك
بات لامار : فيش تحكي انت
الدكتور : بنتك حامل ,, الكشوفات يقوولن هكي
وهي توا في الشهر الثاني
بات لامار : تي كيف حامل وهي وراجلها مايجبووش
وماعرفووش شن المشكلة
وحتى عالجوو من قبل ومافش امل
كيف توا اتقوولي حامل
الدكتور : تبي اتصدق صدق ماتبش ابراحتك
لكن بنتك حامل
بات لامار معش عرف يفرح ولا يضايق مش عرف شن يحكي
بات لامار : غير زيد اكشف عليها بس
الدكتوور : ياراجل بنتك حامل ,, الله اللي يقول للشي كن فيكوون
خلّها تحمل ,, عندك اعتراض علي قدرة ربي
بات لامار : اكيدة لا ,, لكن اللي نعرفوو انهم مايخلفووش بس
الدكتور: خلاص توا ربي كتبلهم مولود جديد
بات لامار مزال مصدوووم ومستك
""""
وفاء : كنك تبكي يانجاح ,, معقولة تضرب في اختك
مروان : بنتك اللي تستهزا علي بنات الناس
ودايرتهن مش تمام
طلعت نفسهن
وفاء : كيف
مروان : شفتها امصبية مع شاب وماسك يدها وقريب حتى يحضنها
وفاء : معقوولة فيش تحكي
مروان : اساليها كان نكذب
وفاء : صح يانجاح كلام مروان
نجاح وهي تبكي : صح لكن خليني انفهمكم
وفاء : ضربتها بكف خشي للدار ياساقطة
نجاح خشت للدار وهي تبكي
"""""
ايمن جابووله معلوومات انّ وائل قاعد
في عيادة النجاح وعرف ان عليه حراسة شديدة
ايمن : انّي نبعثلك رتل وننقذك صعب بكككل
سامحني حنضطر نقتلك ياوائل
مصحلتي اهم منّك
لو كانت في يدي راه نقذتك
ايمن : يعرف بنت اسمها حليمة
عشان افلووس ادير اي حاجة
وخريجة احبووووس
وحاليا تخدم ممرضة في مستشفى الجلاء
قال لجماعته جيبووها ليا ضرووري توا نبيها
" حليمة باتها وامها ماتوو
قعدت هي وخووها
وكانت اكبر من خووها
وحتى خووها صايع وخريج احبووس
لكن تفارقوو وكل واحد قاعد في مكان
""""""
لامار : صح يابابا اللي قاله الدكتوور
بات لامار : صح انتي حامل وفي الشهر الثاني
لامار : فتحي مامتش فتحي مزال في بطني
بات لامار : فيش تحكي
لامار : ياريتك حي يافتحي عشان شفت
هالخبر راك فرحت
"""""
مازن : نستاذنك ماشي توا انا
احمد : تم
مازن : امتى مايقعد تمام دزه لنا للمخزن
""""
نرمين تحكي فوون مع فارس
نرمين : كنك انحس فيك زعلان ومضايق
فارس : والله الايام هذينا عقلي يفكر واجد بككل
نرمين : فيش اتفكر
فارس : انصارحك بشي لكن مايطلعش منك
نرمين : شن
فارس :انا ومازن مستهدفين ويدورو فينا
هذا عليش اغلب وقتي في المخزن
لين نرجوو ساعة الصفر
ونعرووفوو مكان ايمن
نرمين : ايمن من يطلع هذا
فارس : قصة طويلة بكككل
نرمين : لكن هكي انت حتخوفني عليك اكثر
فارس : لا متخافش الحافظ هو الله
نرمين : لو صارت فيك حاجة انا حنقتل روووحي
فارس : بعيد السوو عليك حبي
غير ننهو موضوعي مع مازن واحمد
حنجي نخطبك وانديرو حاجة رسمية بيني وبينك
نرمين : ياااارب
"""""""
فاطمة : انست يامازن
مازن : وين حنين
فاطمة : انت امزعلها ولا شن
مازن : عليش كنك
فاطمة : مش عارفة
مازن خش للدار
شاف حنين امقعمزة وساكته
مازن : اهلين حبيبي
حنين : اهلين
مازن : كنّا القمر زعلان ومضايق
حنين : كني شي
مازن قرب منها وقعد حضنها
مازن : بجديات كنك حبيبي
حنين : انت رايح متغير بككل
لا صلاة لا عبادة لا شي
شن صارلك حتى دبشك تغير
متعودة عالجلابيات
والدبش الكجول الراقي امتاعك
رديت للدبش الصعقاوي والجيشي
شن في انت داس عليا حاجة
مازن : وقت توا مايبش واحد طيب
وقت توا تبي واحد ابليس
عشان اتعيش في ليبيا
حنين : يعني عشان اتعيش في ليبيا
تخسر جنتك عادي
مازن : لا اكيدة
حنين : خلاص ارجووك نبيك اتصقم علاقتك مع ربي
عارفتك زعلان علي اسلام
وعندي احساس انك اتفكر تنتقم
العقرب وعارفتك
مازن : عطاها بووسة علي جبينها
انحبك مووووت
حنين : حتى انا انمووت فيك ,, كنك روحت بدري
غريبة متعودة اتجي عالغداء
مازن : كنت مع خووك احمد
ورانا موضوع انديرو فيه
"""""
حليمة كانت في مستشفى الجلاء
تبرم عالمرضي واتشووف شن ناقصهم
جاها واحد
قاللها انتي حليمة
حليمة : اها
تبيك عجوز برة ضروري
حليمة : اني جايا
حليمة طلعت عند الباركي
وين مافش حد هنا
جت سيارة وخطفتها وركبووها وشالووها لعند ايمن
"""""""
لامار وباتها روحوو للحووش
فرحانين ومش فرحانين
عندهم شعوور غريب
بكل
لامار قالت الامها راني حامل
امها فرحت وقعدت تحضن فيها
"""""
حنين : امتى نتريحوو بس
مازن : هانت تنتهي قصة قاتل اسلام
وحنتريحووو طوول عمرنا
حنين سمعت نقالها رن
حنين : نعم يابابا
بات حنين : لامار حامل
حنين صبت من حضن مازن
حنين : شن شن شن شن
بات حنين : كيف مانحكيلك
لامار حاااااااامل
حنين : بس انت عارف ان هما تقريبا مايخلفووش
وعالجوو واجد ,, وقالوو امشوو بالعلاج لين ربي يفرج
وانا عهدي بيهم فقدوو الامل
بات لامار : بعد هدرزت مع لامار قالت كنت نمشي بالعلاج
لكن نفس الوقت فاقدة الامل
حنين معش عرفت كيف اتعبر عن مشاعرها
بخبر زي هذا ,, قعدت مستكة بككل
""""
حليمة : من انتم وين شلتوووني
ايمن : اهلين بحلووومة
حليمة : هو انت ,, شن تبي فيا جايبني هنا
ايمن : امرايف عليك وجا قرّب منها وعطا بووسها
علي رقبتها
حليمة : شن تبي فيا
ايمن : عندي لك مهمة لو درتيها ,, نعطيك المبلغ اللي تبيه
حليمة : شن هيا
ايمن : في واحد نبيك تقتلي في عيادة النجاح
هوو كان من طرفي لكن مسكووه اسير
نبيك تقتلي قبل مايحكي شي عليا
حليمة : كيف نبي نقتله
ايمن : ممرضة وانتي ادرى
دفيله وحدة من الاباري اللي فيهن سم
حليمة : موافقة لكن قلت اي مبلغ نبيه
ايمن : اكيدة
حليمة : نبي 100 الف توا
ايمن : توا ؟؟؟؟؟
حليمة : اها لو نجحت العملية نبي نفسهن بعدها
انا بايعة رووحي لازم نبي مبلغ يستاهل
ايمن : تمام اعتبري انك خذيتهن
حليمة : خلاص عطيني جميع المعلومات وفي اي قسم قاعد
وكل شي ,, بكرة الصبح بدري حنخش عليه ونعطي ابرة
علي اساس مسكن وهي سم
ايمن : هذي حليمة اللي نعرفها زمان
"""""""
احمد قاعد قدام الغرفة اللي فيها وائل
رن نقاله
سهام : جي للغداء نحسبك
احمد : اها جايك توا ,, مسافة الطريق
سهام : نرجى فيك
""""
ام مازن : امشي كلمي مازن قوليله الغداء واتي
فاطمة : حاضر
مازن حاضن حنين وسكتين ويبحتوو في بعضهم
طق طق طق طق
الباب خبّط بالقووة اتقول في حد يبي يداهم الدار
انفجعت حنين ومازن
وخربت الجو الرومنسي اللي قاعدين فيهن
مازن وهو يضحك : ههههه ها كنكم
فاطمة : تعالو تغدوو هيا
مازن : جيينك
وطلعوو مازن وحنين للصالة يتغدوو
""""
نجاح تبكي في الدار وامسكرة علي رووحها
كانت تذّكر كيف كانت تقذف وتطعن في صحبتها
وهي كانت اشر منها
"""""
سهام : انست عمري
احمد : نجك ليا ,, بنة الغداء فايحة بكككل
سهام : انحبك مووت
احمد : وانا جايك رن عليا باتي
قالي لامار طلعت حامل
سهام : شن شن شن
احمد : طلعت حامل بجديات
حتى انا مستغرب
سهام : سبحان الله ,,
ربي عوضها بمولود جديد
احمد : الحمد الله ,, بكرة تو نمشوولها وانباركووولها
"""""
العشية تقابلو احمد ومازن وفارس في المخزن
وينسّقوو كيف يوصلو في قاتل اسلام وايمن
يرجوو في وائل يتعالج بس
لامار فرحانة بطعم الحزن
حنين شاغلة تفكيرها في مازن واجد
ونرمين خايفة علي فارس اتصيرله حاجة
وحليمة جهزت السم في الابرة
وفاطمة فرحانة عشان ديندار خشلها خاص ^^
"""""
ثاني يوووم
ناض احمد فطر وكالعادة ماشي لعيادة النجاح
يشووف شن صار في وائل وصحته
""
كانت حليمة في طريقها لعيادة النجاح
بعد عرفت جميع المعلومات ومكانه وين
"""
احمد قعد حاصل في الزحمة امتاع السيارات
حليمة وصلت للعيادة
خشت للحمام لبست لبسة التمريض كاملة
وكانها ممرضة
ماشية علي نفس الوصف
احمد قريب يووصل للعيادة
وحليمة قريب تووصل للغرفة اللي فيها وائل
عشان تقتله
شافت اثنين لابسين جيش
" ممنوع يا اختي وين ماشية
حليمة : انا ممرضة جديدة حطووني عليه
نبي انشووف شن ناقصة
خلووها اتخش حليمة للغرفة
احمد وصل للعيادة وكيف خاش
حليمة قربت من المريض
وطلعت الابرة
خلاص تبي تعطيها لها في قلبه
فجأ تحرك المريض
تحركت الفووطة من وجه
حليمة : واااااااااااااااااااااااااااائل
طاحت الابرة منها
وقعدت امطبسه عليه
شن صارلك ياوائل
كنك قعدت هكي
شن دارو فيك بس
علي خشت احمد
دغري طلّع اسلاحة من وراء
سحب عليها
احمد : من انتي وشن اديري هنا
حليمة : اناااااااااا اخت وائل ,,
شن درتوو فيه كنّا قعد هكي
احمد : اخت وائل ؟؟؟؟

يتبع ,,,

New Post
New Post
مديرة ستار ديس

تاريخ التسجيل : 24/08/2018
المساهمات : 4133
نقاط التميز : 6472
الجنس : انثى
العمر : 24
الأبراج : الميزان

الرجوع الى أعلى الصفحة اذهب الى الأسفل

رد: رواية بلهجة ليبية بعنوان " مشاعر مطرطشة " للكاتب ديندار الوحيشي "

مُساهمة من طرف New Post الأربعاء سبتمبر 05, 2018 12:38 am


مشاعر_مطرطشة

نهاية الموسم الأـول

الحلقة 24

احمد : من انتي وشن اديري هنا
حليمة : اناااااااااا اخت وائل ,,
شن درتوو فيه كنّا قعد هكي
احمد : اخت وائل ؟؟؟؟
حليمة : اها اخته ,,
والله ماني قاتله خوويا يا ايمن
عشاااان افلوووس
احمد : ايمن هوو اللي دازك
كلّم الجماعة اللي كانوو عند الباب
امسكووها ابسرعة
خشوو الشرطيين اللي كانو عند الباب
يبوو يمسكوها
حليمة : هذا خوويا افهموووو
خلووني اشوية انشوووفة
انا ممرضة
خلووني نقعد تلاه
احمد : هذي كذابة امسكووها ابسرعة
" مسكها واحد من جماعة الشرطة
حليمة كانت امرأة بمئة راجل
" كانت شرسة ماتخافش بكككل
بايعة الدينا وبايعة رووحها
خريجة احبوووس
يعني اجرامية بدرجة اوولى
احمد : شيلووها بسرعة شوور الحجز
هما طالعيين بيها برة الباب
سمعت وائل قال
" حليمة "
ضربت الشرطي بدماغ علي وجه
وفكّت اسلاحة من جنبة
ولفّت وتمكنت فيه
وحطّت الاسلاح علي راسة
حليمة : انت مزال ماتعرفنش من ,,, يلي شن اسمك انت
مش انا اللي انخاف من شرطي
انا عافسة علي رجالة واجد
وامعلّمة عليهم
راني مانكذبش عليكم
هذا خووويا بجديات
خليني انفهمك خير
احمد : خلاص اطلعوو برة خلووني امعاها ابرووحنا
حليمة طلقت الشرطي اللي كانت ماسكته وخانقته
والشرطي هوو طالع
حليمة : الشرطي اللي اتقك منّ انثى اسلاحه
هذا يحرق اللبسة اللي لابسها خيرله
وعزقت السلاح امتاعه شوووره
احمد : باهي من اللي دازك وشن علاقتك بايمن ,,
حليمة : اشوية خليني انشووف خيّي بس اشوية
احمد : باه
"""""
رمضان وهو في المستشفى
كلّم جماعته عشان يرد حقه امتاعه
ويعطي مروان درس عشان معش ينسى
ويرد ضربته
مروان وهو ماشي بالسيارة
فطن سيارتين يلحقن فيه
وين مايمشي
قعد يجري وهمّا يجرووو
مروان شاف بمرايا امتاع السيارة
كل سيارة فيها اربع انفار
عرف انّهم يطاردوو فيه
معش عرف شن ادير
مزالت المطاردة مستمرة
مروان ماعندش تحت اسلاح
ولا عمره شال اسلاح
قعد يكر فيهم شوور منطقة الوحيشي
يطلع من شارع ويخش في شارع
سيّب الشوارع الرئيسية وخش للشوارع الفرعية
مزالت المطاردة مستمرة
مروان : كان طقيتوو فيّا ساهل
لبس حزام الامان
ولّع اغنية حماسية وعايش اللحظة ويجري
بيهم من شارع لشارع
اهم حاجة يووصل لمنطقة الوحيشي
"""""
فارس طلع من حووشهم ماشي شوور المخزن
وكان مازن من الصبح بدري قاعد في المخزن
يوتّي في الذخيرة وينظف في الاسلاحات
يهدرز مع رووحه
" عليك بيئة يامازن عايش فيها
لعند امتى تقعد هكي اسلاح وذخيرة
ومافيات امتى الواحد يتريح ويحس رووحه
انسان عادي كيفه كيف غيره
,,,
علي جية فارس بالسيارة
شوور المخزن
فارس : كنك مازن مش على بعضك
مازن : لازم ننهووو موضوع ايمن هذا بسرعة
وناخذو بثار اسلام
معش قعدت عندي وسعة بال
قوبعة : هانت هانت يالغالي

"""""
احمد : صار قتيلي دازك ايمن عشان تقتلي هذا
وماكنتش اتوقعي يطلع خووك
حليمة : ع فكرة لو كان مش خوويا راه لاخفت منك لا من الشرطة امتاعك
لكن شفت خوويا
اللي ليا واجد ماشفته تشتت تفكيري
ومعش عرفت شن اندير
احمد : كيف من امتى متفارقيين انتي وخووك
حليمة : قصة طوويلة ,, المهم توا شفته
احمد : باهي توا حتقعدي في صفي ولا في صف ايمن
حليمة : هو توا اكيدة عابي عليا نقتله
ومش عارفة ان هوو خويا
احمد : اكيدة
حليمة : خووذه واطلعوو بيه من العيادة
وحنمشيله حنقووله مشيت لقيته طالع من العيادة
ومش قاعد
احمد : لكن لو عرف انك كذابة حيقتلك
خط امتاع القلب اللي معلووق علي وائل يضعف
حليمة : حي حي حي بسرعة كلم الدكتووور
بسرعة كلم الدكتووور خووويا
لا ياخوويا ماصدقت القيتك
ارجوووك ما اتسيبنش
احمد كلم الدكاترة كلهم خشووو
وكانت امعاهم حليمة جوا
احمد قعد برّة
الدكاترة يحاولوو ينقذوو وائل
""""""
مزالت المطاردة متواصلة مع مروان
مروان خلاص قريب يووصل لمنطقة الوحيشي
وقّف السيارة اشوية
السيارتين وقفن جنبه
نزلووو اللي فيها يجروو شووره
ولّع السيارة
مروان : هيا الحقووني
منسجم مع اللعب امعاك
اركبوو السيارة وقعدوو يلحقوو فيه
لكن هوو سبقهم واجد
خلاص خش لمنطقة الوحيشي
قعدوو يلحقوو فيه
لكن كانوو ابعاد مش اقراب منّا واجد
خش لشارع مازن
شاف مازن وفارس
امصبيين قدام المخزن امتاعهم
فارس : مش هذا ولد عمتك ,, كنا خاش جري للشارع
مازن : حنشووفه مش عاداته هذينا
مروان درّس السيارة قدام المخزن ونزل يجري شوور فارس ومازن
مروان : سيارتيين فيهن شباب يطاردوو فيا
اكيدة توا قريب يخشوو للشارع
دغري مازن وفارس طلعوو اسلاحهم
السيارتين خشن للشارع
واحد من الجماعة اللي في السيارة
" حي علي امه مش هذا العقرب
اللي قالوو سيّب الصياعة شن
جابنا هنا نحنا ,, شن خششنا هنا
قصدك هذا اللي نلحقوو في
يعرف العقرب
هيا انسحبوو ابسرعة
فارس : طلق طلقتين فوق في السماء
السيارتين لاذن بالفرار
مازن : شن قصتهم هذووما
مروان : والله ماني عارف قعدوو يطاردوو فيا وخلاص
مازن : خلاص توا خليك هنا ,, تغدى امعانا وكسد امعانا
العشية توكل وامشي الحووشكم
مروان : ان شاء الله
مازن سمع نقاله يرن
حنين : اتجي اتشيلني الحووش هلي انبارك الاختي علي خبر انها حامل
مازن : قاعد اقريب منك في المخزن ,,
خلينا تو نمشوو العشية
حنين : تمام خلاص ,,
فاطمة : نبي نمشي امعاكم بعدين العشية
حنين : عادي بالعكس نفرح
فاطمة : نجك ليا وخلاص
"""""
حليمة تبكي وخايفة تخسر وائل
خلاص خط بدا يضعف بشواش بشواش
حليمة تبكي : لالالالا وائل لالالا خليك باهي
طوووووووووط
الخط قعد مستقيييم
حليمة قعد اتعيط لاااااااااااااااااااااااااااااا
وااااااااااااااااااااااائل
واااااااااااااااااااااااااائل
واااااااااااااااااااااااااااااااائل
عليش متت ياواااااااااااائل
احمد سمع صوتها برة عرف انّ
وائل مات
احمد : اخسارة ماقدرنش ننقضوووو
وقعد يخبط في باب غرفة العمليات
حليمة وهي تبكي تحوولت لشيطان
وزاد كرهها للحياة
حليمة : والله ماني متريحة
لين ناخذ بثاااارك ياخووويا
ولو خسرت روحي عشان خاطرك
""""
مازن وهو امكسد يهدرز مع فارس ومروان
ويحكوو علي مشاكل البلاد
رن عليه احمد
مازن : نعم
احمد : عطاك عمرة
مازن : لا ياراجل مش ناقصة الحكاية
احمد : كيف مانحكيلك ,, تعالي ضروري
توا لعيادة النجاح
مازن : جايك
" ايمن حاط وحدين برة العيادة يراقبوو في حليمة
لانها لو لعبت وكذبت عليه
معطيهم الامر بقتلها وقتي "
""""
سهام رنت علي حنين
سهام : الحمد الله علي سلامة الوالدة ومبرووك قالي احمد لامار حامل
حنين : الله يسلمك ,, ذالك فضل الله
سهام : انا العشية ماشية غادي عند هلي
حنين : حتى انا جايّة غادي باذن الله
سهام : خلاص حنتقابلوو غادي
"""""
حليمة مزالت تبكي علي خوووها
اللي مات
مسكت الابرة اللي طاحت منها امتاع السم
وحطتها في شنطتها وهي تبكي
وطالع من غرفة العمليات
احمد : وين ماشية
مابتش اترد عليه
احمد : نحكي امعاك انا وين ماشية انتي
اعيوونها حمر والغضب امسيطر
عليها
علي خشت مازن لغرفة الانتضار
شاف بنت اعيووونة حمر
وكانت من الدمووع شكلها يخووف بكل
ومرعبة
مازن : من هذي يا افندي احمد
احمد : هذي اخت اللي مات جوا
مازن : كنكم طالقينها امسكووها
حليمة بحّتت في مازن من فووق اللوطة
وابستمت ابتسامة شر
لدرجة مازن قال هذي كنها ملمووسة ولا شن
احمد : انا مانبي منك شي
نبي نعرف قاتل اسلام من بس
حليمة : تمام عطيني رقمك وارجى مني تليفون
احمد : ربي يرحمة لكن خووك كان ماشي يبي يقتل
وباع ضميرة عشان افلووس
حليمة : خلاص اللي دزّه حنعرف كيف ناخذ حقي منّا
احمد : هاكي رقمي احتجتي اي حاجة رني عليا
حليمة : صدقني مش حنحتاجلك
,, لكن نوعدك
نعرف قاتل اسلام
حليمة طلعت من غرفة الانتضار وتمشي بشواش
اتقوول بنت ملمووسة وفيها جن
مازن مش فاهم شي ومستغرب بكككل
احمد : حنفهمك كل حاجة بعدين
""""""
لامار حّطه يدها علي بطنها
وتدعي يطلع عيل
قالت لو طلع عيل حنسمي فتحي
""""""
حليمة خشت لحمام العيادة
غسلت وجها وحولت اثار الدموووع
وغيرت دبشها
وهي طالعه شافووها جماعة ايمن
رنووو عليه
" توا كيف طلعت من العيادة "
ايمن : ترا شوفيلي مات اللي جوا ولا لا
" دقيقة وانرد عليك "
""""""
فارس : جوك تمام يامروان
مروان : الحمد الله ,,
فارس : توقعت انك تكرهني بعد تعرف اني حناخذ البنت اللي كنت تبيها
مروان : بالعكس ,, عادي ,, نكسبوو تريس ,, وكل شي قسم ونصيب
فارس : مش غير قسم ونصيب ,,
مروان : ربي يتمملكم علي خير
فارس : اللهم امين , حتى انت ولد ناس علي نياتكم ترزقوون
متاكد ربي حيرزقك بزوجة صالحة
مروان : بارك الله فيك ياخووونا
"""""
نرمين : افطووومة انتي مش زعلانة
فاطمة : عليش نزعل
نرمين : عشان انا الايام الجايا ننخطب وحنطلع فرحي
فاطمة خنقتها العبرة خلاص تبي تبكي
فاطمة : معقوولة نزعل بالعكس نفرحلك وانزغرتلك ونرقصلك حتى الرقص
نرمين : نحسابك زعلانة لان مزال ماجا نصيبك
فاطمة : مسكت نرمين ,, ياهبلة الزواج قسم ونصيب
حتى لو طول نصيبي اللي ايجي من ربي كل خير
نرمين : اسفة عشان سالتك نفس هالسؤال
لكن حسيتك مضايقة بككل
فاطمة : صح مضايقة عشان نصيبي طوّل وماجاء
لكن فرحتلك واااجد بككل ياعيوووني
"وحضنن بعضهن "
"""""""
جماعة ايمن رنوو عليه اخرة
ايمن : صار مات ,, نعليا منك ياحليمة
ترجي في تليفون منّي اكيدة
حنرن عليك وانديرو حتى تكسيدة مع بعض
""""""
مازن : قتلي دازها ايمن عشان تقتله وطلع في نهاية الحلقة خووها
احمد : لكن بنت بمئة راجل ,, متخافش بكككل
شكلها متعلمة حتى عالسلاح
لانها فكت السلاح من واحد من الشرطيين
اول مرة انشووف انثى هكي في حياتي
مازن : القهر والظلم هوو اللي خلاها هكي
"""""
حليمة تمشي بين الشوارع ومش عارفة وين تمشي
مسافرة بلا عنوان
تسمع في ضجيج السيارات
سمعت نقالها يرن
شافت رقم غريب
فتحت وقعدت ساكته
ايمن : نعليا منك عارفك تنهي نجك ليا
خلاص توا حتاخذي باقي افلووسك
حليمة قعدت ساكتة
ايمن : الووو نحكي انا ايمن
حليمة ابتسامة خبيثة وحقد
حليمة : امعاك يا ايمن غير مافش تغطية
ايمن : خلاص شن رايك العشية اتجيني
حليمة : وين انجيك ,,
ايمن : خليك عند مرمرة موول حيجوك جماعتي وياخذوك
نبوو انديروو احلى تكسيدة مع بعضنا
حليمة : تمام ماعندكش مشكلة
"""""
روان : بابا جا بابا جا
احمد : احلي روري تعالي في حضني
سهام : انست ياعمري
احمد : نجك ليا حياتي
هيا غير دبشك الغداء واتي
احمد : هيا هيا
سهام : بعد خطرها عندي طلعة العشية نبيك اتشيلني
الحووش هلك
احمد : ان شاء الله
"""""
مازن هيا تفضلوو تفضلوو للمربووعة
مازن تغدى مع فارس ومروان
وفارس ومروان قعدوو اصحاب
وحنين تريحت عشان شافت مازن قعد يصلي
وفاطمة فرحانة عشان حتفرح باختها
ونرمين فرحانة عشان معش صار مشكلة بينها وبين فارس
واقتنعت ان الجو اللي كان بيناتهم
هو السبب اللي خلاهم قبل يتفارقووو
"""""
حليمة روحت لشقتها
دارات دش بمية ساخنة
وقعدت راقدة في الدش
وتذكر في خووها
وتذكر في تاريخها وماضيها
وتذكر كيف كانت اتصارع في الحياة
ومتكية براسه عالحووض
قعدت راخية اعصابها
وتذكر كيف كانت اتلعب في وائل زمان
وكيف كانت اتهزب فيه لما مايسمعش الكلام
الزمان خلاك تقعد قاتل ماجور ياوائل
""""""
مروان : العصر ياذن ’’ هذك هوو خلووني نمشي انا
فارس : هاك رقمي صارلك اي موضوع دورني رن عليا
مروان : تم خوونا فارس شكلنا حنقعدوو اصحاب
فارس : بالجودة بيك
مازن : خلاص حتى انا نبي انشيل هلي وحنرد عليك يافارس
فارس : قاعد نرجى فيك
"""""
حليمة : سمعت العصر ياذن
طلعت من الحووض
وتوضت وضوء كامل
وصلت العصر
اول مرة اتصلي في حياتها
لبست ودارت مكياج خفيف
وحطت الابرة اللي فيها سم
في الشنطة اللي كانت
تبي تقتل بيها خوها
وركبت تكسي ومشت شور مرمرة مووول
"""""
لامار : مرحب مرحب انستووونا
فاطمة : مرحبتين لامار ,, الحمد الله علي سلامة الوالدة
لامار : اهلين فاطمة انتستي ونورتي الحووش
سهام : اهلين حنين
حنين : اووو سهووومة كيف حالك
وقعدن يهدرزن عادي مع بعضهن
وام حنين امعاهن ومبتسمة فرحانة باللمة
"""""
امكسد فارس ومازن واحمد
في المخزن
زعمك توا شن انديروو بعد هذا مات
احمد : الحق انا خاطري نعرف قاتل اسلام بس
كلا ايمن قعدت معش امدوره واجد
مازن : بعد خطرها يافارس ,, احمد مش براني
فارس : شن يامازن
مازن : عندك افلووس تقدر تدفع وتخطب ولا لا
فارس : عندي اها
مازن : خلاص الاسبوع هذا دير حاجة رسمية
عشان نفرحوو بيكم بسرعة
فارس : لكن انت عارف ايمن يدور فينا
مازن : خليها على الله ,, لعند امتى نقعدو خايفيين
منّا ,, ,,
""""
مروان لما وصل للحوش
قعد امقعمز في الصالة
جاته نجاح
نجاح : سامحني اقتلني بس ماتقلبش وجك عليا
انا عارفة رووحي خنت الامانة
وخنتكم ولعبت من وراكم
لكن شعفت خلاص
انت خويا الكبير
انت سند امتاعي
ارجووك سامحني
مستعد اندير اي حاجة عشان اتسامحني
امه وفاء امصبية من بعيد وزعلانة
نجاح : خلاص مروان عشان خاطري ارضى عليا
مروان حط يده علي راسها
خلاص مدوري شي
وحصل خير
وافطني منهم الذئاب البشرية
نجاح : يعني راضي عليا
مروان : اكيدة راضي عليك
مهم وفاء قعدت مبتسمة من بعيدة
"""""
حليمة قاعدة عند مرمرة موول ترجى في السيارة اللي اتشيلها
وفعلا جت سيارة وشالتها للحووش اللي قاعد فيها ايمن
""""
ايمن : نجك ليا اعيوووني
حليمة : نجك حتى انت
ايمن : هيا حوّلي عبياتك
حول عبياتها وقعد حضنها ويبوووس فيها
وجماعته قاعدين برّة الدار
ايمن : شن رايك تقعدي سكرتيرة امتاعي
حليمة : ياريت هذا شرف ليا
بعدها رقد علي ضهره وهي
قعدت اتبووس فيه
بس نبي نسالك
انت تعرف من قتل الشرطي اسلام
ايمن : عليش تسالي
حليمة : شكلة محترف بككل ,, لان مزال يدورو فيه
حليمة مسكت النقال بدوون مايفطن
لان كان راقد علي ظهرة وهو كان يبحت في وجها
حليمة تستعبط ترا توا الساعة كم
شريني ماسكة النقال واتشووف الساعة كم
اوو الساعة 5 مزال ساعة عالمغرب
ورنت علي رقم احمد
""""""
احمد وهوو يهدرز مع فارس ومازن
رن رقمه فتح الخط
""
حليمة : علي مادوّرو عليه مالقوووش بككل قاتل اسلام
ايمن : بما انك حتقعدي السكرتيرة امتاعي
حنقوولك اسمه بووفا ويخدم في كافي لوزة اللي في السلماني
قدام الناس باين كأن انسان طيب وفي حاله
هذا عليش مافش حد شاك فيه
حليمة : قصدك هذا قاتل ماجوور محترف بكككل
ايمن : اها مش كيف اللي دزيتهم يقتلو فارس ماعرفووش ,,
واحد مات ,, والاخر مسكووه اسير
لكن احسن حاجة انتي قتلتيه
"""""
احمد بحّت في مازن وفارس
" اخيرا عرفنا قاتل اسلام "
احمد : سامحيني ياربي ,,
ابلادي مانقدرش ناخذ فيها حقي
ومانقدرش ناخذ بثاري
حناخذ ثاري بيدي
مازن وفارس ابتسموو وبحتوو في احمد
طلعوو مع بعضهم بسيارة احمد
وبعدها جاهم صاحب فارس بسيارة جيب سوودة
وركبوو في السيارة السوودة
ولثموو وجووهم
احمد وفارس ماسكين اكلاشنات
ومشوو شوور الكافيه
قعدوو يبرموو في الشارع يرجوو فيه لين يطلع
"""""
ايمن : باهي ماقتلش كم تبي مرتب كسكرتيرة
حليمة : تكفي انّي قاعدة في حضنك
مدّت يدها لشنطتها وطلّعت الابرة
حليمة : غمض اعيووني جايبتلك هدية
ايمن غمض اعيووونه
ايمن : اهوو غمضت شن الهدية
طلّعت الابرة وضربتها علي قلبة بالقووووووووة
ايمن : آآآآآآآآآآآآآآآآآآه
وفرغت السم كله في جسمهه
ايمن : يافااااااااااااااسدة شن درتي
جماعة ايمن سمعووو صووت ايمن خشووو بسلاحتهم
ايمن : اقتلووه الفاسدة
حليمة : خذيت حقك ياوائل ,, هما خلووك قاتل ,,
هما اللي جبرووك تقعد قاتل ’’
لاحقتك وجايتك في جهنم يا اعيوووني
طاف طاف طاف طاف طاف
طاحت حليمة علي ايمن ومااااااات
حولّها ايمن عليه
ايمن : الحمد الله لحقتوو عليا
ايمن : آه آه آه آه آه
وقعد يطلع الرغاوي من فمّه
وقعد يهز ويرعش وطلعت الروووح منّا
""""
مازن : اهوو اهووو اهوو يا احمد
احمد وفارس طلعوو اسلاحهم وضربوو
طاح قدام الكافيه مقتووووول
واهربوو بالسيارة
احمد ومازن وفارس : خذينا بثارك يا اسلام
""""
سهام : بعد خطرها نسالك علي فاطمة
حنين : كنها عليش
سهام : مخطوبة ولا معطين فيها كلمة
حنين : لا عليش
سهام : تمام بكل ,, خالتي ادورعلي عرووس
وانا رشحتلهم اخت مازن شن رايك فيها
حنين : اكويسة بككل تعجبك
سهام : خلاص بعدين حنكلم خالتي وحنقوولك شن صار امعايا
حنين : تمام
مازن روّح بحنين وفاطمة للحووش
واحمد روّح بساهم للشقة
ولامار مع امها فرحانه
وفارس فرحان عشان الاسبووع الجاي يبي ايدير حاجة رسمية
بعد مروور كم شهر
"""
انتشر خبر مقتل ايمن وحليمة علي مواقع التواصل الاجتماعي
احمد قدم استقالته من المنصب امتاعه
ورد شرطي عاااادي
وقعد مهتم بسهام وروان فقط لاغير
ومازن عايش احلى حياة مع حنين
وفات وجيج الاسلاح
وقعد نفسه نفس اي مواطن عادي
ورد فتح سوبر ماركت امتاعه
وفارس خطب ودفع في نرمين
وفاطمة انخطبت حتّى هيا
ولامار فرحت لما عرفت البيبي اللي في بطنها عيل
""""""
لما يقعد مافش قانون في البلاد
ومافش حد يرد المظالم لاهلها
تقعد هكي ابلادك
تقعد ابلاد مليشيات
البقاء فيها للاقوى
وماخَفِية كان اعظم


#نهاية_الموسم_الأول

New Post
New Post
مديرة ستار ديس

تاريخ التسجيل : 24/08/2018
المساهمات : 4133
نقاط التميز : 6472
الجنس : انثى
العمر : 24
الأبراج : الميزان

الرجوع الى أعلى الصفحة اذهب الى الأسفل

صفحة 3 من اصل 3 الصفحة السابقة  1, 2, 3

استعرض الموضوع التالي استعرض الموضوع السابق الرجوع الى أعلى الصفحة

- مواضيع مماثلة

سجل دخولك لتستطيع الرد بالموضوع

لابد تكون لديك عضوية لتستطيع الرد سجل الان

سجل معنا الان

انضم الينا جروب تاج فعملية التسجيل سهله جدا ؟


تسجيل عضوية جديدة

سجل دخولك

لديك عضوية هنا ؟ سجل دخولك من هنا .


سجل دخولك

 
صلاحيات هذا المنتدى:
لاتستطيع الرد على المواضيع في هذا المنتدى