رواية بلهجة ليبية بعنوان " مشاعر مطرطشة " للكاتب ديندار الوحيشي "

صفحة 2 من اصل 3 الصفحة السابقة  1, 2, 3  الصفحة التالية

استعرض الموضوع التالي استعرض الموضوع السابق اذهب الى الأسفل

رد: رواية بلهجة ليبية بعنوان " مشاعر مطرطشة " للكاتب ديندار الوحيشي "

مُساهمة من طرف New Post الأربعاء سبتمبر 05, 2018 12:22 am


مشاعر_مطرطشة

الموسم الاول

الحلقة 11

ايمن في الحبس يعاملو فيه معاملة الملك
ايمن : يحساب رووحه العقرب لعبها علينا
اسلام : يحسابك حتى وانت في الحبس ماتقدرش اديرله شي
ايمن : الصبر الصبر ,, قاعد نلعبلك في لعبة كبيرة حتندم يالعقرب
اسلام : مش حنتريح لين انجيف الكلب احمد
ايمن : اشوية بس خلي الامور تهدا وحنلعبوو لعبتنا عليهم
’’’’
بعد مرور كم يوووم
,,,
مازن شبه يومي يتصل بحنين
نرمين اترن علي فارس لكن مايردّش عليها
احمد رد مهتم بسهام وبنته واحلى علاقة زوجية
في نظرهم قعد نفس الروتين العادي وعاد الهدوء لروتينهم اليومي
,,,,,,

مازن : تي هيا ردي وينك
حنين : نعم اعيووني
مازن : تي وينك معقووله هكي ليا واجد انرن
حنين : كنت انصلي وسع بالك ,,
مازن : باه بعدين افتحي نت عشان انصورلك الفيلو ونبعثه لكي قوليلي تمام ولا لا
حنين : خلاص علقت نت المدار قالوو قوي بككل
مازن : شن ينفع قوي لكن 5 قيقا ب 45 عليك شركة نصابة
حنين : احسن من بلاش
مازن : دخنش بيك المهم افتحي نت وخلاص لما انديرلك رنة
حنين : تم ياحبيبي
"""""
فاطمة شافت نرمين سرحانة
فاطمة : نسالك في مشكلة بينك وبين فارس
نرمين : عليش تسالي
فاطمة : معش شفتكم تحكوو فوون واجد
نرمين : لا امشينها دردشة وخلاص عالواتس
" كانت تكذب وخلاص اتمشي في اختها
فاطمة : تمام بكككل
""""
"""""
لامار اتهدرز مع باتها سمعت نقالها يرن
شفات الرقم طلع براجلها فتحي
فتحي : جايك اليوم نبي انروح بيك
لامار : مانش امروحه مليت منك ومن ضربك
شن هالمعاملة امتاعك
انت مريض نفسي لازم اتعالج
فتحي : خلاص حصل خير
لامار : والله ماني امروحة امعاك ,,
لين ابروحي نرضى
فتحي : خلاص خليك راك اترني عليا بس بعدها
"""
لامار صبّت من تلاه باتها ومشت لدرار حنين وقعدت تبكي "
"""""
مازن شاف المخزن ماشاء الله قريب يكمل صيانته
ويقعد سوبر ماركت
يشطبوو في اخر حاجات فيه
مازن : شن يافارس كل شي ماشي تمام
فارس : ماشي التمام التمام كيف ما تبي خلاص اسبوع بالكامل يقعد واتي
مازن : لازم نفتحوو بسرعة قبل الفرح
مزال شهر وانطلّع فرحي
فارس : كوون هاني
" وهما يهدرزوو مع بعضهم جاهم واحد غريب "
مازن : من انت
الغريب : جايك من طرف الدرناوي
مازن : ان شاء الله خير ,,
الدرناوي : نبيك ظروري بكل على انفراد
مازن : تم تعال خش جوا هيا
""
احمد : صار قتلي ايمن ادير تجمعات في الحبس
شرطي : متاكد اها
احمد : معناها قاعد يرسم في موضوع
كثفوو الحراسة واجد عالحبس
شرطي : حاضر افندي احمد
"""
قوبعة قاعد برة المخزن امكسد ابروحه
جا تليفون من نرمين
قال هيا انرد وخلاص
نرمين : باهي اللي رديت يابارد
فارس : شن تبي يانرمين
نرمين : كنك مزلت اتعامل فيا معاملة بايخة
فارس : لا بس مش فاضي مشغوله مع خيّك
نرمين : راني حبيتك حرام عليك عليش المعاملة هكي
فارس : كني مازلت ع قد كلامي اول مايطلع خووك فرحه
حنجي نخطبك , حقتيني قلت معش نبيك ولا حاجة
نرمين : باهي وين اهتمامك وحبك ليا
فارس : مع الوقت حيجي متخافش
نرمين : ان شاء الله يارب
""""
مازن : كنك شغلتني شن فيه
الغريب : طبعا جماعة الدرناوي مخترقين الحبس اللي قاعد فيه ايمن
وراهم يفكروو اطيحووكم مش عارف فيش يفكروو
لكن حينقتم منك لذالك افطن الروحك والهلك
لو ماطقش فيك حيطق في هلك
اللي نبي انقووله لكي
ديما خلي اسلاح تحتك
وخلي اعيوونك علي هلك واجد
مازن : بارك الله فيك
الغريب : نستاذنك توا ماشي
مازن : بدري خليك
الغريب : لا مانقدرش لازم نمشي
لو عرفت اي حاجة حندزولك الاخبار من درنة
""""
"""""""
حنين : كنك تبكي يالامار
لامار : تعبت من راجلي معش عرفت شن اندير
حنين : وسعي بالك كل مشكلة له حل
لامار : خلاص ديما ضرب واعياط وسب دين لعند امتى هكي
"""
علي خشت احمد لحووش هله
لامار مسحت ادمووعها
احمد : كنك يالامار شن فيه
لامار : مافش شي احمد جو تمام
حنين : نفس موضوعها الاول هيا وفتحي
احمد : مهناك الا كل خير ,, وطلع من الحوش ابسرعة
لامار : تعال وين ماشي ياحمد تعال
حنين : راك ادير حاجة يا احمد
"""""""
قوبعة : كنا هذا اللي جاي من طرف الدرناوي شن يبي
مازن : شكلنا فتحنا علي ارواحنا جبهة جديدة
قوبعة : كيف صار
مازن : نبيك ما اتنزلش عينك علي امي وخواتي بكل
ونبيك اتحط حتى حراسات عالحووش
قوبعة : شن صاير بس
مازن : غير اسمع الكلام وساهل بعدين
"""""
احمد مشى لفتحي لشقته
فتحي : اهلين احمد
احمد : قصدك الافندي احمد
فتحي : مش براني انا
احمد : امتى تنتهي هالقصة بينك وبين لامار
فتحي : مافش شي غير اختك امكبرة اشورخ بس
احمد : يعني اتبله عليك توا
فتحي : ماقلتش هكي ,, لكن في كل حووش في مشاكل عادي ايصيرن
احمد : يعني لو توا رديتها لكي معش اتمد يدك عليها اتحاول اتكون حنون امعاها
فتحي : اكيدة
"""""
فاطمة فرحانة عشان نرمين ومازن
فاطمة : مافش حد يحبني في هالدنيا ولا يفكر يتعلق بيا
الحمد الله على كل حال
اهم شي ماما صحتها اكويسة وربي
عطاني اخت وخوه عسل
"""
مازن : امتى تبي تخطب انت ولا اجلتها اشوية
قوبعة : اطلع فرحك قبل يالعقرب
مازن : باهي ليش ما انطلعو مع بعضنا
قوبعة : لالا انا مزالي وقت واجد
مازن : ربي يسرلك
قوبعة : تسلم ياعقربنا
"""""
اسلام : مزال شهر علي فرح العقرب
ايمن : تمام نبي نعرف اي صالة واي منطقة
اسلام : شن حدير من راي
ايمن : وصينا واحد اول مايشووفه وصل للصالة يطربقة وقتي ويقتله
اسلام : تمام بكل بدل مايفرحوو هله يبكوو عليه
ايمن : مزال الافندي احمد جايا الدوور ,, كان مانقتل بنته مانقعد ايمن
اسلام : ياما جايهم من دق
""""
بعد منتصف الليل

نرمين رنت علي فارس
نرمين : تقدر بكرة اتجي للجامعة نبي انهدرز امعاك اشوية
فارس : ههههه انا الجامعة نمشيلها عشان عركة او مشكلة لكن نشميلها
عشان انهدرز اول مرة اتصيرلي
نرمين : يعني تبي اتجي ولا لا
فارس : باهي توو انجي تم
""""
مازن يهدرز مع حنين بالفوون
حنين : حسيت الشهر قعد سنة
مازن : ماعندك عليش مستعجلة حتملي منّي
حنين : انمل من عينك ,, انحبك انا
مازن : نجك ليا وخلاص
حنين : حتى انت
"""""""
لامار تبكي الليل كله عشان فتحي
وتدعي ربي يفرج عليها
"""
سهام واحمد عايشيين احلى لحضات ايامهم
رومانسية واهتمام وحب

"""""""

ثاني اليوووم الساعة 10:00 صباحا

حنين : وين يافاطمة قاعدة في الكفترياء امتاع الهندسة وين قاعدات
فاطمة : هيا خليك جايتك انا ونرمين
نرمين : اليوم جايني فارس في الجامعة يبي يهدرز امعايا
فاطمة : تمام اتغيروو جوكم اشوية
""""
مازن : اتصل بالافندي احمد
احمد : نعم يالعقرب انت مش ران الا في حاجة
مازن : جاني واحد قالي ان ايمن يفكر في لعبة حبيت انوقضك
احمد : عندي المعلومات اول باول ,, كنت نبي انرن عليك وانقولك
مازن : تمام المهم عندك المعلومات اول باول
احمد " انت دير بالك ع روحك واهلك وحاليا ماتطلعش الا تحتك اسلاح
مازن : باذن الله
""""""
احمد بعدها رن علي لامار
لامار : نعم
احمد : اليوم جايك في العشية وشايلك عند فتحي
المرة هذي في وجي ,, وان شاء الله اخر الاحزان
لامار : ان شاء الله ,, ربي يحفضك ليا
""""
"""""""
حنين : هههههه دمك خفيف كالعادة يانرمين
فاطمة : ههههههههه
نرمين : تضحكن عليا هازيات توو انوريكن معش نحكي موضوع بككل
حنين : راه بعد ياخذني مازن نبي انفشك عليكن معش نعرفكن
فاطمة : هذا وين قلبنا وجهنا عليك
ونرمين تحكي امعاهن رن نقالها
فارس : وينك
نرمين : تعال انت كفتريا الهندسة
فارس : وانا شن دراني بيها علي اساس حفضهن
نرمين : ههه باهي قولي وين قاعد حنجيك انا
فارس : عند كلمة كلية العلووم ,,
نرمين : تم خليك جايتك غادي
حنين : من هذا
فاطمة : حبيب الالب
حنين : ههههههه باهي باه يامتاع قوبعة
نرمين : وجهك انتي وياها
"""
مازن يفكر في ايمن وخايف
علي حنين وامه وخواته
مازن في سرّه
والله يا ايمن لو جيت شور واحد من هلي
حنطيح الحبس عليك
ونحرقه وانديرلك جنايا
ونقعد قاتل عشان هلي
"""""
نرمين : جيتك
فارس : انستي
نرمين : هيا تعال انتمشوو
فارس : ههههه كنك عايشة مراهقة متاخرة
نرمين : حبيبي ونبي نمشي امعاه ,
"مسكت يده "
وقعدوو يتمشوو في الجامعة ""
"""
الصادق يضحك مع اصحابة وهوو ماشي
شاف قوبعة مع نرمين
وجيت عينة في عين قوبعة
والصادق ثلّج جسمة وزمط ريقة وخاف بككل
قعد يفنص فيه قوبعة
الصادق غير طريق اللي كان ماشي بيها
فرحت نرمين وقعدت لاصقة فيه
ويتمشوو مع بعضهم
نرمين : عارفة اني انحبك مووووت
فارس : وعارفة اني حصلت فيك
نرمين : ماعندك وين هارب مني قاعدة علي قلبك
"""
خطمت طيارة حربية فووق الجامعة نرمين خافت من الصوت
حضنها فارس
هي فرحت وحست بالامان في حضنه
فارس : تي حولي خلاص
نرمين : كنك انسجمت امعاك انا
فارس : هههههههههه
" نرمين فرحانة عشان فارس بدا يرد كيف قبل ويهتم بيها "
""""""
حنين : كنك انحس فيك مضايقة اشوية
فاطمة : لا شي جو تمام
حنين : متاكدة
فاطمة : كنك امركبة عليا
حنين : لا شي انبصر بس
"""""
نرمين : عارف يارووحي اليوم احسن يووم في حياتي
فارس : هه انا اول يوم نمشي مع بنت في حياتي
نرمين : واخر مرة
فارس بلقطة رومنسية منّا نزل قطف وردة
فارس : واول مرة نهدي وردة لبنت في حياتي
نرمين : تي انحبك يافاااااااااارس
""""""
لامار اطيب في الغداء وتحكي مع روحها
: معش نبي انعيش امعاك يافتحي
خاطري نطلق مليت منك
ومن اهبالك ونفسيتك
وعصبيتك لعند امتى هكي ياربي
لكن عشان مرة هذي عشان خش فيها خويا احمد بس ""
""""""
حنين : جت نرمين من غادي
فاطمة : فرحانة شكلها جوها قعد سمح
نرمين : هاي
حنين : ههههههه عنجد هاي مش ماشية امعاك
فاطمة : نرمين اتقوول هاي
نرمين : كنكن ياحيوانات فرحانة بس
حنين : ربي يدوووم عليك
فاطمة : ان شاء الله نفرحوو بيك يارب
""""
فارس وهو امروح يذكر في كلام نرمين
اذكر كيف مسكت يده
اذكر كيف لما خافت من صوت الطيارة ارتمت في حضنه
وقعد يهدرز مع روحه
مش معناها دارت علاقة زمان معناها بنت
مش تمام ولا كذابة
ممكن اول تجربة لها كانت فاشلة
خلاص عيش الحب كيفك كيف هالناس
وفكر في مستقبلك "
""""""
""""""""
مازن : طلّع اسلاحه القديم وقعد يوّتي فيه لاي طارئ
ويمسح فيه ,, وخايف علي هله اكثر من روحه
ومش عارف شن حيدير
""""
بات حنين هو اللي قعد يروح بفاطمة ونرمين
وقوت علاقتهم مع هل مازن
احسن من قبل بواااااجد

""""

الساعة 2:00 ظهرا

ام مازن : يابنات الايام هذينا مش عجبني مازن يفكر واجد شاغل تفكيري
فاطمة : بالك يفكر في الزواج خلاص هانت قريب يطلع الفرح
نرمين : صح كلهم بعد الفرح يقعد اقريب يقعدوو يفكروو واجد
ام مازن : ان شاء الله يارب
""""
لامار : اليوم جايني احمد يبي يشيلني للشقة
قالي المرة هذي عشان خاطري
حنين : ان شاء الله نهاية الاحزان يا عيووني
لامار : والله ماعنده صاحب فتحي وانتم ماتعرفووش
حنين : قولي خير مرات حكى امعا احمد
لامار : عارفته كذاب والله كذاب
"""""
مازن : وينك اليووم مش باين عليا في المخزن
قوبعة : كان عندي موضوع بس درته
مازن : نقصتك حاجة ياغالي عليا
قوبعة : نبوو سلامتك
مازن : كلمت الدرناوي حيدزلي اسلاح مش واجد
لكن دسة عندك لاي طارئ
الواحد مش عارف شن حيصير
مستقبلا
قوبعة : كنك نفس اللي باله مشغوول
مازن : والله لو علي نفسي انموووت عادي
لكن هلي مانقدرش نتخيل حياتي بدوونهم
خليها ساكته مش وقت نتعصب بكل
قوبعة : وسع بالك ياغالينا
""""""

الساعة 5:00 عصرا

احمد : هيا لامار انشيلك
لامار راكبة في السيارة وماتبش اتروح
احمد : دويتله قتله معش اتجي شورها
قالي حاضر
لامار : بارك الله فيك ياخيي
" "لامار عارفته كذاب ومنافق لكن مابتش تكسر كلمة خوها
وصلووو للشقة ركب امعاها فوووق
فتحي : مرحب بالافندي احمد
احمد : رحب باختي قبل هي الاهم
فتحي : انستي شقتك من جديد
احمد : امانة عندك ردبالك اتزعلها مرة اخرة
فتحي : تم يالغالي نفس ماقتلك
نزل احمد من الشقة وعدّى
""
مشت لامار للدار ومابتش تحكي امعا
"""
احمد قاعد في السيارة
" الحمد الله تريحت علي لامار "
""""
فتحي : اتحرشي في خوك عليا ياكلبة تحسابيني خايف منّا
وضربها كف علي وجها
""""
احمد مزال يحكي مع روحه في السيارة
: ربي يحفضك يالامار انتي اختي الكبيرة مانحبش انشووفك زعلانة ومضايقة لو فكر يزعلك مرة اخرة بس حنعرف كيف نصرّف امعاه :
""""
لامار تبكي : ياحمد تعال تعال وين حطيتني بس ياااااااحمد
"""""
فتحي : اسكتي ياحشرة وضربها بكراعة علي بطنها
لامار : آآآآآآآآآآآه

يتبع ,,

قريبا الموسم الثاني ,,,,

New Post
New Post
مديرة ستار ديس

تاريخ التسجيل : 24/08/2018
المساهمات : 4133
نقاط التميز : 6472
الجنس : انثى
العمر : 24
الأبراج : الميزان

الرجوع الى أعلى الصفحة اذهب الى الأسفل

رد: رواية بلهجة ليبية بعنوان " مشاعر مطرطشة " للكاتب ديندار الوحيشي "

مُساهمة من طرف New Post الأربعاء سبتمبر 05, 2018 12:22 am


مشاعر_مطرطشة

الموسم الاول

الحلقة 12
""""""
فتحي : اسكتي ياحشرة وضربها بكراعة علي بطنها
لامار : آآآآآآآآآآآه
لامار وهي اتعيط رنت علي خوها وماسكة النقال في يدها
لامار : عليش يافتحي اتعامل فيا هكي انت شن درتلك انا
فتحي : مش اتحرشي في خوك عليا
" وزاد ضربها طريحة
"""
احمد وهو ماشي للحووش رن نقاله
شافه طلعت لامار
احمد : ان شاء الله خير زعمك شن صاير اخرى
احمد فتح الخط
لامار : دونك ليا يا احمد تعااال راه يعذب فيا
فتحي : علي اساس يبي يسمعك يانفسية
احمد دغري غير مسار السيارة ومشى شوور الشقة امتاع فتحي
""""
فارس : باهي اسلاح اللي ايجي من درنة وين انحطووه
مازن : اهم شي برة منطقة الوحيشي معش نبيهم يمسكوو عليا حاجة
مازن وهو يهدرز مع فارس رن نقاله
مازن : نعم ياسكانة
حنين : نطلب منك طلب
مازن : شن
حنين : مانبووش اغاني في الفرح حرام في حرام
مازن : توا بالله عليك هذا وقت الكلام ,, اشوية مشغول قاعد
حنين : مشغول في عينك نبيك اشوية وسكّر
مازن نستاذنك اشوية يافارس توو انجيك
مازن : مش وقت ابصارتك راه ,, مشغول بجديات
حنين : شن عادة انكلم فيك في العشية اترد عادي لكن بجديات مانبووش اغاني في الفرح لان حرام
مازن : خلاص تو انولعو اغاني طيور الجنة وخلاص
حنين : هههههههه بطل سماطة
مازن : عاد شن نبي انديرلك ,, عارفهن محرمات
لكن اكيدة هلك وهلي يبوو اغاني ويبو اعيشوو اللحظة
حنين : يعني شن الحل
مازن : عادي ربي غفو الرحيم
حنين : لكن شديد العقاب
مازن : ماناقص الا اتقوليلي لقد جئناكم بالذبح
حنين : ههههه كنك رايح سامط
مازن : لا انبصر عليك بس وانغير جوك
حنين : عندي طلب اخر ,, مانبش طلق رصاص في الزفة
مازن : ان شاء الله
حنين : شفته اللي جابو في ليبيا الحدث اللي قاعد في الكافي وطاحة ع طلقة ومات
مازن : لاحول ولاقوة الا بالله ,, نوعدك مش حنستعملوو اسلاح بكل يووم الزفة
حنين : ربي مايحرمنش منك يا اعيووني
"""""
لامار : سادك ضرب يامجنون يامتخلف ياوقح ياتافه
فتحي : مزال عندك عين اتعلي صووتك عليّا
" احمد عتل الباب وكسّر وخش عليهم
وشاف اخته لامار تحت فتحي
ويضرب فيها طريحة
فتحي : من الافندي احمد
احمد ضربه بووني علي بطنة وارفسه بكراعة طاح عالصالوون فتحي
فتحي : اشوية انفهمك بس
احمد : اسكت ياكذاب انت عيل ومش راجل ,, معقولة مزال ماسكرتش حتى دقيقة يانفسية يامريض ,, وقعد يضرب فيه
فتحي : اه اه اشوية انفهمك بس
احمد : هيا صبي العتب عليا انا نحسابه راجل ورديتلك للشقة
لامار تبكي : قتلكم هذا متخلف وعنده حالة نفسية ماصدقتونش
احمد : هيا هيا نمشوو لشقتي بكل
"""""
ايمن : مزال ماعرفتووش في اي صالة يبوو اديرووها زفتهم
اسلام : مزال ماقررووش لعند توا
ايمن : لازم اتكثفوو جهوودكم ,, لازم انطربقوو وانجيفووه العقرب في اسرع وقت ممكن
""""
نرمين اتهدرز واتس مع فارس
نرمين : احلى يوم في حياتي اليوم
فارس : حتى انا
نرمين : شفت الوقح الصادق كيف خاف منّك
فارس : غيّري الموضوع وقولي حاجة اكويسة
نرمين : باهي عليش انت حبيتني
فارس : اشوية تو نسال قلبي
نرمين : ههههه اساله هيا
فارس : ياقلبي عليش حبيت نرمين
قالي مش عارف
نرمين : نحكي بجديات ليش اخترتني انا من دون البنات
فارس : اشوية تو نسال قلبي
نرمين : ياربي شن هالبارادة ههههههه
فارس : ياقلبي ليش اخترت نرمين
نرمين : باااااااااااااااارد
"""""
فاطمة بدا يضربها الملل والكساد
كالعادة فتحت الفيس امكسدة في قرووب الروايات
وتقرا في القصص والحلقات اتمشي في وقتها
شافت عضوو متفاعل ومشرف في القروب
وبعثتله طلب صداقة وقعدت تقرا في الحلقات
وحدة من الروايات حسّت وكانّها شورها
الحلقة وتحكي عليها قعدت ترجى في حلقات
اول باول
"""""
روان : بابا جا بابا جا وجاب عشاء
احمد : احلى روري نجك ليا ياغلايا
سهام : انستي يالامار كنك شن صار فيك من اللي دار هكي فيك
أحمد :حنفهمك بعدين ياسهام
لامار مصدوومة وساكته ,, نفس المفجووعة
"""""
حنين : خلاص مامليتش لنا ساعتين انهدرزوو
مازن : بالك انتي اللي مليتي
حنين : لا مامليتش انت اللي سكتت
مازن : لا غير الكذب كمل بس
حنين : خخخخ طيح سعدك
""""""
فارس : الوووو وينك
نرمين : كنت اندردش مع صحبتي بس
فارس : متاكدة صحبتك ^^
نرمين : لا صاحبي قصدي ,, شن ماعندكش ثقة فيا ولا كيف
فارس : كنّها رقالك انبصر
نرمين : نحسابك بس
"""""
فاطمة : شكرا علي قبول طلب الصداقة
المشرف في القروب : العفووو
فاطمة : حلقاتك ابداع ومبدع ماشاء الله عليك ربي يحفضك
المشرف : شهادة نعتز بيها منك
فاطمة : عندي فضول نتعرف عليك
المشرف : ربي يحفضك اوخيتي
فاطمة : امعاك فاطمة من بنغازي
المشرف : عاشت الاسامي بالجودة بيك
فاطمة : من انت
المشرف : ديندار من بنغازي
فاطمة : شن يطلع ديندار هذا
ديندار : اسم شهرة ومعروف بيه في النت
فاطمة : ممكن نعرف اسمك الحقيقي
ديندار : تقدري حاليا اتقوليلي ديندار خير
فاطمة : ابراحتك واسفة شكلي ازعجتك سلام
ديندار : سلام
""""
فاطمة سكرت النت
شكله واخذ في روحه مقلب
شن ريت هالحاجة الكبيرة اللي اديرفيها
عقاب حلقات روايات
انا فاضية اللي خشيتله خاص
""""""
"ديندار شاب ينشر القصص والروايات في القرووب "
"""""
سهام : يا احمد خليها اتبات عندنا اليوم خير خلاص مش داعي اتشيلها لعند هلك
احمد : حتى هذا راي تمام بكل
سهام : لامار ماوقفتش بكاء بكل
احمد : كلميها ليا انهدرز امعاها
سهام : لا خليها خير ابرووحها ,, وجعتها نفسها ضربها طريحة
احمد : تمام ,,
هذا وقتك ياقوبعة ومستحقلك ,, نقدرش انديرله شي انا
مكانتي مهمة في الدولة
سهام : شن حدير ,,
احمد : حنشووف لامار شن تبي واللي تبيها حنديره
سهام : هيا تعال نرقدووو ,, لكي كم يووم امجافينا
احمد : هيا جايك
""""
صباح ثاني يووم
ام مازن : هيا نووض اليوم اول يووم الافتتاح امتاع السوبر ماركت
مازن : عارف هيا تو انووض يا امي
" اليوم افتتاح سوبر ماركت وسماه " العقرب "
فارس وجماعته جابوو باسطي ومشرووب واللي يخش يبي يشري من السوبر ماركت يعطوو طرف باسطي ومشرووب "
" فارس : وين مازن معقووله لعند توا مزال ماجا
"""""
احمد : ديري بالك ع لامار
سهام : حتى انت دير بالك ع روحك
احمد : ماشي للعمل ,, اول ما اتنووض هدرزي امعاها لامار
وشوفيها شن تبي ,, واللي تبيه حنديره لها
""""
مازن ناض متاخر لان كان سهران مع حنين لعند الصبح
وهما يهدرزوو فوووووون
مشى مازن للسوبر ماركت
مازن : السلام عليكم
قوبعة : وعليكم السلام وين تاخير اليوووم
مازن : خذاني النوووم بس
قوبعة : ان شاء الله يقعد سوبر ماركت خير عليك
مازن : قصدك خير علينا .. حيقعد باب رزقي ورزقك
قوبعة : باذن الله
مازن : ماشاء الله ماشاء الله قعدت اتقول باذن الله
قوبعة : تلميذك ياعقربنا
مازن : ربي يهديك ويهديني يالغالي
قوبعة : اللهم امين
قوبعة : هيا تعال خش تفرج عالبضاعة
مازن : هيا يالغالي
""""
نرمين اضم في الحوووسة امتاع الحووش
خطرت في بالها
فارس
بعثتله مسج
" انحبك ياشين "
""""""""
فارس : عندك الصفّة هذي كلها درناها للبقوليات
مازن : تمام بكل ,, ماشاء الله لاقوة الا بالله
فارس سمع صوت مسج عالنقال
فتحها قراها وابتسم
وقعد يورّي في مازن في باقي الصفّات
"""""
فاطمة فتحت الفيس اشوية
اتشوف شن اخر اشعارات والمسجات اللي عندها
وبعدها خشت علي صفحة ديندار اتشوف في اخر حلقة
نزلّها شافت اصدقاء واجد امعلقين في صفحته
قرت الحلقة اللي نزلها
تبي اتسكر الفيس فاطمة
شفاته فاتح الماسنجر
فاطمة : صباح الخير
ديندار : صباح الورد
فاطمة : اسفة امس عصبت عليك هكي بلا قصد
ديندار : حصل خير
فاطمة : لكن اخر حلقة نزلتها وكأنك تحكي علي قصتي انا وخويا وامي
اقريبة منّ قصتي
ديندار : مجرد صدفة ,, المهم عجباتك الحلقة
فاطمة : من وين انت في بنغازي
ديندار : نستاذنك اسمحيلي مشغول اشوية
فاطمة : خووذ راحتك ,,
""""""
"فاطمة تحكي مع روحها :
" شكله مغروور وشايف رووحه واجد
لغت طلب الصداقة وحضراته
وقالت انا فاضية اللي دورته وعبرته

"""""
أحمد اتصل بمازن
احمد : مبروك وان شاء الله يقعد باب رزق خير عليك
مازن : ان شاء الله يارب ,, دزيتلك باسطي مع فارس جايك اشوية اخرة
احمد : يانعليا جا في وقته ,, عندي له مهمة معينة
مازن : متخافش يِنْهِي فارس ويَهَنِّي
احمد : لا عارفة ,, افعاله سابقات اقواله
"""""
فارس وهو ماشي لاحمد قال نتصل بنرمين اشوية
""""
نرمين : كنك مش علي بعضك
فاطمة : انحس في روحي ماله بكككل وملل
نرمين : مفرووض تفرحي اليوم افتتاح سوبر ماركت مازن
فاطمة : فرحانة والله لكن ضربني الملل واجد
وهي اتهدرز مع فاطمة رن نقالها
نرمين : الوو اعيوووني
"" فاطمة سمعت اعيووني غارت
قالت في نفسها ليش مايقعد عندي
حتى انا حبيب او صديق مقرب "
فارس : حبيت نطمن عليك ياغلايا
نرمين : نجك ليا ,, وين قاعد
فارس : ماشي شور الافندي احمد نعطي الباسطي والمشروب امتاع الافتتاح
نرمين : تمام دير بالك ع روحك
""""
ديندار بعد ماكمل الحاجة اللي كان مشغول بيها
خش يبي يرد عالبنت اللي اسماها فاطمة
طلعتله لايمكن ارسال هذي الرسالة
ديندار : معش فهمت شي اللي ايضينفي اشوية يلغي طلب الصداقة
مش معقوولة من ثاني يوم محادثة نحكيلك كل شي عليا
اصدقاء اخر زمن ,, يالله مش اول مرة اتمر عليا اللقطة هذي
اللي انطول عليه في الرد او ما انردش عليه
يا يلغي طلب الصداقة يا يحضرني
""""""""
مازن فتح النت لقاه حنين متصل عالواتس
مازن : حتى هو نت المدار يا
حنين : نق علينا
مازن : ههههههههه
حنين : مبرووك عليك الافتتاح
مازن : صح النووووم
حنين : كنك
مازن : لو مابعثتلكش راك مابركتلش
حنين : مش برانية انا كنك
مازن : هانت خلاص وحنوريك لما ناخذك
حنين : اتوري عينك
""""
فارس وصل لمبنى الافني احمد
أحمد : مرحب بخونا فارس
فارس: اهلا افندي احمد
احمد : كل شي عالبركة وان شاء الله فاتحة خير عليكم
فارس : اللهم امين ,, تفضل الباسطي من العقرب ليك
احمد : جيت في وقتك عندي لكي مهمة
فارس : انا ليك يا افندي احمد
احمد : مرات في واحد نبيك تعطي قرصة وذن
فارس : من
احمد : نسيبي ,, لكن مش توا انشووف شن ايصير امعايا وانقولك
فارس : تمام اي شي انا في الخدمة ..
احمد : عارفك انت قدّها يافارس

""""

الساعة 1:00 الظهر
ام مازن : تعالن يابنات الغداء واتي
نرمين : هيا جايا
فاطمة : هيا هيا
ام مازن : رني علي مازن قوله نرجووك ولا امطول
نرمين : كلمني امبدري قالي متغدي في سوبر ماركت
فاطمة : عقبيله وخلاص ياماما
""""
روان : بابا جا بابا جا
سهام : غير دبشك علي ماحطيت الغداء
احمد : شن جو لامار نبيها
سهام : جا باتك خذاها قالت نبي نمشي الحووش هلي
ماقدرتش نمسكها
احمد : شن هالخوات اللي عندي اللي راسهن امسكر
سهام : خلاص يا اعيووني ماتعصبش هيا بس غير دبشك وتعال ونتغدوو
""""
مازن : انست يافارس ,, شن صار امعاك
فارس : تمام وصلتله الباسطي وانا امروح وقفت علي مطعم
وجبتلك غداء انت والجماعة
مازن : بعدك جعاااااااان جيت في وقتك
فارس : صحة صحة
مازن : هيا تعالوو تغدوو ياشباب
"""""
حنين : معقووله دار هكي فيك هالواطي
لامار : لولا الله ثم احمد راه متت علي ايديه
حنين : حسبيا الله ونعم الوكيل فيه
لامار : قتلكم كذاب هذا ومعاق وماعندش صاحب لكن انتم ماتبووش اتصدقووو
حنين : شن حديري من راي
لامار : نبي نطلق منّا ماصبرت الا واجد خلاص
حنين : ان شاء الله خير
لامار : لاخير لاشير ,, والله لو علي جثتي مش ردتلها للشقة ويطلقني بالغصب
حنين : مهناك الا كل خير خييتي
"""""

الساعة 4:00 العصر

بثينة : كنا وجك ياحبيبي من دار فيك هكي
فتحي : لا درت عركة مع وحدين امبدري صار سوء تفاهم
بثينة : لكن وجك امحصل ضرب واجد ياحبيبي
فتحي : خلاص ياحبيبي فووتي خلينا فيك انت
بثينة : فرحت لما رنيت عليا وقتلي تعالي راه مراتي بايته برة
فتحي : اكيدة نقدرش انعيش بلاك انا
بثينة : وانا مانقدرش انعيش بلا افلوووسك
فتحي : افلووسي كلهن ليك المهم ماتحرمنش من جسمك وحنانك
بثينة : اكيدة هذي يارووحي
"""
بثينة بنت عاهرة معرووفه امتاع افلووس
واللي يعطيها افلووس ترقد امعاه
والمرة هذي اختارت فتحي
هذا عليش تغير علي مراته
فتحي فضّل الحرام عالحلال
""""""
سهام : وين ماشي يا احمد
احمد : ماشي الهلي انشووف قصة لامار
سهام : خلاص شيلنا انا روان لحوش هلي
احمد : تم هيا
""""
مازن : اشوية اخرة نمشوو نحجزوو صالة للفرح
قوبعة : تم
مازن : في ناس قالو قاعة الجملية وقاعة مارينا اكويسات
قوبعة : عادي توو انديرو برمتنا علي قاعات بنغازي كلهن
""""
لامار : كيف صار في موضوعك انتي ومازن
حنين : اليوم ماشي يشووف في القاعات ويبي يحجزلي
لامار : ربي يتمملكم علي خير
حنين : امين يارب ,, حتى انتي ان شاء الله اتردو نفس قبل مع فتحي
لامار : خرّف قتلك والله ماني ردتله ولازم نطلّق منّا
حنين : تي كنك انفصلتي خلاص
لامار : الباب انفتح شكله احمد جا
حنين : انست انست
احمد : ,, كنك ماقعدتي لامار راه شلتك انا
لامار : مانبش انضايق مراتك
حنين : خلاص مش موضوع حصل خير
لامار : اسفة سامحني خيي
احمد : عادي لامار ,, لكن شن اخر قرار خذيتي مع فتحي
لامار : نبيه يطلقني

يتبع ....
,,

قريبا الموسم الثاني ,,,

New Post
New Post
مديرة ستار ديس

تاريخ التسجيل : 24/08/2018
المساهمات : 4133
نقاط التميز : 6472
الجنس : انثى
العمر : 24
الأبراج : الميزان

الرجوع الى أعلى الصفحة اذهب الى الأسفل

رد: رواية بلهجة ليبية بعنوان " مشاعر مطرطشة " للكاتب ديندار الوحيشي "

مُساهمة من طرف New Post الأربعاء سبتمبر 05, 2018 12:24 am


مشاعر_مطرطشة

الموسم الاول

الحلقة 13

احمد : عادي لامار ,, لكن شن اخر قرار خذيتي مع فتحي
لامار : نبيه يطلقني
احمد : هذا اخر حل طلعتي بي متاكدة
لامار : باذن الله متاكدة
احمد : تم ورقة الطلاق حتجيك من فتحي
"""""
فارس : شن هالزحمة هذي كلها
مازن : قتلك هنا في شيل بنزينة وكلها اداعك عالشيل انت مش امصدق
توا شن يبي يطلعنا من هالطريق ,, الله يسامحك
فارس : معش انتهت قصة هالبنزينة وديما ادعاك وزحمة
مازن : مادخنش بي الزحمة ,, انت اللي سكرت راسك وقلت هيا نمشوو من الطريق ,, انا عارف فيها شيل بنزينة وزاحمة ,, لكن في بعض الاحيان الاجتهادات مش لازم منهن
بيب بيب بيب
فارس : تي اطلع انت وياه هيا
""""
فاطمة امكسدة عالفيس وضاربها الطل في العشية
مش عارفة شن ادير كساد وملل قاتل
كل اشوية اتخش ع طلبات المراسلة بالك
تلقى مسج من اي حد
فاطمة : مافش حتى مسج بالغلط ايجي هكي ولا هكي
انمشوو مع الوقت تي كسااااااد
نرمين كانت امقيلة كيف ناضت
فاطمة : صح النووم المغرب قريب ياذن
هذا كله اتقيلي ,,
نرمين : خذتني النووومة
الشتاء جو نت وحب نوووم وخلاص
فاطمة : طيح سعدك اشقي بقرايتك
نرمين : قوليها الروحك مشيتيها ليا
اطياح تقري في روايات وخلاص
خلّي الروايات ينفعنك
فاطمة : بالعكس في روايات مفيدة وخذيت منهن عبرة
نرمين : الحمد الله ما انحبهنش بكككل
فاطمة : توا خليني اندير قهوة بدام انتي نظتي وانهدرزو علي مهلنا
نرمين : بالمرة انلم افراشي قبل ماتزرق عليا ماما
"""""
بات حنين : شن طلع امعاك مع لامار
احمد : قالت تبي الطلاق
بات حنين : زعمك يطلقها
احمد : غصبن عنّا يطلق
بات حنين : ان شاء الله خير
احمد : ان شاء الله
""""
فارس ومازن وصلوو لقاعة جميلة ونسقوو امعاه المدير امتاعها
علي اساس بعد اسبووعين حيكوون الفرح
فارس : كل شي عالبركة يالعقرب
مازن : قتلك فكنا منها العقرب توا قوولي مازن بس
فارس : تم يامازن ,,
مازن : المهم فكنا منها الطريق اللي فيها شيل بنزينة زحمة مزالت
فارس : تي شعب امهجهج اشاعة طلعت ,, هما مايصدقووو
مازن : تي غير فكنا انت اول واحد داعكت عالبنزينة ,, كلكم اتقوولي شعب مايصدق يسمع اشاعة وتلقى اول واحد يداعك
علي اي شعب يحكي مش عارف
فارس : ههههههههه في هذي صدقت
"""""
حنين : شن حديري من راي
لامار : كان اطلقت ,, نبي انكمل دراستي في معهد المعلمين
عندي كم سمستر انكمله بالك انحصل عمل
احسن من عذاب مع هالنفسية
حنين : حتى هذا راي
وحنين وهي اتهدرز مع اختها رن نقالها
حنين : نعم مازن
مازن : خلاص حجزنا في قاعة جميلة ان شاء الله ربي يتممنا علي خير
حنين : ان شاء الله يا ظي اعيووني ,,
مازن : خلاص مش تشقي ابرووحك
حنين : اكيدة
مازن : يومين بس حنجي ندفع وانلبسك باذن الله
حنين : تم شووف اللي انت تبيه
مازن : تم ديري بالك ع روحك
حنين : حتى انت يا اعيووني
لامار : شن صار امعاكم
حنين : حجز في قاعة الجميلة ,, وقالي ممكن يومين اخرة ويحجي يدفع
لامار : ماشاء الله مبروووك ياحنووو
حنين : الله يبارك فيك ياميروو
""""
فاطمة : كلمي امي قوليلها تعالي حطينا قهوة
نرمين : قاعدة اتخيط في الفراشات في الصالة
فاطمة : هيا صبي نمشوولها غادي
نرمين : مرحب بامنا الغالينا
ام مازن : جت الهرجة واختها ,, جابك ربي ترا جيبي سلك اسود
نرمين : حاضر
ام مازن : ترا رني علي مازن قالي ماشي يبي يحجز في صالة
فاطمة : حاضر يا ماما
""""
فارس : بعدك السوبرماركت جنبنا مدرستين اعدادي وثانوي ,,
توا وقت دراسة حنخدموو عليهن
باهي اللي وفرت قرطاسية في السوبر ماركت
مازن : مسكين انت معتصمين ويبوو زيادة في مرتباتهم
فارس : معتصمين كيف
مازن : وين عايش انت ماعندكش علم يبوو يوفقوو الدراسة لين يرقوولهم مرتباتهم
فارس : اها
مازن : حقاتهم ريت هالجيل السمح اللي يطلعوو فيه ويخرجوو فيه
ريت هاليبانيين اللي انقروو فيهم
اغلبهم غش في الشهادة الاعدادية والثانوية الا من رحم ربي
قوبعة : قالك ربي يصلح الحال وخلاص
مازن : اللي تقهرك ان الاساتذة اللي يعطوو بضمير ويعطو حقاتهم للطالب ومايقصرووش ضد العصيان
قوبعة : انقانه معش تفهم شي بالرسمي
وهما يهدرزوو رنت فاطمة علي مازن
مازن : ها ياسكانة
فاطمة : ماما قالت شن صار فيك حجزت ولا لا
مازن : اها حجزت قاعة الجميلة
فاطمة : لولوولولوولولوولي
مازن : تي وذني
فارس : هههههههههه
فاطمة : خلاص ماما تستنى فيك
مازن : تم جايكم
الله اكبر الله اكبر
مازن : المغرب ياذن ترا درّس عند اول جامع انصلوو فيه
فارس : حاضر
""""""
احمد : خلاص يالامار نبي نمشي انروح بسهام
المغرب اذن انروح بيها
لامار : ربي يخليك ليا
احمد : خلاص حنشووف شن ايصير امعايا وبيناتنا تليفووون
لامار : تمام نرجى تليفوونك
"""""
حنين رنت علي فاطمة
حنين : افطوومة العسل
فاطمة : حنين الصقوعية
حنين : كلمكم مازن وقاللكم عالقاعة
فاطمة : اها كلمنا ربي يتمللك علي خير
حنين : عقبالك يارب
فاطمة : توو وينة هوو طايح السعد اللي يبيني
حنين : اصبري نصيبك يرجى فيك قاعد
فاطمة : نرجوو راد الله علينا ايش ورانا
حنين : هههههه ايوة بالزبط
"""""
ام مازن : من كان يكلم فيك
فاطمة : حنين تبي اتقولي علي قصة القاعة
ام مازن : بنت طيبة وتستاهل كل خير
نرمين : انقانها عسوووله بكككل
"""""
ديندار روّح متاخر من العمل كالعادة
يوتّي بكرج القهوة قبل
ويقعمز عاللاب توب
عشان يكتب الحلقة اللي يبي ينزلها ,,
يفتح الفيس قبل يشووف الاشعاارات والتعليقات
والرسائل وبعدها يسكر الفيس ويبدا يكتب في الحلقة
علي مهلة
وحال الغاية يقعد هدووء في الدار
ممكن يحط السماعات ويسمع الاغاني
المهم مع نفسه ومع افكاره ومع خيالة الواسع
""""""
فاطمة : معش جا مازن طوّل بككل
نرمين : انسيتي زحمة الشيلات ولا كيف
فاطمة : انسيت صح بكل قالو زحمة بشكل خيالي
نرمين : الزحمة كوووم والقصص اللي اطلعن عالزحمة كووم ابروحة
فاطمة : كيف
نرمين : وحدين يقوولوو اضراب من جماعة طبرق وحدين يقوولو عشان افتحوو الميناء وحدين يقوولوو مخطط برة بلعاني يبو يدمرو نفسية المواطن
فاطمة : انقانة شعب فسواي اللي يسمعها يقوولها
نرمين : علي قولة العقرب انتي منّا الشعب هذا
فاطمة : اكيدة انا اكبر فسوايا
" مازن فتح الباب وخش عالحووش "
نرمين : عمرك طويل اتموت عالعكووز ههههههه
مازن : كيف صار حلقة الاتجاه المعاكس في حووشنا
نرمين : هههههههههه
فاطمة : هههههههههه
ام مازن : وانا الاعلامي فيصل قاسم اللي يفتنها بيناتهم
مازن : تي انتي نجك ليا وخلاص يا اعويناتي
ام مازن : اس عيب امك
نرمين : لولوولولوولولوي
فاطمة : لوولولوولوي
مازن : بطلن اهبال وشهدرة خلاص المنطقة كلها عرفتني نبي نزوج
فاطمة : وجك فرحنات عشان حجزت القاعة
"""""
بثنية : زعلانة منك انا يافتّووحي
فتحي : ليش زعلانة مني يابيبي
بثينة : عشان انت ما اتحبنش
فتحي : من قالها ,, انحبك وانموووت فيك
بثينة : اتحبني صح نبي دليل
فتحي : حرام عليك بعد اللي درته لكي مزال تبي دليل
شريتلك سيارة وحصلتلك عمل حكومي شن ناقصك مزال
بثينة : نبيك اتشوفلي مكان نقعد فيه ليا وملكي
وقرّبتْ منّا واجد ودوتلا في وذنة بصوووت واطي ورومنسي
وبهمسه خفيفة منها كان اتحبني صح
اكتب الشقة هذي باسمي
وعطاته بووسه علي خدة
لين الرووج امتاع فمها
علّم علي خدّه
فتحي حرّك راسه وقال حاضر يابيبي اللي تبيها انتي حاضر
بثينة : نجّك ليا لما اتقولي بيبي تعال هيا في حضني
"""""
سهام : كنك طوّل وماجيت عشان اتروح بينا
احمد : تي زحمة اليووم البلاد بكككل
روان : بابا نبي جولاطي جولاطي جولاطي
احمد : حاضر يا اعيوون بابا
سهام : رايفت عليك يا اعيووني وحطت يدها علي اكراعه وهو يسووق
" بحت فيها احمد وابستم
احمد : حتى انا رايفت عليك واجد
سهام عطاته بوووسة من بعيد " اموواااه "
احمد : بطلي البنت في السيارة قاعدة
روان : حتى انا يابابا امووواه
احمد : خربتي البنت حرام عليك
سهام : ههههه مزال ماشفت شي مني
""""
نرمين : فيش ادير قاعد
فارس : شي كساد امكسد مع امي وخلاص
نرمين : باهي انت اتحبني صح ولا تكذب
فارس : نكذب اها
نرمين : عادي المهم ضمنت عريس ومش حنقعد عانس
فارس : يافرحة امك بييك
نرمين : انحبك موووت يامجنوووني
فارس : حتى انا انحبك موووت
نرمين : اموووووووواه
فارس استك وثلّج جسمه
نرمين : وين رحت
فارس : لا شي بس
نرمين : نجك ليا ياحشووومي
فارس : المهم لما تمشوو للدفع اكيدة خوك مش ماشي
نبيك تركبي امعايا للسيارة بما انا انشيلكم
نرمين : اكيدة ماعندك وين هارب منّي
"""""
الساعة 10:00 مساءا
حنين ومازن يهدرزو فوون

حنين : اخيرا حتقعد حلالي يا اعيووني
مازن : الحمد الله ياحنوو كنت نرجى فيه اليووم هذا
حنين : والله حبيتك من كل قلبي من اول يووم دافعت عليا في الجامعة
شفت اسد قدامي انعجبت بيك وخشيت خاطري
مازن : ربي يجمعني بيك بالحلال وانجيب منك احلى بيبي
حنين : اللهم امين يا ضي اعيووني
"""""
احمد : اوووووو من انتي
سهام : انا حبيبتك سهام
احمد : كنك هكي قعدتي
سهام : كني شينة ولا سمحة
احمد : قصدي هذي سهام اللي روحت امعايا امبدري
سهام : تي كنك قصدك شينة
احمد : اتهبلي
سهام : بجد تحكي
احمد : وين كانت الانثى هذي
سهام : الانثي هذي في يدك انت
تقدر اتخليها تطلع ولا تدفنها
احمد : تي انحبك مووووت يا اعيوووني
سهام : وانا نموووت في حبك
"""""
فاطمة كالعادة امكسدة
فاطمة : انا هبلة حظرت ديندار فاتتني حلقات رواياته
حنفك الحظر اقل شي انتابع الحلقات امتاعاته
فاطمة فكت الحظر علي ديندار
وقعدت تقرا في باقي الحلقات
علقت علي وحدة من الحلقات
فاطمة : ابدعت اتهبل الحلقة
شافت اشعار لايك علي تعليقها من ديندار
قالت انخشلة خاص ونكذب انقوله كنت امعطله احسابي بس
فاطمة : اهلين خونا ديندار
"""""
ديندار كالعادة اشوية يكتب من الحلقة
واشوية يشووف اشعارات الفيس
بالصدفة شاف اشعار رسائل واجد مش شايفهن
قال هيا نبدا انرد عليهن
اول رسالة: شكرا علي قبوول طلب الصداقة
ديندار : العفوو خيتنا
ثاني رسالة : كنك رايح متغير شكلك مش ديندار
ديندار : لا هو نفس الشخص لكن طبعي ما اندردشش واجد
ننشر حلقة وانسكر نت
ماعندش في جو التعارف والصداقات عالفيس
ثالث رسالة : اهلين خونا ديندار
ديندار قال في باله مش هذي حظرتني كيف صار كنها ردت تبعثلي
ديندار : اهلين كيف حالك خيتنا
"""""
فاطمة : بعد نص ساعة رد عليا
شكله فشاك ومغروور وشايف رووحه علينا
فاطمة : راك تحسابني حضرتك بس ,, غير كنت امعطله ايميلي
ديندار : لا عادي مادورش شي جو تمام خيتنا
فاطمة : باهي امتى تنزل الحلقة
ديندار : قريب تنزل الحلقة
فاطمة : كنت حابة انكوون من اصدقائك المقربين لو مافهش ازعاج
ديندار : عادي ليا الشرف وبالجودة بيك خيتنا ,,
لكن نستاذنك توا مشغول اشوية
فاطمة : لاعادي خووذ راحتك
""""
كل واحد عايش الليلة بشكل
فتحي عايش الليلة ذليل نفس الكلب مع بثينة
واحمد عايش احلى لحضات حياته مع حلاله سهام
ومازن يهدرز مع حنين وينسقوو في الفرح
ونرمين اتهدرز مع فارس لعند
وفاطمة امكسدة في قرووب الروايات وتقرا في الحلقات
""""

صباح ثاني يوم

سهام : هيا نووض حبيبي عمل
احمد : تاريتني ماكنتش متزوج زمان
سهام : حرام عليك ما اتحسسنش كنت حارمتك مني
احمد : المهم ربي يخليك ليا يا اغلى شي في حياتي
سهام : هيا نووض دوّش علي ماوتيتلك الفطووور
""""""
ام مازن اتنوض في نرمين وفاطمة
نرمين راقدة والنقال في يدها
وفاطمة راكدة عالكبيورد امتاع اللاب توب
ام مازن : عليك بايرات عابية عليهن
ام مازن : هيا نوووضن وقت
نرمين : باهي خلينا اشوية بس ياماما
فاطمة : هيا اني نايضة انا
ام مازن مشت تبي اتنووض مازن
مالقتش في الفراش
عرفاته نايض بدري
وماشي للسوبر ماركت امتاعه
""""
حنين نشاط نايضة الصبح بدري دارت فطوور لباتها
وقعدت اتوكل في امها المريضة اللي ماتقدرش اتحرك من مكانها
لكن لامار مزالت راقدة
"""
احمد : تبي حاجة يا اعيوووني ماشي توا
سهام : نبي اها
احمد : شن
سهام قرّبت منّا وعطاته بووسه علي خدّه
احمد : يابنت الناس خليني نمشي للعمل فكينا من اهبالك عالصبح
سهام : دير بالك علي رووحك حبيبي
احمد : اي حاجة نقصاتك رني عليا
سهام : تمام حبيبي
" سهام فرحانة عرفت كيف تكسب قلب راجلها بعد كان فايتها ومش امدورها "
""""
فتحي : بثينة مزال مانضتش معقووله
هيا نووضي عندي عمل عشان انوصلك
بثينة : من قالك حتمشي للعمل انت
فتحي : شن تحكي انتي
بثينة : امشي وتيلي الفطوور هيا
نفطر علي مهلي
بعدها اندوووش
بعدها اتشيلني
فتحي : حااااااضر يابيبي
""""
فارس : ماشاء الله نشاط يامازن اليوووم
مازن : مافهش لازم اتصبي علي رزقك وتفتح بدري
فارس : صدقت يالغالي
مازن : بعدين العشية نبيك نشروو الدبلة والمحبس لحنين
فارس : تم يالغالي
"""""
ام مازن : كنكن معش مشيتن للجامعة
فاطمة : نحنا امعطلات نقروو عشان امتحانات السمستر قريب يبدن
ام مازن : تمام انشغلت عليكن بس
"""""
ايمن : صار قاعة جميلة
اسلام : اها رسمي قاعة جميلة
ايمن : الدرناوي والافندي احمد يحسابوني مش زارق عليهم انّي فاطلهم
اسلام : خخخخخخخخ
ايمن : اكيدة وصّلو الكلام للعقرب ,,
عادي المهم يقعد عايش في رعب وخلاص
اسلام : عارفك اتْهّني
ايمن : المهم نبيك اتقووللهم علي اساس في واحد حنخلووه يقتل مازن
لكن الراجل اللي نبوو اندزوو ححنخلوو يطلق طلقة في العرووس
انخلووه يأمّن روحه وينسى العروس
اسلام : هكي حيقعد يبكي في يووم زفته
ايمن : تم احكي للجماعة اللي في الحبس انّ ايمن كلّف واحد يقتل العقرب يووم زفته اول مايووصل لصالة الفرح يبي يقتله عشان يوصلهم الخبر
اسلام : حاضر
::::
فارس : كنك مرة مرة تقعد سرحان يامازن
مازن : انفكر في هلي واجد وخايف عليهم
فارس : باذن الله .. ربي امعاهم
مازن : اللهم امين
فارس وهو يهدرز مع مازن رن نقاله
فارس : نعم افندي احمد
احمد : ممكن اليوم اتجيني في المكتب نبيك في الموضوع اللي قتلك عليه
فارس : خلاص ساعة هكي وحنجيك يا افندي
احمد : نرجى فيك

يتبع ,,,,

New Post
New Post
مديرة ستار ديس

تاريخ التسجيل : 24/08/2018
المساهمات : 4133
نقاط التميز : 6472
الجنس : انثى
العمر : 24
الأبراج : الميزان

الرجوع الى أعلى الصفحة اذهب الى الأسفل

رد: رواية بلهجة ليبية بعنوان " مشاعر مطرطشة " للكاتب ديندار الوحيشي "

مُساهمة من طرف New Post الأربعاء سبتمبر 05, 2018 12:25 am


مشاعر_مطرطشة

الموسم الأول

الحلقة 14

احمد : ممكن اليوم اتجيني في المكتب نبيك في الموضوع اللي قتلك عليه
فارس : خلاص ساعة هكي وحنجيك يا افندي
احمد : نرجى فيك
مازن : كنا الافندي احمد
فارس : يبيني في موضوع شور نسيبة
مازن : طبعا انت صاحب المهمات الصعبة
فارس : بالعكس انا تلميذك
""""
بثينة : هيا اعيوووني مش نمشوو مكتب العقارات
تكتبلي الشقة اليووم باسمي
فتحي : حاضر
بثينة : هيا اليووم لازم
فتحي : حاضر يا اعويناتي
وطلع فتحي مع بثينة شور اول مكتب عقارات
وشايل اوراق الشقة امتاعه
عشان يكتبها باسمه
""""""
لامار اتفكر واجد وخذت القرار خلاص
انها اترد اتكمل دراستها
واتشووف حالها ومستقبلها
ومعش اتفكر لا في فتحي لا في زواج لاشي
حنين : صحبتي اختها تخدم في الادارة امتاع كلية التربية
حنسالها وانشووفها شن ايصير وانقوولك
لامار : المهم قوليلها اني اموقفة قيدي من قبل
حنين : تم امتى ما انرن عليها تو انخليها تحكي امعاك
لامار : تمام يا احلى حنووو
حنين : اليوم ماشي مازن يبي يشري الدبلة والمحبس امتاع الخطووبة
لامار : مرات يطلع ذوقه مش حلووو
حنين : كيف
لامار : ليش مانطلع انا وياك بعدين العشية
ونبرموو محلات الذهب واللي يعجبنه نحجزوو
ايجي هوو يدفع حقه وياخذه
حنين : صح حتى هذا راي ,,
"""""
احمد : نورت المكتب يا فارس
فارس : النوور نوورك يا افندي احمد
احمد : انا نبي نسيبي يطلق لو طلّق بالعافية تمام
لو سكّر راسه ويبي ادير مواضيع نبيك انت
تنهي موضوعه وتعرف كيف اتربيه
فارس : حاضر افندي احمد
احمد : نبي انهدرز امعاك في موضوع يخص ايمن واسلام
فارس : تفضل احكي
:::::
ايمن : اليوم الجماعة حيوصّو القاتل المأجوور
اسلام : تمام بكل
ايمن : لو قتلناه حتريح العقرب لكن نبوو يتعذب في حياته
تخيل عروستك اتمووت قدامك يووم الزفة امتاعك
محلا شعوووور
اسلام : قالك مش غير
"""""
نرمين : فاتك شكله فارس حشووومي بكككل
فاطمة : كنا عليش
نرمين : عطيته امس في الليل بوووسه تحشم مني واجد
فاطمة : طيح سعدك ,, راك تحسابي نفس الشباب اللي كنتي اتهدرزي امعاهم زمان ,, اعقلي راك اتودريه منك بالحركات هذينا
نرمين : بدووون قصد يا افطووومة
فاطمة : خاطي انّ مازن رفيقة الروووح بالروووح ,, يعني حيتشم منك في حاجات واجد ,, لذالك افطني ,, راك اتودريه منّك بس
نرمين : حاضر
""""""
مازن قاعد في السوبر ماركت يتمشى فيه جوا بين البضاعة
رن نقاله
مازن : مرحب بضي اعيوووني
حنين : معش اتقوولها ضي اعيووني انا اللي انقوولها بس
مازن : هههههه باه
حنين : نبي انقوولك حاجة بعد خطرها
مازن : شن
حنين : مش اليووم ماشي تبي تشري الدبلة والمحبس امتاعاتي
مازن : ان شاء الله
حنين : عندي راي اخر ,, مرات تشري دبلة ماتعجبنش ,, شن رايك نمشي انا واختي نختاروو واحد معين ونحجزوو ,, واتجي انت تشري
مازن : عادي كله واحد
حنين : متفقين معناها
مازن : بشرط اليوم تطلعووو العشية ,, لاني المغرب حنمشي نشري
معش في وقت مزال اسبوعين عالفرح
حنين : حاضر يا اعيوووني
""""""
فتحي : مبرووك عليك يا اعيووني الشقة
بثينة : الله يبارك فيك يا فتووحي ,, فعلا انت هكي اتحبني صح
قتحي : كم عندي بثينة انا
فتحي : اكيدة انا بس
بثينة : مليت وانا هكي مافش راجل لامني
وكل مرة من شقة الشقة
ولا ماتبش اتلمني ونقعد ليك يا بيبي
فتحي : لا اكيدة نبيك ليا ,,
بثنية : خلاص معناها من بكرة حنجيب باقي دبشي للشقة امتااااااااعي
اللي كبتها باسمي ياحبيبي
تبي ترضى مراتك نقعد ولية عليها ثانية باهي
ماتبش ترضى ,, تربح وطلقها يافتوووحي
ولا عندك اعتراض علي كلام اعيووونك
فتحي : لا اكيدة ماعندش بكككل يا بيبي
بثينة : هيا تعال كرعية وجعني تعال اسلح كندرتي بسرعة
فتحي : باه
"""
احمد : وهذا كلّا المووضووع
فارس : ربي يكوون في عوون مازن
احمد : المهم ماتحكلش انت وخليه يمشّي الفرح عادي
عشان ماينكدش علي رووحه
فارس : حاضر لكن شن حدير من راي
احمد : حنكلف وحدين يحموو الصالة ويقعد مازن مُراقب
واي شخص يطلّع اسلاحة شوور مازن حنقتلوو وقتي
فارس : لكن هكي الفرح حيخرب ويقعد فيها رصاص
احمد : يخرب الفرح احسن ما يمووت مازن
فارس : تمام
احمد : ربي يسرلنا ان شاء الله
فارس : اللهم امين
احمد : لما نبي انروح ماشي لشقة فتحي
انشووف لو يبي يطلق ولا لا
لو شبّه امعايا وقال لا حنرن عليك
لازم الايام
هذينا يقعدن بيناتنا الووو
عشان نحموو مازن
فارس : تم وانا في الخدمة في اي وقت يا افندي
""""
لامار بدت تمسح في الصوور امتاعات فتحي
وتبكي وتذكر ايام كيف كانوو في بداية علاقتهم الزوجية
لامار : ليش تغيرت يافتحي
ليش قعدت هكي
انت كنت كل شي في حياتي
ماعمرش قصرت امعاك
عليش بس قعدت هكي
انت في حد غيّرك
انت ماكنتش هكي
حسبيا الله ونعم الوكيل
ربي يصبرني علي افراقك
" لامار قدام هلها راضية بالطلاق لكن في نفسها مكسوورة وزعلانة
ماكانتش اتمنى يوووصل هكي المووضووع
لكن قدر الله وماشاء فعل "
"""""
فارس : حي حي عالتواضع صاحب الرزق ابرووحه هو اللي يكنس
قدام سوبر ماركت
مازن : امتى جيت حلّك مشيت وجيت من الافندي احمد
فارس : هدرزنا في كم مووضوع هكي وان شاء الله خير
مازن : ان شاء الله
فارس : المهم نفرحوو بيك يالغالي بس
مازن : خلاص هااااانت
فارس : راك اتغيير علينا بس بعد تزوج
مازن : معقوولة اتغير عليك مش ليا الجوو هذا
تي انا ننساك بكككل
فارس : هههههههههه
""""""
فتحي : انحبك موووت يا اعيوووني
بثينة : حتى انا انحبك يافتوووحي
" باب الشقة دق "
فتحي : من
احمد : الافندي احمد
فتحي : حي عليا امّه هذا شن جيّبه
بثينة : كنك خفت شن فيه
فتحي : تي هيا صبي بسرعة ولمي حووستك وخشي لدار النوووم
بثينة : تي كنك بس
فتحي : تي هذا خووو لامار كنك انسيتي ولا شن
بثينة : حي علينا وحي شن يبي منك
فتحي : بس هيا ابسرعة خشي للدار هيا
احمد : اوووي كنك طولت معش فتحت انت
فتحي : هيا جايك جايك
احمد : اخيرا اللي فتحت الباب
فتحي : اهلين افندي احمد
احمد : مزال عندك وجه اتقوولي اهلين ياحيوان ياعلة الرجالة ياحثالة
" بثينة اتبحت فيه من فتحة الباب "
بثينة : عليك هيبة خوو لامار مش الفسخة اللي قاعدة امعاه "
فتحي : توا انت جي تبي تشتمني وتشريها امعاي ولا شن
احمد : لو نبي نشريها نشريها مع راجل مش مع واحد عيل مش راجل مش قد كلامة
فتحي : يعني شن تبي جاي توا
احمد : نبيك اطلق لامار في اسرع وقت
" بثينة من وراء الباب : اخيرا هكي حياخذني هالفسخة ونضمن مستقبلي وحياتي "
فتحي : هذي ابسط حاجة تم اعتبرها مطلقة خلاص
احمد : الايام الجايا ورقتها اتجي امتاع الطلاق
فتحي : تم قتلك خلاص
احمد وهوو طالع من الشقة طربق باب الشقة بالقوووة لين قزاز الباب طاح امتاع الشقة
بثنية : الله عليك هيبة يهبل بكككل خوو لامار
فتحي : معقوولة تحكي هكي لواحد داير مشكلة مع حبيبك
بثينة : تي غير توا امشي جيب امتاع قزاز يصقم باب الشقة امتااااعي
ابسرعة وحنهدرزووو بعدين
"""""
ام مازن : مازن قالي امروح علي وقت الغداء احسبووني في الغداء
فاطمة : اكيدة حسبناه مازن
ام مازن : قالي جي هو وفارس عشان يتغدوو مع بعض
نرمين : ماشاء الله كل شي بالزايد عندنا
فاطمة : هيا تو نبدوو انحطوو اكيدة جييين في الطريق
""""
فارس : اووو الساعة 2 انقاني نستاذنك ماشي للحوش نتغدى
مازن : اليووم حتروح امعايا للحووش نتغدووو
فارس : خليها مرة اخرة امي قاعدة ابرووحها في الشقة
مازن : توو نمشوو ناخذوو امك وانشيلووها امعانا
فارس : لا هكي اموافق معناها ,, كل شي الا الوالدة استحالة انسيبها ابرووحها
""""
روان : بابا جا بابا جا
احمد : روري العسل غلايا المطرطش
سهام : انست حبيبي الغداء واتي غير دبشك وتعال
احمد : لا لا ج عّ ا ن وسكت
سهام : كنك حبيبي
احمد : م ا ك نّي شي
سهام : كنك قعدت تحكي هكي
احمد : قصدي انحس فيك رايحة قمة في الانوووثة
سهام : شن قصدك ,, باهي باه
احمد : تي كان مش روان جنبنا راه صقبت عليك
روان : خلاص بابا اش قاعدة انا غمضت اعيوني
اصقب حتى انا نلعب امعاكم
سهام : خخخخخخخخ
احمد : امها سهام شن تبي تطلع البنت ,, هيا توو انغير دبشي عالسريع
سهام غمزت الاحمد : توا تغدى وبعدا الغداء انهدرزوو علي راحتنا يا اعيووني
"""""
نرمين : انستي يا اعميمة نوّر حووشنا بيك
ام فارس : النوور نوركم
فاطمة : انستي عمّتي
فارس : ترا عطينا باسورد الوايرلس نفتحوو نت اشوية
مازن : تي وسع بالك كيف خشينا للمربوعة عليك اللي ماعنده صبر
فارس : هههههههه مش براني انا عاد
"""""
فتحي : القايلة كلهم امسكرين تووا امتاعين القزاز
بعدين العشية توو نمشيلهم
بثينة : باهي يا اعيووني
فتحي : خلاص حنطلقها بكرة لامار وناخذك يا بيبي
بثينة : اخيرا حنقعد علي ذمة راجل
فتحي : شن دايرة غداء يا حبي
بثينة : لا مش دايرة امشي للمطعم وجيبلنا غداء
فتحي : كنك مارنيتي عليا قبل ما نجي
بثينة : خلاص فتووحي مش مشكلة هيا
حبيبتك جعانة امشي نرجى فيك
"""""
حنين : هيا تعالي تغدي يالامار
لامار سمعت صووت حنين مسحت دموووعها
وشدت حيلها وقوّت عزمها
لامار : هيا بابا تعال تغدي
حنين : توو انشيل الغداء الماما في الدار
بات حنين : كنهن اعيوونك حمر يالامار
لامار : لا امس سهرانة بس يابابا
حنين : خلاص توا انستينا ياصقووعية
بات حنين : حنقوولك شي قدّام اختك يالامار
لامار : شن يابابا
بات حنين : ردبالك تضايقي او اتقوولي هلي حيضايقوو مني عشان اطلقت وحنقعد عاله عليهم بالعكس الحووش ينور بيك وانستينا من جديد
واتونّسي اختك في الحووش
واتسعادوو امكم المريضة
لامار : ربي مايحرمنش منك يا احلى بابا
حنين : شن نبوو نقعدوو انهدرزز وخلاص هيا كووولووو
بات حنين : ماهمك الا بطنك راك تسمني فرحك اقريب
لامار : خليها يابابا بعدين نقعدوو انعانوو ونحن اندوروو في فيلوو علي مقاسها
حنين : بعد خطرها يابابا نبووك بعدين اتشيلنا لشارع دبي وشارع البيبسي نبوو انشووفوو كم محل امتاع ذهب نبوو نحجزوو الدبلة
بات حنين : اعيوووني لكن يا احلى بنات عندي في حياتي
""""""
فاطمة : بطلي حركات اهبال قدام ام فارس
نرمين : ههههه كنك علي طبيعتي قاعدة
فاطمة : لا مرة مرة تسخني اديري في حركات مش وقتهن بكككل
نرمين : لالا متخافش وانتي راكبه تنصحي فيها وخلاص
""""
فارس : خلاص بعدين انروحوو بامي بعدها نمشوو انديروو برمتنا لمحلات الذهب
مازن : لا ماصار شي ,, تغيرت الخطة ,, حنمشوو بعد المغرب المكان معين نشروو منّا وخلاص
فارس : دير رايك عادي
مازن : شن جو الاسلاح اللي جبته من درنة
فارس : قاعد في الحفظ والصوون في السلماني الغربي
مازن : تمام طمنتنا
فارس : لكن عليش في موضوع في راسك
مازن : اقسمت لو صارت حاجة لهلي ولا لحنين
حنحرق الحبس وانهدمه علي ايمن
فارس: مهناك الا كل خير الافندي احمد امعانا
مازن : صدقني وقتها مش هامني لا احمد لا حد
فارس: خليك متريح وما اتفكرش واجد ,, توا فكّر في فرحك بس
مازن : خلينا انقيلووو اشوية ورانا تكسيدة في العشية في السوبر ماركت
""""""
ام مازن قعدت اتهدرز مع ام فارس
ونرمين شافت فارس متصل واتس
بعثتله مسج
نرمين : انحبك ياشين
"""
فارس سمع صوت مسج
فارس : حتى انا انحبك ,, ما اتجشش نحكي امعاك وخووك راقد جنبي
نرمين : تمام اعيوووني
فاطمة كالعادة من قرووب لقروووب
من صفحة لصفحة عالفيس
شافت وحدة من صحباتها
عالفيس
شينة بكككككككل
تمت خطبتها
فاطمة : حي حي حي حي نرمين
نرمين : تي كنك فجعتيني شن فيه
فاطمة : الخنفووسة انخطبت
نرمين : من من قصدك
فاطمة : من غيرها رانيا
نرمين : هههههه عليك احضوووظ
فاطمة : قصدي انا جميلة معقووله مافش حاجة هكي ولا هكي
مافش حتى عريس طايح سعده
حتى معاق راضية بيه
نرمين : هههههه تحكي بس ,, وقت الجد حقتعدي تشرطي
""""""
سهام : عارف يا احمد
احمد : نعم
سهام : معش نبي شي من هالدنيا الا انت
احمد : ربي يخليك ليا يا احلى انثى في حياتي
سهام : حضنك دافي ويهبل
احمد : انتي اللي دافية واتهبلي
سهام : تعودت كل قايلة نرقد في حضنك
احمد : غير خليك ديما هكي تحرمنش منها هالانثى اللي انشووفو فيها ديما
سهام : لا خلاص عرفت نقاط ضعفك
احمد : ههههههه نجك ليا

"""
الساعة 5:00 عصرا
بات حنين : هيا يابنات مش تبن اتعدن
حنين : هيا نلبس عبايتي وخماري وطالعة
لامار : هيا انا واتية نرجى في حنين بس
ركبن مع بات حنين ومشن شوور شارع دبي قبل
""""
مازن وفارس حطوو ام فارس في حووشها
ومشوو يكسدوو في السوبر ماركت في العشية
"""
فاطمة ونرمين كالعادة عشيتهن بين فيس وتلفزيوون
فتحي مذلوول كلب يخدم في بثينة وخلاص
احمد ماشي للكافية يقعد اشوية فيه في العشية
بعدها يشووف باقي مشاويرا
""""
بات حنين : هيا انزلن شووفن المحل هذا ما طولنش
حنين : بابا كنك شلتنا للسلماني الغربي
قلنالك شارع دبي ولا البيبسي
بات حنين : غير شووفن محلات عيت قرقووم قبل
لو ماعندهمش توو نمشوو لشارع دبي
"نزلن للمحل يبن يشوووفن
لامار كانت في قمة الانووثة والجمال
في شباب كانوو يعاكسوو في لامار
شافهم باتها نزل يجري
بات حنين : اوي اوي كنهم تحشموو علي وجووهكم
واحد من المشكلجية : انت اللي طالق بنتك علينا هكي
" للعلم كانت لامار لابسة لبسه عادية مافهش اي شي لكن
لانها قمة في الجمال والانوثة نابشوووها "
بات حنين : احترم نفسك وماتحكش علي بناتي هكي
المشلكجي دف بات حنين طاح علي راسه
بات حنين : اه اه اه
حنين : انتم رجالة علي بابا صح ارجوو دقيقة كنكم رجالة خلووكم
المشكلجي : شن من تبي اتكملي خووك ,, اكيدة خي خواته كيفكن
قاعدين في منطقتنا ومش خايقيين من حد
"""
مازن وهوو فارس قاعدين في السوبر ماركت
يهدرزوو عادي
رن نقاله
مازن : نعم ياحنين خلاص اخترتي دبتلك
حنين : تعال ظروري للسلماني الغربي صفة محلات الذهب
امتاع عيت قرقروم
بابا دار مشكلة تعال ابسرعة
مازن : هيا فارس امعايا للسلماني
مازن وهو يجري شوور السيارة
فارس طلح اسلاح
ومدّة لمازن
مازن حط اسلاح وراء ضهره وركبوو للسيارة ومشوو
بسرعة للسلماني
"""
احمد متكيف وفرحان عشان قعد متريح البال
وقال عالمغرب نمشي شوور حوش هلي
انقوول لامار ان فتحي حيطلقها
رن نقاله
احمد : نعم يالامار توا خطرتي في بالي
لامار : تعال توا في وحدين ظربوو بابا وطاح ع راسه تعال ابسرعة
أحمد طلع ابسرعة من الكافيه
"""
مازن : اجري يافارس اجري اجري زقّبها لاتحترم اشارة لاشي
فارس : تي قاعد نجري حتى انا وسعلي بالك
مازن : تي نحرق بنغازي علي بعضها ونحرق ليبيا ونحرق قارة افريقيا ونحرق العالم كله عشان حنين
فارس : خلاص قريب نووصلووو
مازن طلّع اسلاحه واسحبه وقعد يووتي فيه
وحطّه وراء ضهرة اخرة لاي طارئ
"""
المشلكجي : وينهم اللي رنيتوو عليهم
اصحاب المشكلجي : ياي شكلهم خافووو مش حيجوو
بات حنين راسه يوجع فيه
بات حنين : والله مانكم رجالة ياحثالة المجتمع
المشكجلي قّرب من تلى بات حنين
جا يبي يبي يضربة بووني
حنووريهم لكي من يطلعوو حثالة المجتمع
حنين : لالالا بابا
لامار : ياحيوانات راجل كبير في العمر احترمووو
خلاص البوووني قريب يوصل في
بات حنين
واحد مسك يدّة
المشكلجي : من انت
مازن : انا سيدك العقرب
وضربه بدماغ في نص وجه
واحد جا يبي يضرب مازن بحديدة
حنين : افطن يامااااااااااااازن
خلاص تبي تنزل الحديدة ع راس مازن
مسكها واحد
من انت
انا قوبعة وجيناكم ياحكاكي
وضربة بوووني في نص وجه
جماعة المشكلجي جوو كلهم يبوو يتناصروو علي
مازن وفارس ويضربوووهم
علي خشّت سيارة تجري طرطشتهم اشوية
ونزل منها واحد عطاهم بظهره
احمد : معقوولة اتفووتني مشكلة كيف هذي
قعدوو هما الثلاثة علي ظهوور بعضهم
شكلنا حنستعملوو الخطة الثانية
هما الثلاثة طلعوو اسلاحاتهم
بمجرد ماطلعوو اسلاحتهم
اهربوو جماعة المشكلجي
"""""
قوبعة : ايامك يالعقرب
مازن : جيت في وقتك يا افندي احمد
احمد : كان مالحقتش عليكم راكم تقطعتوو
قوبعة : لكن التحليقة صفر وتحويلة اللحية امتاعتك ماعرفووكش انّك الافندي احمد
حنين جت تجري واخت لامار شووور احمد
احمد : شن جو باتي ,, اكويس حصّل خبطة بسيطة علي راسه
قوبعة : اووووووبّا من البنت هذي اللي امعاهم
حنين : هذينا رايات لامار خاطر عليا قتلك جيب اي دبلة وخلاص يامازن
مازن : خلاص توو نمشي وافتحي نت وانصورلك الدبلة ونبعثها عالنت
احمد : احم احم احم بقرووني انا هنا ولا كيف
فارس : هههههههه
لامار : هههههههههههه
فارس : اوووووبّا عليك ضحكة عليها
بات حنين : بارك الله فيكم جيتوو في وقتكم ربي يحضفكم البعضكم كلكم
احمد : خلاص هيا توو انروح بيكم انا
وفارس تو ايروح بالسيارة امتاع باتي
ومازن شووف انت موضوع الدبلة والمحبس وصورها وابعثها عالنت
مازن : تمام ,, المهم الحمد الله علي سلامتك ياعمي
بات حنين : الله يسلمك
احمد : روّح إبَّاتا وخواتا الاثنين وفارس لحقهم بالسيارة امتاع بات حنين
ومازن يبرم في المحلات ايدور علي دبلة ومحبس لحنين

يتبع ,,,

New Post
New Post
مديرة ستار ديس

تاريخ التسجيل : 24/08/2018
المساهمات : 4133
نقاط التميز : 6472
الجنس : انثى
العمر : 24
الأبراج : الميزان

الرجوع الى أعلى الصفحة اذهب الى الأسفل

رد: رواية بلهجة ليبية بعنوان " مشاعر مطرطشة " للكاتب ديندار الوحيشي "

مُساهمة من طرف New Post الأربعاء سبتمبر 05, 2018 12:27 am


مشاعر_مطرطشة

الموسم الاول

الحلقة 15

احمد : روّح إبَّاتا وخواتا الاثنين وفارس لحقهم بالسيارة امتاع بات حنين
ومازن يبرم في المحلات ايدور علي دبلة ومحبس لحنين
"""""
بثينة : هيا نبيك اتشيلني للشقة اللي كنت امأجرة فيها
انجيب باقي الدبش امتاعي
فتحي : هيا اعيوني اشوية تو نطلع
بثينة : هيا نمشوو قبل ماتقعد ظلام
""""
احمد : الحمد الله علي سلامتك ياباتي
بات حنين : الله يسلمك الحمد الله جيتوو في وقتكم
لامار : صار هذا هو العقرب اللي يبي حنين
حنين : هذا هوووو
لامار : راجل بمعنى الكلمة ,, ربي يتمملكم ع خير
حنين : اللهم امين
لامار : هذا من اللي ورانا راكب سيارة بابا
احمد : هذا صاحب مازن الروح بالرووح
لامار : اها تمام
احمد : بالك انشيلك المسشتفى ياباتي
بات حنين : لا انحس في روحي تمام
احمد : الحمد الله علي كل حال
"""""
فارس يلحق فيهم بسيارة باتهم
فارس : عليك حضك سمح يامازن
عائلة كلهم اطروووف
احضووض ياسي
""""""""
فاطمة كالعادة امكسدة عالفيس
قالت المرة هذي انخش قروبات
امتاعات الزواج والخطوبة
واحد من الاعضاء
امنزل منشوور انّ يدور ع بنت الحلال
وجاد للارتباط
فاطمة بحكم اي بنت علي عفويتها
بعثتله عالخاص
فاطمة : السلام عليكم
علي : وعليكم السلام
فاطمة : القيتك امنزل منشوور
انك ادور ع بنت الحلال
وجاد للارتباط
علي : صح اها
فاطمة : انا جادة للارتباط
""""
مازن شرا دبلة ومحبس بدوون ماياخذ راي حنين فيهن
لان قعد مقتنع ان حنين حيعجبها واجد
"""""
نرمين : وين اليوووم مادورتنش بكككل
فارس : قاعد كنت مع مازن وتوا زرقلي موضوع مع الافندي
وراد بسيارة باته امعاه
نرمين : سيارة باته كيف
فارس : قصة طويلة حنحكيها ليك مرة اخرة
نرمين : تم امتى ماتفضى رن عليا
نبي نسهر امعاك اليووم فووون
فارس : تمام
"""""
علي : من وين انتي
فاطمة : من الوحيشي وانت
علي : من المساكن
فاطمة : تخدم عندك عمل ولا شن وضعك
علي : اعمال حرة وشقتي واتية
فاطمة : ماشاء الله ربي يعاونك
علي : ممكن نحكو اتصال ماسنجر ناخذوو راحتنا عادي
فاطمة : عادي مش مشكلة
""""""
احمد : توا نبي انشيل فارس للوحيشي اهم شي اطمنت عليكم
حنين : ربي مايحرمنش منك
لامار : ربي يخليك لينا
احمد : بعد خطرها لامار
لامار : نعم
احمد : فتحي يبي يطلق عادي ,, بالكثير يومين او ثلاثة حيطلق رسمي
لامار : الحمد الله يارب ,, بارك الله فيك طمنتني
احمد : هيا توا خلووني نمشي
"""""
بثينة : انحبك يا اعيوووني
فتحي : انموووت فيك يابيبي
بثينة : هيا امتى نقعد حلالك مستعجلة
اخيرا حنقعد ع ذمة رااااجل
فتحتي : هانت هانت ,, انطلّق هذي قبل
وبعدها ناخذك انتي
بثينة : انحبك ياحلى بيبي في حياتي
"""
علي : كنك ساكته احكي
فاطمة : مش عارفة شن نحكي
علي : باهي ماقتلش انتي دبة ارقيقة اقصيرة
فاطمة : اكويسة لا دبة لا قصيرة
علي : باهي شن لابسة توا
فاطمة : فكنا منها الدوة هذي
علي : كنك مجرد سؤال بس
فاطمة : بجديات فكنها من الدوة هذي
فاطمة دغري حظراته
فاطمة : انا فاضية معقوولة انصدق
حاجات كيف هكي
يارب سامحني وخلاص

"""""

حنين : نرجى فيك اترن عليا مارنتيتش عليا
مازن : خذيت دبله ومحبس علي ذووقي
وان شاء الله حيعجبنك
حنين : صح بعد بكرة جي تبي تدفع
مازن : خلاص معش فيها
حنين : انحبك موووت
مازن : لكن مضايق وخايف عليكم
حنين : كيف مافهمت
مازن : خايف عليكم وخلاص
حنين : انت داس عليا حاجة ولا شن
مازن : ماداس شي عليك
حنين : متاكد يامازن
مازن : متاكد اها
"""""
فارس : شن جوّنا ياهرجة
نرمين : تمام يامجنووني
فارس : بعد بكرة دفع خووك ,,
نرمين : ومش حنركب الا امعاك انت يا مجنووني
فارس : انحبك موووت
نرمين : وانا انموووت في حبك
فارس : ماقتلش تفتحي في فيس واجد ولا لا
نرمين : اطياح وادمان عليه انمشي بي في وقتي وخلاص
فارس : باهي ممكن تعطيني باسورد امتاعه
نرمين سكتت
فارس : وينك
نرمين : نعطيك عادي كان تبيه
فارس : خلاص نبيه نبي نفتح وانشووفه
نرمين : خلاص بكرة تو نعطيه لكي
فارس : تمام
"""""
روان : بابا جا بابا جا
سهام : انست حبيبي ونورت
احمد : قلنالك معش اتحركي واجد انتي حامل
سهام : لازم انشيل شغل الحووش شن نبي اندير
احمد : حنساعدك حتى انا
سهام : خطرها تبيه ولد ولا بنت
احمد : اللي ايجي من ربي خير وراضي بي
سهام : فرحانة عشان رديت احمد القديم ,,
احمد الحنووون احمد اللي مهتم بيا
وخايف عليا
احمد : انحبك
سهام : بعد فقدت الامل قعدت انقيم في الليل وندعي
ان ربي يباركنا في علاقتنا الزوجية
ويبعد علينا المشاكل
احمد : ان شاء الله المولود الجديد يقعد وجه خير علينا
سهام : اللهم امين
احمد : شن دايرة العشاء بعدك جعااااااان
سهام : هيا اشوية وانجيبه لكي ياحمادي
""""
بثينة : حبيبي ممكن تطلع برة الدار
انحس في روحي مضايقة بكككل
فتحي : كنك زعلتك ولا شن
بثينة : لا بس نبي نرقد ابرووحي انحس في روحي مخنووقة
فتحي : انشيلك المسشتفى
بثينة : لا لا بس انحس في علمي ضايق ومضايقة بس
نبي نقعد ابرووحي
فتحي : حاضر
" خذا افراشة وفرّش في الصالة ورقد
وبثينة سكّرت علي روحها باب الدار "

"""""""

بعد منتصف الليل

نرمين : حبيبي شن جو النت عندك قووي ولا ظعيف
فارس : تو اكويس النت عندي
نرمين : انقوولك شي لكن ماتفهمنش غلط
فارس : شن قوولي
نرمين : نقدر انرن عليك اتصال فيديووو
امرايفة علي شووفتك بس
فارس : عادي شن فيها
رنت نرمين ع اتصال فيديوو واتس اب
وكانت لابسه بدي اقصير وعريان اشوية
ومكيجة مكياج خفيف
فارس : صووتك مش واضح لكن صورتك واضحة
نرمين : امرايفة علي شووفتك يا اعيووني
فارس : شاف جسمها عقله بدا يمشي البعيد ويخطرن علي
افكار شيطانية يبي ايديرهن
لكن كل مايذكر ان مازن
رفيقه يقعد خوووها
يقوول لالا
هذي امانة لازم انحاف عليها
قعد يهدرز امعاها عادي
اتصال فيديووو
وهي اتهدرز وتغري فيه
بجسمه
خطر عليه كيف ماكانت ادير
مع صادق من قبل
"""""
فاطمة زعلانة ومضايقة ومالة
ومش عارفة شن صايرلها
ماله منك كل شي
ومعش تبي شي
ادور علي حاجة ومش عرفتها شن
حتى في صلاتها قصرت فيها للاسف
""""
صباح ثاني يووم

ام مازن : نووض هيا يامازن ,, حنوتيلك الفطووور
فاطمة : هيا نوضي نوضي يانرمين
نرمين : خليني راقدة الحووسه عليك اليوم عليا الغداء بس انا اليوم
فاطمة : حي علي امك كنك لابسة هكي وشن هالمكياج
نرمين : غير فكينا من تكبير الشوورخ
""""
بثينة : هيا نووض يا فتووحي
فتحي : صباح الورد يا اعيووني
بثينة : هيا نووض الفطور واتي
فتحي : من جاب الفطوور
بثينة : انا طلعت وانت راقد جبت الفطور وجيت
فتحي : كيف تطلعي في الصبح بدري
بثينة : غير هيا يابيبي نووض افطر بس
"""""
احمد : افطري اكووويس عشان البيبي اللي في بطنك يا اعيووني
سهام : حسيتك مهتم بالبيبي اللي في بطني اكثر مني راه انغير هكي
احمد : نجك ليا يا عويناتي
"""""""
حنين : مش تمشي امعايا بعدين الكوافيرة
لامار : اكيدة ناسية اني نعرف انسووق ولا شن
حنين : مش عارفة بابا يعطيك السيارة
لامار : انسيتي انا اللي كنت انسووق بيهك لما احمد قعد مشغوول
بعد خذاني فتحي معش قعدت انسووق
لكن توا انا طيرة حرة نبي انعيش حياتي
كيف مانبي
حنين : لا مش ناسية ,, خلاص لو بابا مزال راسه يوجع فيه
حنخليك اتشيليني انتي
""""""
فارس : صباح الخير يالغالي نورت السوبر ماركت
مازن : صباح الورد شن جوك اليووم
فارس : تمام التمام
" اذكر اخته كيف كانت تعرضلة وكيف كان يهدرز امعاها
حس رووحه وكأن خان صاحبه ورفيقة "
مازن : بكرة الدفع راك انت اللي حتشيل هلي
ويحمشوو امعاك اعمامي عارفك اتهني
فارس : كووون هاني يالغالي

""""
نرمين : امس مش عارفة لقيت روحي نحكي فيديو مع فارس
فاطمة : باللبسة هذي قصدك
نرمين : اها
فاطمة : هبلة انتي ولا شن معقولة هذي حاجة اديريها
نرمين : باهي
فاطمة : نرمين افطني بجديات نحكي
نرمين : كنك راك نفختيهن ليا
فاطمة : خايفة عليك اتريحي منك فارس بس
نرمين : حبيبي عادي اندير انا وياه اي حاجة
فاطمة : حتى لو كان حبيبك مش مبرر تعرضيله روحك
نرمين : بالله عليك معش تاخذي دور الناصحة لكن سمطتيها بكل
فاطمة : سمطتها عشان نبي مصلحتك هذا جزائي
ام مازن : كنكن صوتك عالي شن فيه
نرمين : لا مافي شي انهدرزوو بس
فاطمة : مجرد نقاش بس ياماما
""""
اسلام : تم كلها عارفة توا ان في قاتل ماجور حيقتل مازن
توا حتقعد الرقابة علي مازن بس
ايمن : هذا اللي نبيه
اسلام : نفس ماخططت انت ماشي
ايمن : ومش هكي بس ,, نبي اول مايطلع هو وياها ويبي يروح بيها من الصالة القاتل الماجوور يقتل عروسته
اسلام : الله عليك احلى عذاب نفسي
ايمن : مزال ,, توا عروسته بكرة امه وخواته
اسلام : شكلك ناويلة ناوية سودة
ايمن : نفس ما انت حاقد ع الافندي احمد وخاطرك اتعذبة
اسلام : الافندي احمد ابروووحه عندي مع دين
سيووري حناخذه منا
ايمن : توا خلينا نشقوو بموووضووع مازن وبعدها ساهل
اسلام : تم
"""""
فارس : اووووو الافندي احمد نورت
احمد : النوور نورك
مازن : مرحب بالافندي احمد انستنا
احمد : مرحبتين خونا مازن
فارس : نرجى منّك في تليفون معش رنيت في موضوع نسيبك
احمد : لا خلاص تميت الموضوع وكل شي ماشي تمام
فارس : تمام بككل
احمد : ناقصتك حاجة يامازن
مازن : لا جو تمام
احمد : بكرة تبي تدفع ,, قلت انشووف لو ناقصتك حاجة
انشيلوها مع بعض
مازن : يعلم الله انك امصوقر ,, لا كل شي تمام
احمد : نقصاتك اي حاجة ,, رقمي عندك
مازن : اكيدة بدوون ماتحكي يالغالي
احمد : نستاذنووكم , انستوو بعضكم
""""
فتحي مشى العمل عاااادي امتاع
وخلّى بثينة في الشقة ابرووحها
""""
فاطمة : المهم وقضتك انا يانرمين
نرمين : انتي نصحتي ودرتي اللي عليك
وانا مش اصغيرة عارفة روحي شن اندير
وهي اتهدرز مع نرمين
رن نقالها فاطمة
فاطمة : مرحب بالحب
حنين : اووو فطووومتي
فاطمة : شن جوك ياسمووحتي
حنين : تمام فطوومتي
فاطمة : بكرة جيينكم غادي ياشينة
حنين : هذا عليش رانه عليكم ,,
قاللكم بابا مش ناقصكم حاجة
فاطمة : الحمد الله كل شي ماشي تمام
حنين : خلاص اي حاجة بيناتنا تليفوون
فاطمة : تمام سمووحتي
حنين : اليوم ماشية وانا لامار اختي للكوافيرة العشية
فاطمة : ربي يتمللكم علي خير
حنين : اللهم امين
""""""
فاطمة : لامار اخت حنين وحياتها كلها مشاكل مع راجلها
نرمين : اها ,, ربي يفرج عليها
فاطمة : اخر حاجة قالت لي حنين اختها تبي الطلاق ,,
مش عارفه شن صار امعاها
نرمين : مستغربة في حاجة انا
فاطمة : شن
نرمين : البنت يقعد حلم حياتها تزوج ,,
وبعد اتشووف الويل من راجلها
التمنى الطلاق
وتكره فكرة الزواج
وتلقيها مهمته بنفسها اكثر من قبل
واتخلي الزواج اخر اهتمامتها
فاطمة : ربي يفرج علي كل وحدة مطلقة ويسرلها امرها
"""""
فارس : نستاذنك نبي انرووح نتغدى في الحووش
مازن : تم يالغالي لنا لقاء بعد العصر
""""
فتحي روح للشقة يبي يفتح الباب يبي يخش
لقا الباب متغير القفل امتاعه
استغرب
رن عالجرس
فتحت بثينة الباب
بثينة : انست يابيبي
فتحي : من غير قفل المفتاح
بثينة : انا غيرته يا فتووحي ,,
ومن يوم وغادي مفتاح الشقة يقعد عندي انا بس ,,
فتحي : باهي بس ليش ماقتيلي
بثينة : غير هيّا كنك عصبت ,, مش حبك انا يافتووحي
"""""
احمد : ياربي شن هالولية هذي
سهام : كنك ياحبيبي
احمد : مش قتلك معش تبذلي مجهووود عشان البيبي اللي في بطنك
سهام : حاضر حنخفف يا اعيووني ,, غداك واتي
"""""""
فتحي حس روح امبرم ووانفكت منّا كل حاجة
نرمين قعدت جريئة اكثر مع فارس
احمد يفكر في فرح مازن وحنين
فاطمة اتحس روحها رايحة ومش فاهمة شي
حنين فرحانة عشان حتمشي اليوم مع اختها للكوافيرة
وخلاص مزال كم يووم عالفرح
"""
زعمك شن حيصير في فتحي
خلاص خسر كل حاجة
وزعمك فارس حيغير فكرته علي نرمين
وفاطمة لعند امتى تقعد هكي
ومش عارفة راسها من كرعيها
زعمك ينجح ايمن واسلام في قتل حنين

يتبع ,,,,

New Post
New Post
مديرة ستار ديس

تاريخ التسجيل : 24/08/2018
المساهمات : 4133
نقاط التميز : 6472
الجنس : انثى
العمر : 24
الأبراج : الميزان

الرجوع الى أعلى الصفحة اذهب الى الأسفل

رد: رواية بلهجة ليبية بعنوان " مشاعر مطرطشة " للكاتب ديندار الوحيشي "

مُساهمة من طرف New Post الأربعاء سبتمبر 05, 2018 12:27 am


مشاعر_مطرطشة

الموسم الأول

الحلقة 16

بعد مرور يوم

لامار : هيا نووضي لعند توا مزلتي راقدة
حنين : توو انوووض
لامار : هيا مش انضموو الحووش
اليووم دفعك ومزلتي راقدة
حنين : شن نبي اندير مثلا
لامار : مبردك
حنين : خلاص اشوية وانووض
""""
سهام : صباح الخير يا رووحي
احمد : صباح الورد ياا عيووني
سهام : كنك مانوضتني انديرلك فطوور
احمد : لا انتي حامل صحتك اهم ,,
درت فطور ارووحي
سهام : معقولة هكي كان نوضتني عليش هذا كله
احمد قرّب منّها وحط يد علي بطنها
احمد : هذا كله عشان البيبي اللي في بطنك
وعطاها بوووسه خفيفة علي خدها
سهام : انحبك يا اعيووني
احمد : وانحبك يا احلى انثي في حياتي
سهام : امتى جاي تبي اتشيلني الهلك
احمد : قصاد الظهر انجيك
حنتغدوو غادي
سهام : تمام حبيبي
""""
بثينة : حبيبي اليووم متغدية عند حووش هلي باهي
فتحي : باهي عطيني نسخة من المفتاح
بثينة : انلا :: اقعد اليووم ماتطلعش وكان طلعت معناها حترجاني لين انروح عالمغرب
فتحي : خلاص توو نمشي شوور حوش هلي انكسد عندهم وانروح عالعشاء
بثينة : اجك ليا وخلاص ..
فتحي : متاكدة تبي اتعشي عند هلك
بثينة : كيف ماعندكش ثقة فيا يابيبي هذي نهايتها
فتحي : لاعندي ثقة
بثينة قربت منّا وعطاته بووسه علي خدّه
بثينة : انحبك فتووحي
"""
فاطمة : تعالي افطري يانرمين هيا
ام مازن : شووفن مازن كان مزال ماطلع كلموو يفطر
نرمين : اني جايا انلم شعري بس ,, لا ياماما مازن طلع من امبدري
فاطمة : امس انقيص في كم لبسه طلعت ضيقات عليا
طيح سعدي رايحة زايدة ,, والفرح مزال علي اّيام بس
نرمين : انا صقع عليك ,, مزال الدبش ايجي عليا كيف ماهوو
فاطمة : حندير زرقة لشارع 20 مرات نطلعوو بلبسة اكوويسة
ام مازن : اعمامكم جيينكم اليووم ونحنا حنركبوو مع فارس بعدين
نرمين : تمام فهمني مازن كل حاجة
""""
فارس : فيش اتفكر يامازن خلاص فرحك اقريب
مازن : خليني مع نفسي عقلي يمشي وايجيب قاعد
" مازن مزال يذكر كلام صاحبه الدرناوي وخايف علي هله وحنين "
مازن : المهم اليووم جيين اسيادي وانت فاهم شن اندير مش حنوصيك
فارس : كووون هاني
"""""
اسلام : جا امر من النيابة نقله سجن اخر
ايمن : اكيدة يبوو يفصلوونة عن بعضنا
اسلام : حتى لو فصلوونا الخطّة ماشية كيف ماهية
وتنقتل العروس امتاع العقرب
ايمن : بس ليش جا نقلك لحبس اخر
اسلام : حتى انا مستغرب
ايمن : خليك فاطن ممكن فخ ويبووك اطيح
اسلام : حندير احتياطاتي
""""
فاطمة : بس الجوو اللي امس ماعجبنش في الليل
نرمين : سالتك بالله اطلعي من عقلي
فاطمة : معقوولة خشيتي عالجو هذا مع فارس
نرمين : سيووره يقعد حلالي مش شوورك
فاطمة : انا فارس نعذره و لان شاب عنده مشاعر واحساسيس
اكيدة لما بنت تغريه سواء بصوت او جسم
حيذوووب ,, العتب عليك
نرمين : يافاطمة فكيني راك قعدتي ماسكة نفس المووضووع
قلتها لك من قبل وانقوولها اخر
انا مش اصغيرة وعارفة شن اندير
"""""""
الساعة 1:00 الظهر

سهام : لولوولولوولولوي لوولولوولي
لامار : احلى جيا واحلى زغرووته انستينا سهام
سهام : نجك ليا ,, ماشاء الله وجك توا ناير احسن من قبل
لما جيتيني ,,
لامار : غمه وانزاحت
سهام : مش غير صدقتي
حنين : سهووومة سهووومة
سهام : اووو احنوونه ان شاء الله ربي يتمملك ع خير
حنين : امين
"""""""
بثينة : رايفت عليك يا رامي
رامي : انا اكثر ياروووحي
" رامي هذا الحب الحب امتاع بثينة وادير اي شي عشان خاطرة
غير شن تبي يارامي وانا سمعاً وطاعة ونسمع كلامك "
بثينة : معقوولة لكي فترة معش رنيت عليا
لازم انا انجيك للشقة
رامي : ماقتيلي قاعدة مع الكلب امتاعك فتحي
بثينة : قصدك فتووحي
رامي : انقانك الا واطية برمتي الراجل وضحكتي عليه
بثنية : عارف قعد نفس الخاتم في صبعي نفس الكلب امتاعي
اللي نبيها يقووولي حااااضر
اخر حاجة الشقة كتبها باسمي
توا نبيه يطلق البهيمة لامار وياخذني
رامي : تاريتك مش ساهلة اللي تبيه في راسك اتجبيه
بثينة : الا انت قتلك اللي تبيها حاضر لكن اتفشك عليا
لكن الله غالب حبيتك وعشقتك ومانبش حد غيرك
رامي : كيف خلاك اتجيني عندي عادي
بثينة : كذبت عليه قتله ماشية الحوش هلي نتغدى عندهم
رامي : علي اساس عندك هل انتي ياواطية
بثينة : خلاص وانت من امبدري تغلط فيا ساد
رامي : تعالي في حضني امرايف عليك
بثينة : جيتك
"""""
فتحي يهدرز مع روحه
عليش درت هكي انت
معقووله مش قادر اتقول البثينة لا
معقولة قعدت خاتم في يد بثينة
معقوولة قعدت مش قادر اتزعلها
ولا ترفع صووتك عليها
قعدت تسمع في كلامها وخلاص
فجأة خطرت في باله لامار
وجت صوورته في عقله
فتحي : اه اه اه اه اه رااااااااااااسي
"""""""""

الساعة 5:00 العصر

نرمين : هيا ياماما السيارات قعدات برة
ام مازن : هيا طالعات
ركبوو في السيارات ومشووو شوور حووش حنين
""""
بيب بيب بيب بيب
روان : ماما جن السيارات السيارات
سهام : لووولوولولوولوي
لامار : لولوولولووي
"""""
مازن امكسد قدام الحوووش
رن عليه فارس
فارس : كل شي عالبركة يالغالي
مازن : تسلم يا احسن قوبعة
فارس : قاعدين غادي ,, اشوية اخرة امروحين
مازن : تمام نرجي فيك نبيك في موضوع
"""""
حنين : عقبالك يا افطووومة
فاطمة : اللهم امين ,, نفرحوو بنرمين قبل وبعدها ساهل انا
حنين : انعرفكم ع اختي لامار ,, هذينا خوات مازن نرمين وفاطمة
نرمين : مرحبتين لامار
فاطمة : اهلا لامار
لامار : كيف حالك وعقبالكن يارب
نرمين : امين
""""
احمد : عقبالك يافارس
فارس : اللهم امين
احمد : شن جو العريس
فارس : يفكر واجد واتقوول حاس بحاجة حتصير
احمد : الموضوع اللي حكيته لكي خليه سر بيناتنا بس
فارس : اكيدة هذي
احمد : انا حنكلف اشخاص بلباس مدنية
للتدخل لاي طارئ لو صارت حاجة
فارس : بدن يطلعن الصبايا من حووشكم بيناتنا تليفونات
"""""

الساعة 8:00 مساءا

بثينة روحت للشقة
رنت علي فتحي
فتحي : نعم
بثينة : وينك فتووحي جعانة وين قاعد انت
فتحي : قاعد برة
بثينة : خلاص جيبلي اي حاجة من المطعم جعانة موووت
فتحي : حاضر
""""
""
نرمين : حي علي امها شفتي اللي اسماها لامار
فاطمة : شفتها
نرمين : عليك شخصية عليك هيبة عليك ولية ماشاء الله عليها
اول مرة انشووف السماحة ممزوجه بالكبرياء
فاطمة : انقانها ماشاء الله عليها اتهبل
""""""
فارس : قتلي تبيني شن
مازن : نبيك اتجيبلي اصغر اسلاح بلجيكي
نبي انخش بي للقاعة يووم الزفة
فارس : كنك هبل انت
مازن : كني
فارس : في حد يمشي يووم زفته تحت اسلاح
مازن : فيه انا
فارس : تي قلنالك كوون هاني حتمشي ليلة علي خير
مازن : ياااااارب
"""""
احمد : ياريت ديما تقعد عندنا مناسبات عشان انشوفك طرف
سهام : هابا عليك انت ,, مش كنت من قبل سمحة في عينك
احمد : قصدي كل يووم بعد يووم تسمحي اكثر
سهام : عشان انت حبيبي بس
احمد : انحبك موووت
روان : ماما جعانة
سهام : هيا تو انصبي اديرلك حاجة تكيلها
احمد : ابدا مش حتصبي حنصبي انا انديرلها
احمد : نجّه ليا الفزاع
""""
بثينة سمعت الباب يدق
بثينة : انست يابيبي
وحضنته وعطاته بووسة علي خده
فتحي : نجك ليا
بثينة : كنك مش علي بعضك رايح
فتحي : لا جوو تمام مادوري شي
بثينة : حضناته بالقوووة
لكن فتحي مابش ادير اي ردت فعل
وكأن ضمير فتحي ناض من نوووومه
""""""
حنين اتصلت بمازن بعد العشاء
حنين : اليوم كان جووو سمح بكل
مازن : الحمد الله الذي بنعمته تتم الصالحات
حنين : ونعمة بالله صدقت يا اعيووني
مازن : سبحان الله كيف كنت وكيف قعدت
حنين : كيف
مازن : قصدي من تاجر مخدرات لعابد زاهد
حنين : ذالك فضل الله
مازن : مهما صار مستحيل نستغنى عنك
حنين : كنك تحكي هكي
مازن : لو حد جا شوورك حنحرقه هو وهله
حنين : يامازن حرام عليك شن هالدووة
كنك اتنكد عليّا
مازن : لو متت اعرفي راني انحبك موووت
حين : راه انسكر الخط عليك
مازن : خلاص نحكي عادي كنك
"""""""
نرمين : كنك اطول في الرد لما انرن عليك
فارس : غير كنت انهدرز مع امي
نرمين : اليوم كنت انراقب فيك انشووف فيك اتبحت هكي ولا هكي
طلعت شطووور
فارس : واحد يشووف البضاعة اللي عنده
اكيدة مش حيبحت في غيره
نرمين : بضاعة في عينك
" نرمين كانت كل ليلة اترن علي مازن فيديوو وتعرضله في جسمه وطوورت علاقتهم فيديوو وخشوو علي كلام +18 باسم الحب والعشق "
فارس : شن فاضية توا
نرمين : اكيدة فضيتلك
فارس : خلاص حنرن عليك فيديووو انديروو جونا
نرمين : هيا رن يا اعيوووني
""""""
فاطمة كالعادة امكسدة عالقروووب
واتشووف وتقرا في الروايات وخلاص كل ليلة
وضربها الملل
مشتها كلها اتعلق
حلقة رائعة
مبدعة
تم
وهكذا يمضي الروتين الليلي مع فاطمة
"""""
بثينة راقدة في حضن فتحي
بثينة : كنا فتووحي فيش يفكر
فتحي : ترا خليني نرقد
حولها من حضنه وعطاها بضهره ورقد
"""""
سهام : ها انجي ولا مازل
روان : لا مزال قالك بابا ما تخشش للصالة خليك في الدار
سهام : ها انجي ولا مازل
احمد : تعالي
خشت سهام للصالة لقت عشاء رومنسي شريه من المطعم
وداير اجواء رومانسية وشمووع ورد حمر
وامولع اغنية بحبك مش حقول ثاني لوائل جسار
سهام تحشمت بككل وانحرجت
ماعمرها توقعت احمد ادير هكي امعاها
""""

بعد مرور كم يوووم

قعد احمد مع سهام عايش احلى اجواء رومنسية
نفس الوقت احمد يرجى في يووم الزفة
فارس ونرمين قعدوو يعصوو في الله باسم الحب
كلام +18 وصور ومكالمات فيديوو
فاطمة زعلانه علي اختها لانها خلت فارس
يخش عالجو هذا
وفاطمة عارفة شن نهاية الجوو هذا
مازن وحنينن يهدرزو كل ليلة ينسقوو في اموور الفرح
لامار مرة مرة تذكر فتحي اتحاول تنسى واطلّعه من راسها
وترجي في ورقة الطلاق معش جت
احمد قاللها غير يمشي فرح اختك
حنمشيله اخرة فتحي وانشووف وضعه
بثينة بدت اتخاف
لان فتحي بدا يفكر واجد
ومزال ماطلقش لامار
قعدوو هكي علي نفس الرووتين اكثر من يووم
"""""
لامار : اليوم زفتك يا اعيووووني
حنين : خايفة بككل
لامار : بداية اتخافي وبعدها خلاص
حنين : ان شاء الله خير
"""""
فارس : الليلة ليتك ياغالينا
مازن : عقبالك يااااارب
""""
فاطمة : شن يانرمين اللبسة اكويسة ولا لا
نرمين : اتهبل بكككل
فاطمة : نبي نرقص في الصالة لين اطيح سعدي بالك نطلعوو بعريس
نرمين : مقدمك ههههههههه
فاطمة : مافهش خلاص
"""""
ايمن : اليوووم حتمووت عرووستك يا العقرب القاتل الماجوور يرجى فيك
ياريتك قاعد يا اسلام امعايا عشنا انا وياك الانتصار
"""
"""
لامار : لولوولولولوولووي
سهام : لولوولولوولولوي
جن السيارات وشالن حنين للصاله
خشت قبل مازن للصالة
وكانت خايفة
اذكرت كلام مازن اللي مرة مرة يقوول فيه
خايفة ومش عارفة عليش خايفة
خشت قعمزت عالكووشة
والناس كلها فرحانة ومبسوووطة
والقاتل الماجوور قاعد برة
يرجى لما يطلع مازن وحنين من الصالة
ويقتل حنين
واحمد كان امكثر الشرطة
بدبش مدني واجد عالصالة
وكانهم من اهل الفرح
فارس هو اللي يسووق بمازن
بيب بيب بيب
اصحاب مازن كلهم يرجوو في الصالة
بمجرد ماقربت السيارة اللي فيها مازن
العاب نارية معش وقفن بكل
نزل مازن من السيارة
سلم علي احبابه واصحابه قبل مايخش للصالة
خش مازن
كان راجل ملتحي النوور الهداية باين علي وجه
يمشي خطوة خطووة شور الكووشة
حنين شفاته من بعيد تريحت وقعد تبكي
قرّب منها مازن
مازن : بطلي ابكاء هذا احسن يووم في حياتنا
حنين : كنت خايفة ما اتجشش
مازن : قتلك نقعد مش راجل لو ماخذيتكش
حنين : باهي انحبك
مازن : وانا انمووت فيك
حنين مسكت يدّه وقعدو يهدرزوو في الكووشة
فاطمة ونرمين عايشات اللحظة في الصالة
لامار لما شافت اختها عالكووشة
اذكرت ايامها وهي مع فتحي
وكيف كانت احلى ليلة في حياتهم
تنكدت اشوية بدت تدمع عينها
مسحت دمعتها وقالت لنفسها
شدي حيلك فترة واتزوول
الناس فرحانة ام مازن تبكي بالفرحة اخيرا
شفتك عريس ياماااازن
هكي حنقوول انا متريحة في حياتي
"""
مازن مازال يهدرز ويغير في جو حنين
في الكوشة يبيها تطلع من جو التوتر اللي قاعده فيه
مازن : شكلي اسرعت لما ازوجت
حنين : عليش
مازن : متاكدة في الصالة انا
حنين : اها
مازن : نحساب روحي في الجنة امعبية حوور عين
حنين : راه انصبي
مازن : اتصبي وين تمشي مثلا
حنين : لا انصقّم تقعميزتي بس
مازن : ههههه انحبك
""""
اصحاب الافندي احمد يرجوو برة في اي لحضة للتدخل
"""""
سهام : من هذي اللي ترقص في الصالة
لامار : هذي اخت العريس
سهام : شن اسماها
لامار : تقريبا فاطمة
سهام : اها تمام
"""
خلاص مازن وحنين يبوو يطلعووو من الصالة
يمشوو مع بعض بشواش
شوور باب الصالة
يمشوو وحدة وحدة
خلاص طلعوو من الصالة
ماشيين للسيارة
القاتل الماجووور
طلع اسلاحه وصوّب علي حنين
خلاص يبي يطلق الطلقة
جاء واحد من وراء
وحط اسلاح في ظهره
اسلام : خليك متعاون امعانا راه المكان محاصر بالكامل
"""
الافندي احمد لما انحبس اسلام
زعل واجد وكان اسلام يعنيله حاجات واجد
بحكم انّ كان ذراعة اليمين
""
قبل بضعة ايّام

الشرطي : عندك زيارة سجين اسلام
طلع اسلام لقاء الافندي احمد
اسلام : بعد اللي درته لكي مزال ادور فيّا
احمد : انت كنت ذارعي اليمين ومستحيل نعطي فيك
اسلام : انقاني عشان افلووس وسخ دنيا بعتك وبعت القضية
لكن يعلم الله اني نادم ومستعد اندير اي حاجة
احمد : خلاص عندك فرصة انّك اتبرر موقفك واتبيّلي صدق
نيتك ,, نبيك اتقوولي اخر اخبار ايمن اول باول
اسلام : تم يافندي احمد
احمد : راك تعطي فيا وتغدر بيا
اسلام : روحي افداك
احمد : هيا سلام
ايمن : من كان جايك زيارة
اسلام : خالي يشووف فيا لو نقصتني حاجة

""
وقعد احمد يقابل في اسلام اكثر من مرة
ويعطي في كل حاجة من ايمن
وقاله حتى من اللي يبي يقتل حنين
"""
تذكروو لما احمد كلّم فارس قاله نبيك
في مووضع
حكالى موضوع نسيبة
وبعدها حكى مووضوع اخر امعاه
احمد : راني متعاون مع اسلام في الحبس ويعطي فيا اول باول
فارس : مرات يغدر بينا بس
احمد : لا المرة هذي يبي يكفّر عن ذنبه
فارس : تمام
وقعد بيناتهم الوووو
"""""
احمد : الفرح مزال علي ايام قليلة لازم تطلع من الحبس
اسلام : وشن حنقوول الايمن
احمد : قوله ان جا قرار بنقلك لسجن اخر ,,
لانك انت الوحيد اللي تعرف القاتل الماجور لازم تطلع
اسلام : حاضر يا افندي احمد
احمد : اثبتلي انك مزلت وفيِّ للشرطة وللوطن
اسلام : حنثبتلك يا افندي
"""""

الآن

القاتل الماجور : من انت
اسلام : مش لازم تعرف انا من وخلي راسك قدام وماتبحتش وراك
,, هيا وخّر بشواش امعايا
احسن من جيّفك خليك متعاون امعايا خيرلك
"""""
وركبوو في سيارة مدنية وشالووو
اسلام مشى شور الافندي احمد
اسلام : تم العملية بنجاح افندي احمد
خلاص حنين ومازن يبوو يركبوو في السيارة
الافندي احمد دار اشارة لجماعته
كلهم بدوو يفرغووو بسلاحهم فووووووق
مازن بحت في الافندي احمد وشاف جنبه اسلام
ابتسم وعرف ان في موضوع داروو من وراء ونجح
حنين : مش قتلك مانبش رصاص
مازن : هذا خوووك مش انا
وطلع اسلاحه مازن من وراء ظهره وقعد يفرغ فوووق
حنين قعدت في حضنه
وركبوو في السيارة وشالهم فارس للفندق

يتبع ,,,

New Post
New Post
مديرة ستار ديس

تاريخ التسجيل : 24/08/2018
المساهمات : 4133
نقاط التميز : 6472
الجنس : انثى
العمر : 24
الأبراج : الميزان

الرجوع الى أعلى الصفحة اذهب الى الأسفل

رد: رواية بلهجة ليبية بعنوان " مشاعر مطرطشة " للكاتب ديندار الوحيشي "

مُساهمة من طرف New Post الأربعاء سبتمبر 05, 2018 12:29 am


مشاعر_مطرطشة

الموسم الأول

الحلقة 17

خلاص حنين ومازن يبوو يركبوو في السيارة
الافندي احمد دار اشارة لجماعته
كلهم بدوو يفرغووو بسلاحهم فووووووق
مازن بحت في الافندي احمد وشاف جنبه اسلام
ابتسم وعرف ان في موضوع داروو من وراء ونجح
حنين : مش قتلك مانبش رصاص
مازن : هذا خوووك مش انا
وطلع اسلاحه مازن من وراء ظهره وقعد يفرغ فوووق
حنين قعدت في حضنه
وركبوو في السيارة وشالهم فارس للفندق
"""""
فاطمة : لولوولوولي عقابلك يانرمين
نرمين : عقبالك حتى انتي
جن سيارات هل مازن وبدو اروّحوو بصبياهم
وجن سيارات هل حنين بدو اروّحوو بصياهم
"""
احمد : تقدر توا تمشي يا اسلام انت والجماعة
"""""
فارس ولّع اغاني في السيارة
مازن : اغاني فكنا منهن عارف انت اللي واخذها
حنين : لا عادي جت علي فرحة ليلة خليه
حنين ترعش وخايفة حتى مازن عرف هكي
ماسكة يده وترعش وخاااايفة بككل
""""
احمد : هيا اطلعي نرجى قاعد برة
سهام : هيا طالعة غير شايلة روان راقدة في الصالة
احمد نزل من السيارة ومسك روان من سهام
ورقدها من لاورا
سهام : فرح كان يهبّل بككل ويجنن
لكن خفنا من الرصاص اللي معش وقفّ
احمد : تي غير حولي الخمار واحكي في السيارة امعايا
حولت الخمار سهااااااااام
احمد : شن هالسماحة ,, يانعليا وخلاص
انا معش فهمت حاجة
ولا السماحة ماتطلعش في المناسبات
سهام : انت بس رايح امكبّد عليّا واجد
احمد : تي هيا غير انروّحوو
حنوريك رايح امكبد ولا لا
سهام : نجك ليا وخلاص
""""
وصل فارس للفندق
نزل مازن ونزلت حنين
وقعد ماسك يدها وركبوو درجة درجة للفندق
وخشوو للغرفة معا بعضهم
حنين كانت متوترة
مازن خلاها اتريح اشوية
مابش يكثّر عليها دُوّة
خش للمطبخ جبلها طاسة عصير
""""
فاطمة : كرعية طااااااحن اليوووم
نرمين : عليك جووو سمح كااااااان
ام مازن : انشغل بالي بالسلاح اللي برة خفت
صايرة مشكلة برة
فاطمة : لا فرحانين بزفة مازن وحنين بس
ام مازن : يارب ادّووومن الافراح
نرمين : اللهم امين
فاطمة : تي كرعية ياماما طايحات نبي انمد طووولي
نرمين : ومدي طوولك من ماسكك
"""""
مازن : هاكي طاسة العصير ريحي اعصابك اشوية
حنين اتبحت لووطة ومش قادرة اتبحت في وجه مازن
حنين : بارك الله فيك
مازن خذا منها الطاسة وحطّها عالطاولة
رفّع الطرحه اللي لبستها
شاف ملائكة رحمة قدّامة
شاف انثى في قمة الجمال والحياء
مازن : ماشاء الله لاقوة الا بالله
حنين متحشمة بكككل من مازن
مازن : كنك اتبحتي لوووطة
وين حنين اللي هرجتها واجد
حنين : ماكني شي
مسك وجها وخلاها اتبحت فيه
وعطاها مازن بووسه علي جبهتها خفيفة
وحط يدّه علي راسها وقال في سرّه بدون ماتسمعه
اللهم إني أسألك من خيرها وخير ما جبلتها عليه،
وأعوذ بك من شرها وشر ما جبلتها عليه
وصلوو ركتعين مع بعض
"""""
سهام : حطيت روان في دارها وجيتك
احمد : الحمد الله الفرح مشى علي خير كنت خايف اتصير شي حاجة
سهام : كيف اتصير شي حاجة
احمد : ماتشغلش بالك غير هيا تعالي في حضني
سهام : جيتك ياعمري
"""""
نرمين : عقبالنا يارووحي
فارس : امين يارب
نرمين : هيا نبدوو انديرو جونا
فارس : هيا
نرمين : المرة هذي لبستلك لبسة اتجنن بكككل
فارس : نعليا منك وخلاص
""""
صباح ثاني يوووم

مازن ناض الصبح مالقش حنين عالسرير
اشوية هكي لقاها خاشة عليه بالفطوووور
مازن : كنك نايضة بدري
حنين : شي حبيبي لكن هكي طبعي
مازن : تعبتيني امس وانتي خايفة ومتوترة عليك حصلة كنتي امس
حنين : ههههه خلاص اس ساد فضايح
اهم شي عدت احسن ليلة في حياتنا
مازن : انقانها احسن ليلة في حياتنا
حنين : هيا نووض افطر ياحبيبي
"""""
سهام ناضت الصبح لقت كالعادة احمد
نايض وفاطر وماشي
مايبش ينوضها عشان مايبش يتعبها لانها حامل
:::::
فتحي : صباح الخير يا روحي
بثينة : صباح الورد اعويناتي ,, كنك امس كنت مضايق
ومابتيش تحكي امعايا واجد
فتحي : لا شي جوي تمام توا
,,بثينة : هيا اشوية وانحطلك الفطور
فتحي : عندي ماشية لعند البيضاء اليوم
مرات انطول وامروح في الليل متاخر
بثينة : كنك شن عندك ,,
فتحي : نبي ننهي بعض الاوراق بس
بثينة : دير بالك علي روحك اعيووني
فتحي : حاضر
"""""
ام مازن : هيا نووضن ابدن ضمّن حووسة الحووش
فاطمة : هيا نايضات
نرمين : سلّم بنات العيلة قَيْمات بالواجب
فاطمة : هابا قالك بنات العيلة خليها ساكتة خير
نرمين : كنهن حرام عليك
فاطمة : مشّنها قرمة وخلاص وكل وحدة اموزّعة الردارد امتاعها
ادور في عروس لي ولدها يا لي خووها
نرمين : لازم منَّ الردار هذا هههههههه
"""""
لامار : هيا بابا الفطوور واتي تعالي افطر
بات حنين : سبحان الله اختك ازوجت ربّي دزّك لنا
لامار : الحمد الله علي كل حال
بات حنين : امك مريضة ومتحركش
قعدت انفكر من يشيل
هم امك وهم الحووش بعد تزوج حنين
لامار : انا قاعدة يابابا
"""""
بثينة : الووو رامي
رامي : نعم كنك رانّه عالصبح
بثينة : اليووم فتحي امسافر للبيضاء وامطول
رامي : يعني شن المطلوب مني توا
بثينة : تعال تغدا عندي
حنديرلك احلى غداء يا اعيووني
رامي : تم جايك جايك
""""
فارس قاعد في السوبر ماركت
فارس : اول يووم بلا مازن
الجوو شين بكككل
يعلم الله انّ هو نوارة المحل
""""""""
حنين : من جدك انت شايل اسلاح امعاك يوم الزفة
مازن : انسيتي اني العقرب
حنين : المهم عشان خاطري نبيك معش اتشيله السلاح
واتفكنا من المشاكل نبوو نرتاحوو مع بعض
مازن : حاضر يا اعيوووني
حنين : انت تضحك امس وجوك رايق وانا ميته من الخووف
مازن: انتي مشتيها كلها ساكتة واتبحتي لووطة
قبل نبي نمشي انبات في غرفة اخرة وانسيبك ابروحي
حنين : في عينك هههههه
""""

الساعة 1:00 الظهر

فتحي في طريقة ماشي للبيضاء
دووبك كيف طالع وصل
لعند دريانة اذكّر
نسى ورقة مهمة ايجيبها امعاه
قال حنرد وخلاص للشقة
عشان ناخذها
""""
بثينة : عرفتك حتجي انحبك
رامي : نقدرش انزعلك يارووحي
بثينة : هيا اشوية بس قريب يوتى الغداء
رامي : صار قتيلي امسافر السطل امتاعك
بثينة : امسافر اها ومش امروح الا الليل متاخر
رامي : تمام ناخذ راحتي بعدك امرايف علي جسمك واجد
بثينة : وجسمي كلّه ليك
"""""
فاطمة امكسدة عالنت
وكل اشوية اتخش علي طلبات المراسلة
مافش اي جديد
تبي حتى واحد املخبط
وداز رسالة بالغلط
خشت لقرووب الروايات تبي اتشووف
حلقة جديدة من #مشاعر_مطرطشة
لقت صاحب الرواية #ديندار امنزل منشور علي صفحته
الشخصية انّ معش يبي ينشر الا خمسة ايام
ويومين راحه له
عشان اعيووونه يوجعن فيه
فاطمة : عليك دلع زايد
ماناقص الا ادير دعايات بين مشاهد الحلقة
"""""
حنين تحكي مع روحها
" كني متحشمة ومش قادرة نحكي شي
امعا ولا اندير شي
هيا حركي رووحك وانشطي ياحنووو
انتي كنتي حديري المستحيل عشان ياخذك
توا اتحشمي منا وخايفة وساكته "
""""
سهام :الو وينك كنك طولت الغداء واتي
احمد : اليوم مش حنقدر انجي بدري حنتاخر
سهام : كنك عليش
احمد : عندي اشوية موضوع نبي ننهين مع اسلام في المكتب
سهام : تمام حبيبي دير بالك ع روحك
""""
بثينة : بس عارف يارامي رايح متغير فتحي
رامي : يربح انتي خوذي حاجتك وبعدها فووتيه
بثينة : لكن لعند توا مزال ماطلقش لامار
رامي : في الحالتين طلعتي بشقة باسمه انتي
بثينة : صح لكن مانبش نخسره
مش حنلقى واحد نفسه يحبني مووت
رامي : كيف صار مش كنتي تستغلي فيه
بثينة : كنت نستغلى فيه صح لكن
هوو يستاهل كل خير
مافش راجل ادير الحاجات اللي دارهن ليا
رامي : هههه لو مانعرفك انقوول صدقتك
بثينة : ههههههههههه
رامي : ممثلة كلا انتي قريب بكيت
بثينة : ههههههههههه
"""""""""
احمد : صار ايمن مزال يلعب عالمكشووف
اسلام : ايمن مش حتريح لين ينتقم من مازن
انت مش امدورك واجد
لكن راقيله من خيانة مازن
مش حتريح لين يقتله
احمد : حنخليهم يحولوو لسجن قرنادة
اسلام : لا خليه في سجن الكويفية خير
احمد : ليش
اسلام : سجن قرنادة امشرق وعنده معارف واجد
مرات يهربوو في نص الطريق
احمد : تمام ,, حنكثروو الحراسات عالحبس
اسلام : كلمني فارس قالي انا وجماعتي امعاكم
لو في اي حاجة حنخش امعاكم
احمد : فارس ايفيدنا في المهمات الخاصة
اسلام : تمام زواج العقرب بإختك ضَمَنّا اكبر حليف في بنغازي
احمد : فعلا في صالحنا واجد مازن
لمطاردت العصابات المسلحة
وتجار المخدارات
""""""
مازن: اسف طولت عليك
حنين : وين مشيت
مازن : مشيت صليت الظهر وجيتك ,, في جامع جنب الفندق
حنين : فرحانة عشان قعدت هكي ,
مازن : ربي يخليك ليا
حنين : ويخليك ليا ياحبيبي
مازن : بعد خطرها تعرفي ترقصي
حنين : هههههههههه
مازن : كنك تضحي
حنين : شي
مازن : باهي تعرفي ترقصي ولا لا
حنين : نعرف اها
مازن : اشوية بس انولع اغاني وارقصي هيا وريني
حنين : كنك سامط ههههههه نتحشم
مازن : مراتي واتحشمي مني
حنين : ماهذي المشكلة لو كنت براني راه عادي
مازن : هههههههههههم
حنين : هههههههههههه
مازن ولّع اغاني
مازن : هيا ارقصي
حنين : حرام الاغاني
مازن : راه انزقّبك من البلكووني هيا صبّي ارقصي
حنين حزمّت روحها وقعدت ترقص
مازن : حي الشيخة تعرف ترقص
حنين : راه انقعمز بطل سماطة
وعاشوو اللحظة ضحك ورومانسية وجو كان سمح

"""""""""
ايمن : صار اسلام طلع جاسوس لاحمد
انتم تلعبوو مع اللي اكبر منكم
لكن حتشووفو مش حنطول في الحبس
حنطلع حنطلع من الحبس
وحتعرفو ايمن علي حقيقته
""""""""
فتحي وصل للعمارة ركب يبي ياخذ الورقة
ركب درجة درجة درجة
وهو راكب شاف باب الشقة امتاعه انفتح
قعد كارس تحت ادرووج
شاف راجل براني طالع من شقته
وشاف بثينة عالباب لابسة رووب نووم
بثينة : خلاص حبيبي ماطولش نرجى فيك
ونزل الراجل
وفتحي يراقب فيه
طلع من العمارة رامي
طلع وراه فتحي
ركب سيارته رامي
لحقه فتحي بسيارته
رامي مايعرفش شكل فتحي كيف
هذا عليش ماركزش واجد
:::::::
فارس امكسد عالتلفزيوون في السوبر ماركت ويقلّب في القنوات
وهوو يقلب جت بالحظ علي قناة السعودية قرءان الكريم
وكان التلاوة بصوت الشيخ ماهر المعيقلي
هو جا يبّي يغّير القناة من هنا
" اقْتَرَبَ لِلنَّاسِ حِسَابُهُمْ وَهُمْ فِي غَفْلَةٍ مُعْرِضُونَ "
اول ماسمع الاية
وكأن صاعقة نزلت علي قلبة
اذكر لما مازن قالّه
مش حنلقى راجل كيفك يخاف علي اختي
انت الوحيد اللي امأمن هلي عليهم
فارس: عزق الريمووت امتاع التلفزيون اللي في يده في الساس
وقعد يحكي مع روحه
" كيف خنت الامانة يافارس كيف بعت صاحبك
معقولة يافارس يقوولك مش حنلقى راجل نفسك
يحمي اختي وانت اتلبز مع اخته
معقوولة درت هكي انا
كني ضعفت
توضأ وصلّى ركعتين لله
يستغفر الله ويعلن الندم
والتوبة عن الذنب
وهوو يصلّي
رن نقاله واجد سكن رنات
""""""
فاطمة : شفتي يووم الصالة هل فريحة
نرمين : اشوية انرن علي فارس مايردش بككل مش عارف كنّا
فاطمة : مرات مشغول مش فاضي
نرمين : ممكن
فاطمة : شفتيهم ولا لا
نرمين : اها شفتهم قعدوو يحطوو في الموز والفواكه والموالح في شطنتهن
فاطمة : المشكلة الناس اتبحت فيهم في القاعة
وهنّا مش امعدلات
فاطمة : هذينا لازم كل صالة يخشلّها
ينضفنها تنظيف ويروحن بيه للحووش
فاطمة : مقوى عزمهن
"""""
رامي وصل لشقته وخش فيها
فتحي عنده مووس في السيارة
خذا وحطّه من وراء
وركب للشقة دق عالباب
رامي : نعم من
فتحي : اهلا انا نبي نسكن جاركم جديد في العمارة
ممكن انهدرزو امعاك اشوية نسالو
عالجيران والمنطقة
رامي : تفضل عادي
فتح الباب رامي خش
وقعد ماشي قدام رامي
فتحي طلّع موسه
وضربه بي علي ظهره
رامي : اه اه كنك انت
فتحي ظرب الضرة الثانية علي ظهرة
رامي : اه اه اه
طاح رامي علي بطنة
فتحي قعد يضرب في ضهرة
ضربات واجد
الدم قعد مطرطش في المكان كلّه
حتى دبش فتحي تلبز بالدم
رامي قعد يتنفس في اخر انفاسه
خلاص رووحه تبي تطلع
فتحي برَمه وخلّا راقد علي ظهر ة
رامي مش قادر يحكي
ويحكي بشواش
رامي : جا يبي يقووول
اشهد انّ لا
فتحي : والله مانك قايلها الشهادة يافاسد
حرام فيك المووت عالشهادة
وعطاه اخر ضربة علي قلبة
فتحي : مووووووت ياكلب
رامي : آآآآه ,,
وخرجت الرووح منّا
فتحي سكّر باب الشقة
وخش غيّر ملابسه كلّهن اللي تلبزن دم
ولبس لبسة عادية من ملابس رامي
وطلع من الشقة
ماشي شوور بثينة
""""""
حنين : هههههههههه خلاص بطني من الضحك
مازن : اسمعي هذي بس
حنين : ها شن سمعنا
مازن : قالك مرة وحدة لابسة خمار ومتلزمة
طلعت ترقص احسن حتّى من الرقاصات المحترفات
حنين : بديت تسّمط انت
مازن حضنها عطاها بووسه علي جبينها
مازن : انحبك انا
حنين : حضنك يهبل حبيبي
مازن : يهبل بس
حنين : حبيبي ترا جيبلي طاسة العصير هذي اللي جنبك
مازن : هاكي
حنّين كّبت العصير علي راسه ودفّاته طاح وقعدت تجري
وهو يجري وراها عايشيين جوهم عالاخر
"""""
لامار : زعمك شن داير يافتحي توا
مع انّك ضلمتني وضرّيتني
لكن مرة مرة انحن عليك
هيا طلقني وريحني من عذاب التفكير فيك
""""""
نرمين : انرن عليك كنك ما اتردش عليا
فارس : راك سكنتي ها كنك ماعرفتيني في العمل
نرمين : كنك تحكي امعايا هكي انت
فارس : مش عاجبك اقلبي وجك مش فاضيلك انا توا قاعد في العمل
نرمين : خلاص هيا سلام العتب عليا دوّرتك
فارس : سلام
""""""""
فتحي يجري بالسيارة شوور بثينة
والغضب مسيطر عليه
وكأن اصبح مجنووون
وكأن اصبح عاشق للدم
قعد يذكر كيف كان يضرب في لامار
وكيف انضحك عليه
وكيف بِرْمَاته بثينة
وقعد لعبة في يدها
وصل للشقة
قعد يخبط عالباب
بثينة : هيا هيا جايا يارامي
فتحت الباب
بثينة : من فتحي
وجها قعد اصفر وخااااافت بككل
فتحي كان مبتسم بكككل
فتحي : اهلين بثينة
بثينة : اهلا حبيبي كنك روحت بسرعة
فتحي : نسيت ورقة جاي نبي ناخذها
بثينة : اها تمام
فتحي : ماشاء الله كنك امكيجه مكياج كامل ولابسة رووبك
بثينة : لا شي يابيبي كساد قلت انكسد علي روحي
فتحي : من يطلع رامي ,, قلتي جايا جايا يارامي
بثينة : هذا ولد خالتي ,, دازْته خالتي ايجيبلي امانة ليا
فتحي : وشن ولد خالتك تبي تطلعيله هكي مثلا
بثينة : كنك درت موضوع ياحبيبي ,,
فتحي : لا جو تمام اعيووني
قرّب منها فتحي ولصق فيها
هي قعدت اتوخر اتوخر لين
خبطت في الساس اللي وراها
وهو لصق فيا
فتحي : امرايف عليك واجد واجد
بثينة : حتى انا امرايفة عليك واجد
فتحي عطاها بووسه علي رقبتها
بثينة تريحت وارتخن اعصابها
فتحي طلع الموووس
وضربها في بطنها
بثينة : اه اه بيبي كنك ضربتني بالمووس
قعد يبووس فيها في رقبتها
ويضرب في بطنها
كل بووسه عالرقبة
امعاها ضربة موووس عالبطن
لين لفظت اخر انفاسها
بمجرد ما وَخَّر منّها فتحي
طاحت عالارض
غسل مووسه بالمية وخدا امعاه
وخش بكل بروودة اعصاب للحمام
ودار شاور وغير ملابسه
ولم ملابسه كلّهن
وخذا اوراقه الرسميات
وجوازه السفر
وطلع من الشقة
"""
سهام : معش اديرها واطول ياحبيبي
ما انحبش ناكل الا انت وجنبي
احمد : حاضر ياروحي لكن الشغل كاثر هالايام بس
سهام : حتى البيبي اللي في بطني انشغل عليك
احمد : تي نجك ليا انتي والبيبي اللي في بطنك
وهما يتفجر عالتلفزيوون احمد وسهام
جا عاجل عالقنوات الليبية
" اشتباكات عنيفة بالاسلحة الثقيلة عند سجن الكويفية "
احمد : كيف صار شكلهم يبّوو يهرّبوو ايمن

يتبع ,,,,,

New Post
New Post
مديرة ستار ديس

تاريخ التسجيل : 24/08/2018
المساهمات : 4133
نقاط التميز : 6472
الجنس : انثى
العمر : 24
الأبراج : الميزان

الرجوع الى أعلى الصفحة اذهب الى الأسفل

رد: رواية بلهجة ليبية بعنوان " مشاعر مطرطشة " للكاتب ديندار الوحيشي "

مُساهمة من طرف New Post الأربعاء سبتمبر 05, 2018 12:31 am


مشاعر_مطرطشة

الموسم الأول

الحلقة 18

" اشتباكات عنيفة بالاسلحة الثقيلة عند سجن الكويفية "
احمد : كيف صار شكلهم يبّوو يهرّبوو ايمن
سهام : تعاااال وين ماشي حرام عليك
والله تعبت وانا مشيتها نحرق عليك
احمد : هذا واجب وطني
سهام : ارجووووك خليك
""""""
فارس امكسد في السووبر ماركت
رن نقاله
اسلام : كلم جماعتك مليشيا تبي اتهرب ايمن
فارس : تم تم جايكم
فارس دار تليفوووناته لجماعته
""""
قوات عسكرية متجهة لسجن الكويفية بقيادة الافندي احمد
وفارس وجماعته ماشيين لسجن الكويفية
""""""
مازن : العشية نبي نطلعوو المطعم
حنين : انت هبل ولا شن
مازن : كني
حنين : في واحد يطلع اسبوع صباحيته
اقل شي خلينا نطلعوو من بنغازي
وبعدها نطلعوو لاي مكان عادي
مش ع اساس ماشيين لشحات قتلي
انمشوو شهر العسل غادي
مازن : انا نبي نطلع فكيني من العادادات والتقاليد امتاعات الشعب الليبي
نبي نمشوو للمطعم وبكرة في الصبح انسافروو لشحات
حنين : بس بالعقل انت تبي تطلع حيشفوونا الناس يحكوو علينا
مازن : علي اساس الناس كلهم يعرفووك ,, كلام الناس في الساس
ياسي نبي انعيش شهر العسل في بنغازي
ومانبش نطلع من بنغازي لشحات لا شي
عَالمُهم اشوية اخرة ماشي لمطعم
تبي تمشي باهي ماتبِّش ,, نمشي ابرووحي
حنين : في عينك طالعة امعاك ,, هذا اللي ناقص تطلع ابرووحك
"""""""
احمد : لا حول ولا قوة الا بالله
اسلام : قدر الله ماشاء فعل
فارس : اخسارة مالحقنش عليه هرب
احمد : قوووة كبيرة اللي جت فكّت عليه وهربّاته
اسلام : خيانة من داخل السجن كان هذا ماهربش افندي احمد
فارس : اسف يا افندي احمد مالحقنش علي
اسلام : اسفيين يا افندي احمد
احمد : الله غالب توا اللي صار صار ,,
لكن لازم نعرفوو وين
قاعد لان ماطلعش من بنغازي
اسلام : جاري البحث عليه لعند توا
احمد : المهم ردبالكم حد يكلم مازن خلو في شهر العسل امتاعه
اسلام : لا كووون هاني باذن الله مش حنعطوو علم
""""""
سهام : مش عارفة شن دايرة انا
خاطري انعيش نفس هالصبايا المتريحات
مشيتها حرق اعصاب علي احمد وخلاص
يارب فرّج عليا
روان : خلاص ماما بطلّي ابكا
""""""
مازن : تي هيا هذا كلا تلبسي في عبايتك وخمارك
حنين : من جدك انت تبي تطلع ههههههه
مازن : معقوولة مزلتي مالبستي راه نطلع وانسيبك
حنين : هههههههه ياراجل رانا في اسبووع صباحيتنا
مازن : خلاص خليك ابرووحك .. انا طالع
حنين : تي تعال جايتك هيّا
"""""
فاطمة : خلاص العشية كلها تبكي يانرمين
نرمين : فارس هزبني وشكله معش يبيني
فاطمة : هو قالك هكي معش يبيك
نرمين : لا بس هزب وقالي مشغوول
فاطمة : مافيها شي ,,
عادي يعني لو يحبك
لازم كل يوم يحكي امعاك
نرمين : خايفة يسيبني
فاطمة : مش حسيبك ,, عطى وعد لمازن انّ ياخذك
نرمين : يااااارب
ام مازن : يابنات الباب يرن عدن شووف من

نرمين مسحت دمووعها وحلت الباب
نرمين : اوووووووو عمتي وفاء
وفاء :نرمين العسل كيف حالك وكل شي عالبركة
ام مازن : مرحبتين بوفاء
وفاء : اهلين كيف حالكم جايا انهدرز عليكم ,, خش خش يامروان
ام مازن : تي خش كنك متحشم كيف امك انا
وفاء : تي خش سلم علي مرات خالك يامروان
ام مازن : ماشاء الله قعد شباب مروان ربي يحفضه
مروان : اهلين مرات عمي كيف حالك وكل شي عالبركة
ام مازن : عقبالك يارب
مروان : اللهم امين ,, خلاص انا ماشي يا امي
امتى ماتبي اتروحي رني عليا
وفاء : حاضر ,,
"""""
مازن وحنين في السيارة ماشيين لمطعم

حنين : طفّي الاغاني خيرلك
مازن : انطفي اتغنيلي انتي ,, ياخليني انولعهن
حنين : نحكي بجديات فكنا منهن
مازن : خلاص هيا غنيلي
حنين : باه توو انغني
مازن : هيا سمعيني
حنين :ههههههه
مازن : كنك تضحكي
حنين : والله انحبك موووت يا احلى مازن
مازن : هيا وصلنا للمطعم
حنين : حبيبي مطعم امعبي عائلات واجد
مازن : شن تبينا نمشوو مطعم كلا شباب امالاه
حنين : قصدي مش حناخذ راحتي امعاك
مازن : متخافش دايريين مكان خاص للاخوات
يعني في ساتر عشان اتحولي خمار وتاخذي راحتك
حنين : باهي طمنتني
مازن : هيا انزلي ,, نبوو انمشّووها ندوو وخلاص في السيارة
حنين : هيا هيا يابيبي
"""""
فاطمة : عليك جيّا مفاجئة متعودين اترني علينا قبل ما اتجينا
وفاء: جايا عشان موضوع يخص مروان وناخذ رايكم قبل
ام مازن : ان شاء الله خير
وفاء : لا خير باذن الله
نرمين : شن في عمتي احكي
وفاء : لا بس مروان قالي شووفيلي
هل مازن نبي نعرف نرمين معطي فيها كلمه ولا لا
"""
نرمين اندهشت
فاطمة انصدمت
فاطمة : شكله بختك عطيب يافطووومة
نرجوو راد الله علينا ايش ورانا
ام مازن : والله مش عارفة شن انقوولك
هي اول جاجة لنا الشرف انكم اتناسبوونا
لكن الراي الاول والاخير لمازن
وعارفة انتي مازن توا
لاهي في شهر العسل امتاعه
اول مايرووح حنردوو عليكم
وفاء : باهي هي معطي فيها كلمة ولا لا
ام مازن : نقدرووش انردوو عليك توا ,,
نفس ماقتلك الراي الاول والاخير لمازن
وفاء : مازن
فاطمة : هي هي كنك قلتهيها هكي مازن
ام مازن : عيب يا افطوومة عمتك هذي
وفاء : كبرتي وقعد عندك السان يافاطمة
نرمين : لا اتبصر بس افطوومة عارفتيها
صح افطووومة
فاطمة : صح
""""""
مازن : لكي ربع ساعة تقري في المِنيوو امتاع الوجبات
معقووله مش عارفة شن تبي
حنين : تبي الحق حبيبي
مازن : شن
حنين : نقرا ومش عارفه معناهن
مازن : مثلا زي شن
حنين : وجبة فاهاتا دجاج شن تطلع
مازن : هههههههه فاهاتا
حنين : تضحك عليا هيا معش نبي نحكي
مازن : فاهيتا مش فاهاتا ,, وهذي اصدوور دجاج علي اقْرِيل
امخلطات امعاهن فقاع وخظرة هكي
حنين : باهي شن تطلع وجبة اكسبرس
مازن : هههههههههههههه
حنين : معش تضحك عليا خيرلك
مازن : اسماها استربس مش اكسبرس
وهذي اصدور دجاج بلا عظم امغلفات بنفس تبلة الكنتاتي
حنين : جيبلي اي حاجة علي ذووقك ,,
عندش عليهن مطاعم انا
مازن : معلش قرصوون نبوو وجبتين لفينو وبتيزا امشكل
حنين : شن يطلع لفلَفيلووو
مازن : هههههههه اسكتي انتي خير ,,
غير انطقيهن اكويس بعدها ساهل
حنين : باهي باهي حبيبي شن يطلع
مازن : صدر دجاج كبير محشي فيه جبنة موزريلا وزيتون وهريسة عربية
حنين : عليك شرمووولة ههههههه
مازن : دوووم الضحك حبيبي
"""""
خولة امكسدة عالتلفزيوون واتلعب في اعيالها
تسمع في الباب يخبّط
امشي نادر افتح الباب
نادر : حاضر ياماما
خولة : من ياليد
نادر : اي اي اي عموو فتحي
خولة : اهلين فتحي عاش من شافك
فتحي : اهلين كيف حالك خولة
خولة : الحمد الله كنك جايب امعاك دبشك وحالتك حالة
فتحي : وين راجلك
خولة : اليووم ماسك عنده تووكة بايت برة
فتحي : باهي تحميليني اليووم نبي انبات عندك
خولة : الشقة شقتك ,, لكن شن فيه شغلتني
فتحي : مادوري شي ,, جو تمام
خولة : كنها اللفعة لامار مزالت اديرلك في المشاكل
فتحي : بالعكس لامار مش حنلقى احسن منها
انا اللي كنت ضالمها ,,
خولة : فتحي يحكي هكي غريبة
فتحي : المهم اليوم حنبات عندكم وبكرة امسافر لطرابلس
ماشي لخوويا نزار في طرابلس
خولة : خووك نزار ؟؟؟؟
فتحي : كنك مستغربة
خولة : اخر مرة درتوو عركة عالورث
وبعتو حووش العيلة
وهوو مشى عاش في طرابلس
وانقطعن اخباركم توا مشيله
فتحي : الله غالب لازم نمشيله ظرووري
خولة : امشي مرات تقعد مشية خير وتصّالحوو من جديد
فتحي : ان شاء الله خير
نادر : هي هي هي عمووو بايت امعانا اليوووم
خولة : عليش مشيله بالذات توّا
شن في خيتك انا احكيلي
فتحي : مافي الا كل خير
"""""
احمد : روان وين امك
روان : في الدار تبكي من امبدري
احمد خش يجري للدار
احمد : حرام عليك انسيتي البيبي اللي في بطنك عليش تبكي
سهام : يرا حل خطاني يارب ايمووت البيبي اللي في بطني
اللي خلاك اتخاف عليه اكثر مني
احمد : معقووله تحكي هكي كنك يا سهام
سهام وهي تبكي : من يووم خذيتك وانا تعبت خلاص فديت لعند امتى هكي
حرام عليك حس بيا لعند امتى ادير هكي
من اول يووم خذيتني وانا انفكر ونحرق
حتى لما فرحت انك قعدت حنوون امعايا
توا قعدت كيف زمان رديت
واتفووت فيا
كرهت العمل امتاعك
شن ينفع اتمووت عشان الوطن
ومش قادر اتمووت عشان مراتك
احمد حضنها وهي تبكي
وروان ماسكه لعبتها
قدام الدار واتفرج عليهم
ومصدووومة
"""""""
حنين : عليك جوو سمح اليووم في المطعم
مازن : اكيدة انتي اليووم امنورتينا بجووك السمح
حنين : انحبك مووت يا رووحي
مازن : انا انموووت في حبك
حنين : مزلت مضايقة من حاجة وحدة بس
مازن : شن اعيووني
حنين : عليش مزلت اتشيل في اسلاح امعاك
مازن : مانقدرش الا نطلع بيه
مازن سحب اسلاحه وحوّل المخزن منّا
مازن : اتشووفي فيه هذا عشان انتي نقعد قاتل
عشانك انتي انمووت عادي
لو واحد فكّر بس ياخذك حنطربقة
وانجيفة وندفنه
حنين حضناته : سالتك بالله يا حبي معش تحكي عالموووت
مازن عطاها بووسه علي جبينها
وقعد يبحت في اعيووونها
وهي اتبحت في اعيووونه
حنين دمتعها علي عينها
تبّي تبكي
مازن يبّحت فيها ومبستم
حنين : كنك ساكت عليش التأمل في اعيووني
مازن سااااااااااااااااكت وخلاص
حنين حضناته بالقووووة
ومازن امصبي في مكانه
حنين : انحبك انحبك انحبك
نعشقك انموووت فيك
حضنها مازن ورفعها فوووق
حنين : نزلني نزلني نزلني
شالها شووور الدار
عزقها عالسرير
وطّفّى ظي الدار
وحضنها وقعد يبووس فيها
"""""
فارس قاعد مع امّه يفكر في مصيره مع نرمين
ومش عارف شن ادير
في علاقتهم مع بعضهم
فارس : انقاني عطيت وعد لمازن اني ناخذها
ومش حنخلف بوعدي
وحنقعد قد كلامي
" ماسك تليفووونه وحاط علي رقم نرمين
زعمك انرن عليها ولا ولا توا "
"""""
ام مازن : مزال بدري يا وفاء
وفاء : لا خلاص هذكي هوو مروان يرجى فيا برّة
وفاء : عاوديها الجّيّه
وفاء : بس مازن طالع الباته
ام مازن : كيف
وفاء : انتي عارفة نحن من اعرق القبائل في المنطقة الشرقية
ومستحيل ناخذوو او نعطوو الا بالمنطقة الشرقية
وسمعنا ان العرووس انّها اصلها من المنطقة الغربية
فاطمة : شن فيها انا ماما اصلها من المنطقة الغربية
وبابا الله يرحمه من المنطقة الشرقية
الحمد الله اللي بابا ماسمعش كلاكم وخذا ماما زايد ناقص
وفاء : السانك متبرّي منّك .. خلاص وقت مروان يرجى برّة
نرمين : سلام يا احلى اعميمة
وفاء : سلام ياعرووستنا الجديدة
فاطمة : عروستنا ,, علي اساس عطيناكم الاوكي ,, قلنالك الراي الاول والاخير لمازن يروح من شهر العسل وساهل
ام مازن : يافاطمة كنك انتي شن قتلك عمتك هذي عيب تحكي هكي
وفاء : خليها مزالت تحت تاثير الصدمة ,, عيب عليك تحسدي اختك
فاطمة : نحسدها عليش
ام مازن : يافاطمة خشي للدار امشي هيا كلمة وحدة
وفاء : انتقابلوو ,, نرجى في ردكم ,, هيا بالسلامة
"""""
لامار تحكي مع روحها
" عليش مزلت انفكر فيك يافتحي
ياعقلي حرام عليك طلّعه من راسك
هذا يضرب فيك ويعذب فيك
يارب يارب يارب يارب
كوون في عوووني
يارب يسرلي امري وخلّي فتحي يطلقني
"""
فتحي قاعد في المربووعة
ويلعبوو جنبة اعيال اخته
وهرجة واجد
لكن هوو كان منعزل عليهم
وفي عالم ابرووحه
يحكي مع روحه
" قعدت قاتل يافتحي
توا قعد مستقبلك في المجهوول
خرّبت مستقبلك ومسقبل لامار
باهي ليش مش قادر اطلّقها
مش انت معش تبيها
طلّقها وطلّعها من راسك
عليش مش قادر
تنساها
زعمك من هذا اللي كان راقد مع بثينة
وعليش بثينة كانت لابسه رووب نووم في عز النهار
الزبدة في الموضوع قعدت قاتل هارب
شن شعوورها اختك بعد تعرف انّك قاتل
"""""""
وفاء : اللي اسماها فاطمة هذي تبيلها قطعة السان
مروان : كنك طولتي مليت وانا نرجى
وفاء : مش عارف شن عجّبك في نرمين
مروان : كنها يا امي ,,
وفاء : فكنا من نسبتهم انت مش عارف حتى كيف تختار ,,
مروان : عجبتني البنت وانيقة
وفاء : ساد خويا اللي يرحمه ياما نصحناه
فوووتها فوووتها مش لنا هذووما
سكر راسه وزوج ام مازن
بعدها مرض بالخبيث
الله يرحمك ياخووويا
مروان : نسال الله ان يجعل قبره خالي روض من رياض الجنة
وفاء : قالولي الراي راي مازن ’’
مازن يكمل شهر العسل امتاعه وساهل بعدها
مروان : ان شاء الله خير
"""
ام مازن : معقووله تحكي هكي مع عمتك كنك انتي
فاطمة : انسيتي شن دارت فيك زمان
ام مازن : مش ناسية لكن مهما كان هذي عمتك
نرمين : ياما حكِتيلنا عليهم من العذاب النفسي اللي عذبوو ليك
لما خذاك بابا الله يرحمة
ام مازن : صح كانن يرقدّن فيا بالمنور ويعزقوولي في الاكل من الرووشن
عشان ازوجني غصبن عنهم وسكنّي عندهم
كانوو رافضينّي عشان انا اصلي من المنطقة الغربية
لكن الحمد الله ربي عطاني مازن من هو واصغير
يدافع عليا وميخلش في حد يغلط فيا
من اعمامكم وعماتكم
نرمين : ماناقص الا يناسبوونا هذيما
ام مازن : انا مابيتش دغري انقووللها لالا
خليها في وجه مازن
عشان هما يعرفوو مازن اكوووويس
فاطمة : احسن مادرتي يا ماما
نرمين : لكن عطيتيها علي راسها يا افطوومة
فاطمة : هذي تبي هكي اللفعة
نرمين : مش غير
ام مازن : عيب هذي عمتكن
ونرمين وهي اتهدز رن نقالها
مشت لدراها تجري بعد عرفاته فارس هوو اللي يرن
نرمين : اهلين فارس اسفة زعلتك
فارس : اهلين ,,
نرمين : عرفتك حترن عليا
فارس : نبي انفهمك كم حاجة عشان مانخسركش
نرمين : شن اعيووني
فارس: انا معش حنرن عليك نفس قبل
نرمين : عليش ردبالك مش قادرة انعيش بلاك انا نبيك
فارس : تي غير وسعي بالك انكمل كلامي
نرمين : شن كمّل
فارس : انا معش حنحكي امعاك فوون ولا دردشة لين انديروو حاجة رسمية بيني وبينك
نرمين : يعني شن
فارس : يعني الفترة هذي معش نتصل بيك لين يروح مازن وانجي نخطب رسمي بعدها ساهل
نرمين : عليش الجو هذا
فارس : شرع ربي قال هكي
نرمين : سالتك بالله خليني انسكر وفكني من حرق الاعصاب
وسكرت الخط
نرمين قعدت تبكي في الدار
"""""
احمد يمسح علي شعر سهام ويهّدي فيها
احمد : انتي حبي وقلبي وحياتي وكل شي
وحنحاول انخلي وقتي كلّه ليك
سهام قاعدة في حظن احمد وساكته ماتحكش بككل
""""
ومازن وحنين عايشيين احلى لحضات حياتهم
في شهر العسل امتاعهم
:::
وفتحي يفكر كيف يمشي بكرة لطرابلس عن طريق البر
""""""
ولامار ترجى في ورقة طلاقها من فتحي
"""""
ومروان غاااوي في نرمين ويبّيها
""""""
ونرمين تبكي الليل كله خايفة تخسر فارس
وفارس يفكّر هل القرار اللي خذا صح او غلط
""""""

,,,,,,,

يبتع ,,,,

New Post
New Post
مديرة ستار ديس

تاريخ التسجيل : 24/08/2018
المساهمات : 4133
نقاط التميز : 6472
الجنس : انثى
العمر : 24
الأبراج : الميزان

الرجوع الى أعلى الصفحة اذهب الى الأسفل

رد: رواية بلهجة ليبية بعنوان " مشاعر مطرطشة " للكاتب ديندار الوحيشي "

مُساهمة من طرف New Post الأربعاء سبتمبر 05, 2018 12:32 am


مشاعر_مطرطشة

الموسم الأول

الحلقة 19

صباح الباكر

خولة : هيا تعال يا فتحي افطر
فتحي فتحي وينك
خشت خولة للمربووعة مالقتش فتحي قاعد
فتحي من الصبح بدري طالع
ماشي شور محطة الحافلات
عشان يسافر شوور طرابلس برّي
""""
سهام : كنك ما مشيتش للعمل اليووم مزلت راقد وقت عليك
احمد : مش ماشي اليوووم قاعد امعاك
سهام : والله ماني زعلانه يا احمد امشي عملك عادي
احمد : قتلك مش ماشي قاعد ,, حنوتيلك الفطوور وانجيبه لكي
لازم انرضيك اليوووم
سهام : والله راضية ياحبيبي
""""""
ايمن قاعد في سيدي خليفة عند واحد من اصحابه
ويخطط كيف يقتل احمد واسلام ومازن وفارس
وخاصة اسلام عشان غدر بي وكذب عليه
"""""
فاطمة : هيا نرمين نووضي الساعة توا 11 مزلتي راقدة
نرمين : هيا توو انووض
فاطمة : حي عليك كنهن اعيووونك
نرمين : كنهن ,,
فاطمة : معقووله شكلك الليل كله تبكي
نرمين : مدوّري شي جو تمام
فاطمة : باهي ضمي مكانك ,, وتعالي انهدرزو مع بعض عالقهوة
نرمين : تمام
"""""
فتحي ماشي في الطريق شوور طرابلس
سامحيني يا لامار ..
سامحيني ياخولة ...
سامحيني يانفسي ...
"""""
حنين : هيا يامازن انا واتية انت اللي مزلت ماوتيت رووحك
مازن : غير كنت انحول في اشنبااتي
حنين : نعليا منا السّلَفِي اللي يهبل
مازن : ههههههههههه
حنين : بعد شحات وين نمشووو
مازن : غير نووصلوو منتجعات شحات وانفكروو بعدها
حنين : حبيبي فكنا منها شحات خلينا هنا مش قاعدين في فندق في بنغازي
مازن : انغيروو جونا بس ,, كنك في حاجة
حنين : امرايفة علي بابا واختي لامار وماما
مازن : سيوورك حتشوفيهم اعيووني
"""""
فارس امكسد في السوبر ماركت
ويفكر في نرمين واخذة عقله
مش عارف شن ادير امعاها
رن نقاله
فارس : مش قتلك معش اترني عليا
نرمين : رايفت عليك رنيت عليك وراني حبيتك انا
فارس : وحتى انا حبيتك ,,
نرمين : باهي عليش الجو اللي امس اللي درته
فارس : رقالي عشان قعدنا انلبّزوو
وخشينا علي اجواء مش لنّا بكل
نرمين : باهي كل مشكله ولها حل
فارس : شن الحل
نرمين : معش انلبزووو ومعش انخشو في اجواء مش لنّا
فارس : ههههه عليك حل امقنّط
نرمين : والله انحبك ونبيك ,, مانبي حد غيرك
فارس : وانا نبيك حلالي وام اعيالي
نرمين : بعد خطرها امس جووني خطّاب
فارس :بدينا في اسطوانات جووني خطاب
نرمين : ههههه والله نحكي جد
فارس : من اللي جووك
نرمين : عارف يابارد كنت مضايقة ورقيلي
سمعت صوتك تريحت وجوي قعد رايق بكككل
فارس : باهي من اللي جوو يبوو يخطبووك
نرمين : عيت عمتي يبووني لولدهم
فارس : يبووك لولدهم والله تحكي جد ,,
سبحان الله نحسابهم يبووك لبنتهم
نرمين : تي بطّل سماطة
فارس : الحمد الله حاجزينك نحنا من مازن
نرمين : انت اتحبني صح
فارس : لا امكسد قلت انمشي وقتي وخلاص
نرمين : نحكي جد ’’ بطّل سماطة
فارس : اها انحبك مووووت
نرمين : طمنتني
فارس : لكن مزلت نفس ماقتلك
معش حنكلمك لين يقعد بيناتنا حاجة رسمية
نرمين : في عينك حنرن عليك واترد عليا وانت ساكت
فارس : راسك امسكر من يوومك
" فارس ونرمين بدت اترد علاقتهم نفس قبل
بشرط معش يردوو الاجواء اللي كانوو اديروو فيهن "
" وفعلا اغلب الخطووبات اللي انفسخهن كان من الجو هذا "
"""""
فاطمة امكسدة علي قرووبات الروايات
فاطمة شافت ديندار فاتح ماسنجر خشتله
فاطمة : السلام عليكم
ديندار : عليكم السلام
فاطمة : معلش الحلقة 17 نزلت ولا لا
ديندار : نزلت اها امبدري تلقيها في القروب ولا ع صفحتي الشخصية
فاطمة : باهي نبي نسالك سؤالين ممكن
ديندار : تفضلي
فاطمة : انت امنزل منشوور انك شين ودبة واقصير واتخوف في القرووب
انت مش هكي صح ,, اطيّر في العين ,, واحساسي انك شاب وسيم
ديندار : لا نحكي بجديات مانكذبش ولا انطير في العين
فاطمة : مش امصدقة
ديندار : خلاص خليك عايشة وهم ان ديندار شاب وسيم
فاطمة : وسيم لا محمد ههههههههه
ديندار : نضحك مثلا انا توا ؟؟؟؟؟؟
فاطمة : عليك اللي حصلة كلّا انت
ديندار : شن سؤالك الاخر
فاطمة : انت من قبل امنزل منشوور انّ
مشاعر مطرطشة حتكوون رواية طويلة
وامس نزلت منشوور انّ مشاعر مطرطشة قريب تكمل ,,
شن اللي خلاك اتغيير في كلامك
ديندار : الرواية علي حسب مزاجي ,, ومش دايرلها نهاية
مزاجي قالي خلاص انهيها ننهيها ,,
مزاجي قالي لالا طوّلها انطولها ..

فاطمة : لكن هكي نعتبرك عندك انفصام في الشخصية
ديندار : لو خاشة علي صفحتي الشخصية وقاريتي النبذة امتاعي
كاتب عندي انفصام في المشاعر وانطوائي ومش اجتماعي
يعني ماقلتش حاجة جديدة
فاطمة : باهي ممكن اخر سؤال
ديندار : نستاذنك توا مشغوول اشوية
فاطمة : خووذ راحتك
"""""
"""""
نرمين : تعالي ياماما خبر عاجل في القنوات الليبية
ام مازن : شن الخبر شن الخبر
نرمين : العثوور على فتاة مقتولة في شقة
والعثور علي رجل مقتول في شقة ثانية
ام مازن : ياربي زعمك شن هذا
نرمين : معش تفهمي شي في ليبيا
بعد طلعنا من حالة الانتحار
خشينا علي القاتل المجهووول
"""""
احمد : هيا حلي فمك
سهام : حليت
احمد : هم ياجمل
روان : حتى انا وكلني نفس ماما
احمد : هم هم ياجمل
سهام في حضن احمد وفرحانة بككل
عشان يرضّي فيها قااعد
"""""""
لامار : بابا مش تعطيني بعدين السيارة نمشي لكلية التربية
انشووف شن صار في موضوعي نقدر انجدد قيدي ولا لا
بات حنين : بالك تبيني انشيلك انا خير
لامار : لا يابابا متخافش حنهني ع روحي ,, ومرات انطول
مانبش انشحورك امعايا ,,,
"""""
فاطمة : جووك رايق توا ,, كيف كنا وكيف اصبحنا
شكله الطير راضي عليك
نرمين : تي ووووجك ,, سمعتي عليه القاتل المجهوول
فاطمة : من هذا
نرمين : هذا يقتل في الناس في شققهم
فاطمة : توا كيف سمعتها منك ,, مع اني امسكدة عالفيس ماشفتهش
نرمين : اي امكسدة انتي مشيتيها قرووبات روايات وخلاص
ماتندري عليها ومن وين تفتح
"""""
عواجل صفحات الفيس
قاتل مجهووول يقوووم بالقتل في بنغازي
علي المواطينين اخذ الحيطة والحذر
"""""""
احمد : خلاص توا خليني نمشي اشوية للعمل حنرد عالغداء
سهام : والله ماني زعلانة ولا مضايقة منك انحبك انا
احمد نزل ومشَى للمكتب امتاعه
""""""
مروان : ليا واجد نرجى فيك كنك طولتي يانجاح
نجاح : الدكتوور هوو اللي طوّل في المحاضرة مش انا
مروان : تمام ,, هيا وقت ورايا شغل مزال
نجاح " اخت مروان وتقرا في الجامعة "
نجاح : حصلتلك عرووس علي كيف كيفك امعايا في الجامعة
ومحترمة وراقية وانيقة
مروان : قتلكم نبي نرمين عليش تسكير الراس
انتي وامي وباتي
وماتبووش نسبتهم
نجاح : راه نرمين امتاع شباب معرووفه كنك انت وين عقلك
مروان : بالله عليك غيريلي المووضووع وفكينا من سكنانك
نجاح : سمعت عالقاتل المجهوول اللي يقتل في الناس
مروان : اها شفته عالفيس مش عارف شن قصته
مرة اسد مطلووق وتوا قاتل مجهوول
مش عارف نحنا في ليبيا
ولا في فيلم رعب
"""""
سهام : اه اه اه اه اه اه اه اه اه اه
روان : كنك ياماما
سهام : اه اه اه اه آآآآآآآآآآآآآآآه
روان تبكي كنك ياماما
سهام : ياروان هاتي النقال انرن علي احمد
سهام : اه اه اه اه اه يابطني
سهام : هيا رد رد رد ياا حمد اه اه اه اه
احمد : نعم ياحبي
سهام : اه اه اه تعااااااااااااال يا احمد بطني
احمد فات المكتب وجا يجري شوور الشقة
""""""
ايمن : مرحبتين بيك يابووفا
بووفا : مرحب بالزعيم
"بوفا قاتل ماجور
وقام بعمليات قتل مقابل ملبغ مالي كبير
ايمن : قالولي انت حتهنيني يابووفا
بوفا : انا خدامك اي شي عطيني افلووس والباقي عليا
ايمن : في واحد اسمه اسلام ,,,
هذا الذراع اليمنى للافندي احمد
لازم تقتله ’’
بووفا : عطيني بيناته ووين مكانه والباقي عليا
ايمن : تمام ,, اما فارس حنعرف كيف نووصل فيه بطريقتي
وبعدها جايكم يامازن واحمد
""""""
احمد : وين امك ياروان
احمد شافها في الدار
مسكها وقعد يمشي امعاها بشوواش
شوور السيارة شايلها للعيادة
وهوو يسووق في السيارة
هي اتعيط بالقوووة
"""""""
لامار وصلت لكلية التربية
خشت للادارة امتاع كلية التربية
كلهم اندهشوو من جمالها
ووقارها واحترامها
وعفّتها ,,
عشان تنهي اوراقها واتجدد قيدها من جديد
صاحب مكتب الادارة : تفضلي اختي
لامار : انا كنت اموقفة قيدي نقدر انرد انجدد قيدي ولا لا
صاحب مكتب : اكيدة تقدري ,, لو مخدمناكش من نبوو نخدموو
لامار : بارك الله فيك
""""""""
حنين : شكلك ودّرت الطريق يامازن
مازن : لا ماودرتش ماشي تمام لكن راح مني الوصف
حنين : وين شلّتنا بس شن هالمكان المهجوور
مازن : غير ما اتركبش علينا ,, حنشووفوو واحد يورينا طريقنا اكويس
حنين : آهُمْ في اثنين قدامك شووفهم
مازن : السلام عليكم
ردو عليه
" عطينا افلووسكم ونقالاتكم انخلووكم اتكملوو طريقكم "
مازن : هههههههه تحكوو جد انتو
واحد من قطاع الطرق : هيا انزلوو انتم الاثنين من السيارة
" نزلوو مازن وحنين من السيارة "
واحد من قطاع الطرق جا لعند حنين وجا يبّي يحول خمارها ,,
دغري مازن طلع اسلاحها من وراه ضهرة وضربه بطلقة في اكراعه
حوّل يدّك يافاسد
" : آآآآآآآآآآه "
حنين دغري قعدت كارسه وراء مازن
اللي جاته الطلقة طاح في مكانه
والاخر هرب خاف من الاسلاح
طلعوو اي كلام ومش قطاع طرق
كانوو يخوّفُوو فيهم بس
"""
مازن طبس علّي اضربه في اكراعه
جا يبي يسحب ويقتله
حنين : لالالالالالا مااااااااازن ارجوووك
مازن : عشان خاطرك بس ,,
وظربه بكراعه علي وجه
وقاله منتج شحات وين كلب ,,
رد عليه : تلقى ع طول الطريق هذي علي يدك اليسار
مازن : هيا اعيوووني نمشووو
حنين : مش متريحة خلينا انردوو خير لبنغازي
انعيشوو احلى جو في بنغازي
مازن : كنك خفتي خلينا انكملوو الطريق
حنين : حبيبي مانش مطمّنة بككل
مازن : شن رايك انديرو زيارة الامي وخواتي
وبعدها انردو للفندق
حنين : حتى هذا راي
مازن : توا عرفتي عليش انشيل امعايا في اسلاحي
حنين : عرفت اكيدة يا اعيووووني انحبك موووت
مازن : كنك ترعشي وخايفة
حنين : من الاكشن اللي صار توا ,,
انت متعود انا مش ليا الجو هذا
وجديدة عليا
مازن عطاها بووسه ع جبهتها ,,
مازن : هيا اركبي انردوو لبنغازي خير
"""""
احمد قاعد قدام غرفة العمليات يرجى في اي بُشريات
دكتوور طلع من غرفة العمليات
دكتوور : للاسف البيبي طلع ميت في بطنها
احمد انصدم لالالا يادكتوووور غير قوول خير
دكتور : ربي يصبركم علي افراقه
احمد : ان لله وان اليه راجعووون
قعد احمد يضرب في باب غرفة العمليات
دكتور : كان ولد اللي مات
احمد يضرب في راسه عالساس
تريحت يا احمد قتلت البيبي امتاعك
تريحت ديما اتخلي فيها تحرق عليك
واتخاف عليك
وقعد يخبط في راسه في الساس ومش امصدق
روان : بابا وين البيبي اللي قتوولي جاي نعلب امعايا
نزل احمد وقعد يحضن في روان ويبكي بعبرته
اول مرة روان اتشووف باتها يبكي قدامها
دكتور : تقدر اتخشلها كان تبي اتشووفها
احمد خش شوور سهام
ومسح دموووعه
سهام تبكي بعد سمعت من الدكتوور ان
البيبي اللي في بطنها كان عيل
احمد : خلاص ما اتزعلش رووحك قدر الله وماشاء فعل
سهام : حرمتك من العيل اللي خاطرك فيه
احمد : عادي اعيووني اهم شي انتي صحتك اكووويسة
احمد مضايق وزعلان ويأنب فيه ضميرة
"""""
ام مازن : الباب انفتح شووفي من هذا يانرمين
مش معقوولة مازن حلّا جا للحوووش
نرمين : مااااااااااااااااااااااااااااااااااازن
فاطمة كانت امكسدة عالفيس سمعت نرمين اتقول مازن
جت تجري للباب
فاطمة : مااااااااااااااااااااااااازن خونا الغالي
ام مازن سيّبت اللي في يدها
وجت شووورهم
نرمين وفاطمة وامهم حاضنات مازن
ام مازن : انستووو
فاطمة : شن كان شهر العسل
حنين : اي شهر حتى اسبووع ما سكرنا هههههه
نرمين : رايفنا عليكم انستوو الحوووش
ورحبّن نرمين وفاطمة بحنين واجد
بالاحضان والبوووس
بعدها حنين خشت لغرفتهم
ومازن قعد يهدرز مع امه وخواته
""""
بات حنين : شن صار امعاك يالامار
لامار : تمام سجلوووني وجددت قيدي الحمد الله
الشهر الجاي نبدا امعاهم رسمي
بات حنين : الحمد الله ,, امرايف علي حنين واجد
لامار : حتى انا امرايف عليها واجد
بات حنين : انرن عليها رقمها مقفل مزال
لامار : ماتخافش عليها اكيدة مع مازن في الحفظ والصوون
بات حنين : لا اكيدة بدوون شك هذي
""""""
صاحب الحافلة اللي قاعد فيها فتحي
" توا كيف وصلنا لسرت ,, نتريحوو اشوية في استراحة
وانكملووو طريقنا "
فتحي وهو في الحافلة يحكي مع رووحه
" زعمك شن دايرة يالامار توا
يعلم الله ضلمتك واجد في حياتك
وقصرت في حقك "
"""""
نجاح : مش عارفة ياماما شن يبيها نرمين بس
وفاء : مش عارفه حتى هووو غريب بكل
نجاح : تي معرووفه بنت مش تمام في الجامعة
كانت دايرة علاقة مع شاب اسماها الصادق
وبعدها فاتووو بعضهم يعني بنت عليها
اخطووووط حمر واجد
وفاء : ياريت يقوولوو نرمين معطي فيها كلمة او محجوزة
لانهم مايشرفووون هذوووما
نجاح : ياااااااااااااريت
""""""
احمد قاعد قاعد جنب سهام عالسرير امتاع غرفة العمليات
وحابس دمعته بالسيف
سهام ساكته نفس المصدووومة
احمد : ماشي للمحل انجيب عصير وكيكة اكيدة جعانة
سهام ساكته وما اتردش
احمد وهوو ماشي ماسك عبرته
بمجرد ماطلع من باب الغرفة
قعد يبكي يمشي وهو يبكي
يانب في ضميرة
في باله هو كان السبب في قتل ابنه
وهوو يبكي جا تليفووون من اسلام
اسلام : اهلين افندي احمد
احمد : نعم
اسلام : كنا صوتك يا افندي احمد
احمد : ابني توفة الجديد ,,
اسلام : ان لله وان اليه راجعوون
احمد : يعلم الله قلبي محرووق عليه
كنت خاطري نبي
لكن قدر الله وماشاء فعل
لعله خير
مانبش نكفر بالله
وانقوول عليش مات
اسلام : معناها مش وقت نحكيلك توا
احمد : شن فيه احكي
اسلام : سمعت عليهم البنت والشاب اللي انقتلوو في شققهم
احمد : اها دايريين ضجة اعلامية
اسلام : البنت اللي انقتلت لقووها في شقة فتحي
مقتووولة ,, وفتحي مش قاعد ولام اوراقه كلهن
احمد : شن شن ,, فيش تحكي انت
اسلام : كيف مانحكيلك ,, البنت المقتولة في شقة فتحي
ومزال جاري التحقيق في القضية
احمد : لو في اي جديد قووولي
اسلام : حاضر افندي احمد
"""""
مازن : صار قتووولي عمتي وفاء جت هنا
ام مازن : اها
مازن : مش ناسي شن داروو فينا لما مات باتي
ومش ناسي معاملتهم لينا
ومش ناسي تشويه سمعتنا
دارووك يا امي وحدة عاهرة ومش تمام
ام مازن : الله في الووجوود يامازن
مازن : حنخلي فارس ادير حاجة رسمية الاسبووع هذا
حتى لو ماعندش افلووس انا حنتكفل بالجو كله
وامتى مايحصلهن اردهن ليا
ام مازن : ربي مايحرمنش منك
نرمين : ربي يخليك ليا
فاطمة : ربي يحفضك ويرعاك لنّا
مازن خش للغرفة امتاعه
شاف حنين اتكلم بالنقال
حنين : ليكم وحشة واااجد
لامار : باهي اللي فتحتي نقالك كنك كنتي امسكرتيه
بابا يسلم عليك واجد وامرايف عليك
حنين : انتم اكثر ,, كيف حال صحة ماما
لامار : مازلت كيف ماهي لكن الحمد الله على كل حال
وحنين وهي تحكي مع لامار
جا مازن وعطاها بووسه علي خدها اليميين
هي اتبحت فيه وتضحك
حنين : بطل اشوية
لامار : كيف بطل مافهمتش
حنين : لا مش شوورك
مازن قعد حاضن حنين ويبووس فيها بشواش
وهي تحكي مع اختها بالنقال
واتهدرز امعاها وتسال علي حال هلها
وآخر اخبارهم
"""""
صاحب الحافلة اللي راكب فيها فتحي

"" قريب انخشوو لطرابلس الحمد الله علي سلامتكم ""

فتحي : ان شاء الله اترحّب بيا يانزار بس

"""""""

يتبع ,,,

New Post
New Post
مديرة ستار ديس

تاريخ التسجيل : 24/08/2018
المساهمات : 4133
نقاط التميز : 6472
الجنس : انثى
العمر : 24
الأبراج : الميزان

الرجوع الى أعلى الصفحة اذهب الى الأسفل

رد: رواية بلهجة ليبية بعنوان " مشاعر مطرطشة " للكاتب ديندار الوحيشي "

مُساهمة من طرف New Post الأربعاء سبتمبر 05, 2018 12:33 am


مشاعر_مطرطشة

الموسم الأول

الحلقة 20

فتحي وصل لطرابلس
عارف ان خووه نزار
يسكن في طريق الصور
ركب في تكسي وماشي
للعنوان لان هوو عارفة
""""""
حنين : حبيبي باب الدار ايدق شووفه من
مازن يشخّر في النووووم قاعد
حنين : نوووض حبيبي شووف الباب اكيدة امك ولا وحدة من خواتك
ناضت حنين لبست وسترت رووحها
فتحت الباب ,, طلعت ام مازن
ام مازن : صباح الخير ياحنين ,, الفطوور واتي
قلت اتجوو نفطروو مع بعضنا خير
حنين : عليش اتعبّي في رووحك ياعمتي
ام مازن : هيا نوّضِي مازن نرجى فيكم
حنين : هيا جيّينكم
فاطمة : هيا يا نرمين جيبي الخبزة
حنين : حبيبي نووض هيا عمتي دايرتنا فطووور
مازن : مزلت نعسان امشي افطري انتي تو نفطر انا بعدين
حنين : في عينك هيا نوووض
حنين قعدت اتحاول اتصبي فيه
اتحاول اتكر فيه
مازن : آني صبّيب ,, امشي توو نلحقكم
حنين : غيرت ملابسها ولبست حاجة ساتره جسمها كلها
ومشت شوور الصالة
مازن زقب عالسرير وكمّل نووومه
فاطمة : مرحبتين بالعروووسه جت
نرمين : حي حي عروستنا شكلها يفجع عالصبح
حنين : ههه شفتيهن ياعمتي هازيات عليا
ام مازن :ركّبن عليك بس ,, وين مازن
حنين : قالي امشي توو انجيك
فاطمة : قصدك انتي صدقتيه
حنين : اكيدة
نرمين وفاطمة : ههههههههههههه
حنين : كنكن تضحكن
نرمين : هذا ملك النووووم
ام مازن : عادي خلوو يتريح عادي
حنين وهي تفطر رن نقالها
لامار : صباح الخير حنين
حنين : صباح الورد لامووورة
لامار : كيف حالك اليوووم
حنين : الحمد الله كنا صووتك اتقوول زعلانه
لامار : تو رن عليا احمد
حنين : كنا احمد شن صار
نرمين : شن صار كنكم حنين
فاطمة : ربي يستر شن صار
لامار :المولود الجديد ماااات
حنين : لا حول ولا قوة الا بالله
وان لله وان اليه راجعوون
ام مازن : شن في ياحنين
مازن كان كيف طالع من الدار ماشي شوور الصالة
سمع حنين لما قالت ان لله وان اليه راجعوون
حنين : خلاص حنجيكم بعدين للحوووش
مازن : ان شاء الله خير شن فيه ياحنين
فاطمة : صباح الخير يامازن
" حرّك يدّه شوور فاطمة " وكأن دار اشارة اسكتي توا مش وقتك "
حنين : البيبي اللي كان يرجى فيه احمد مات
مازن : ان لله وان اليه راجعوون ,, ربي يصبره
ام مازن : اعظم الله اجرك
نرمين : اعظم الله اجرك
فاطمة : ربي يصبركم
حنين : بارك الله فيكم
مازن : سمعتك قلتي توو انجيكم في العشية
حنين : شن يا مازن قصدك ماتبش اتشيلني
مازن : لا بعد انكملوو الفطوور حنشيلك
وانا حنشووف احمد وانرن عليه وانعزيه
حنين : ربي يخليك ليّا
""""""
بووفا وهوو وجماعته يراقبوو في اسلام
ويلحقوو فيه بسيارة جيب سووودة
يرجوو في الوقت المناسب
عشان يقتلوووو
"""""
اسلام وهوو طالع من حووشهم رن علي احمد
احمد : نعم
اسلام : قاعد في المستشفى انجيك غادي
احمد : لا تعالي في الشقة ,, توا دايريين خرووج وامروح للشقة
اسلام : خلاص جايك غادي
احمد : تم نرجى فيك
سهام : وين روان يا احمد
احمد : حطيتها عند هلي قاعدة مع لامار غادي
سهام : ماعندش وجه انبحت فيك بككل
احمد : معش تحكي هكي توا
قدر الله وماشاء فعل
ربي يصبرنا وخلاص
وهوو يهدرز مع سهام رن نقاله
شاف الاسم مازن
احمد : مرحب بالغالي
مازن : اعظم الله اجرك
احمد : اجري واجرك على الله
بارك الله فيك يامازن
مازن : وين قاعد اشوية اخرة شايل حنين لحووش هلك
احمد : قاعد في المستشفى دايريين خروج ماشي للشقة امتاعي
مازن : خلاص توو انشيل حنين وانجيك للشقة
احمد : لا جيبها للشقة دغري ,,
لان هلي اشوية اخرة جايين غادي حتى هُمَّا
مازن : تمام
"""""
فتحي نزل من التكسي عند حووش نزار
قاعد قدام الحووش
قعد يدق عالباب
طلعت بنت اصغيرة
فتحي قال في باله ,,
شكلها بنت نزار
فتحي : بابا قاعد
بنوته : داعد حنكلمه لكي
طلع نزار عند الباب
نزار : من اللي يبيني برّة
نزار شاف فتحي
اعيوونهم جت علي بعضهم
فتحي مش عارف هل حيرحب بي ولا لا نزار
دقيقة صمت يبحتوو في بعضهم
نزار : خويا فتحي ليك وحشة
فتحي : نزار خويا الكبير
بالاحضان مع بعضهم
طلعت نسرين وراء الباب
شافت فتحي
نسرين : شن يبي خووه جي لعند طرابلس
مش لزونه من حووش هلهم
شن يبي جايْنَا
ياما داروو فينا
ولزوونا من الحوووش
وغريبة نزار رحّب بيه
""""
"نسرين مرات نزار "
" فتحي زمان تعبلهم نفسيتهم ,, كان ماعندهمش حووش
وساكنين في حوش العائلة
مازن خلاهم يبيعوو الحووش بالغصب
وسافر نزار لطرابلس هو وهله
وبدا من الصفر "
نزار : هيا تفضل يافتحي تفضل
نسرين شفتهم خاشيين خشت تجري شوور الدار
وهي تجري خبطت في بنتها كانت عند الباب
طاحت بنتها تبكي قعدت
نزار : كنا سمووحي يبكي
ورفّعها نزار وخش وهو فتحي للمربووعة
""""""
فارس امكسد في السوبر ماركت
شاف سيارة مازن درّست قدام السوبر ماركت
فارس : تي كيف صار مازن باع سيارته ولا شن
خش مازن للسوبر ماركت
فارس : حي علي امه مازن
مازن : فارس الصقع
وبالاحضان مع بعضهم
مازن : شن جو الشغل ماشي تمام
فارس : الحمد الله
مازن : حنطل عليك بعدين ,,
ماشي للافندي احمد وشايل هلي امعايا
فارس : كنا الافندي احمد
مازن : المولود اللي كان يرجي في مات
فارس : لاحول ولاقوة الا بالله
مازن : بعدين نبيك
فارس : خلاص حتى انا حنخلي واحد هنا عالسوبر ماركت
وحنلحقكم انعزوو الافندي احمد
مازن : دير جوّك ,, هيا لنا لقاء بعدين
حنين : كنك طولت يا اعيوني
مازن : حتى ربع ساعة ماطقيت ,, غير فكينا
حنين : الله غالب الدقيقة عندي اتمر ساعة يا اعيووني
,, واجعني خوويا احمد ,, اكيدة زعلان ومضايق
وحتى سهام عليك خبر يفجع
مازن : الله غالب انتي مؤمنة بالقضاء والقدر
حنين : ونعم بالله
""""
فتحي : شن آخر اخبارك يانزار
نزار : غيرت مجال عملي وخشيت عالتسويق
والحمد الله درت راي ع حالي وقاعد مستقر حاليا
وانت شن داير مزالن مشاكلك انت ولامار ما انتهنش
فتحي : ماشاء الله واصلات لعند طرابلس مشاكلي
نزار : كيف صار انسيت ان الصبايا اسرع من القنوات الاخبارية
في نقل الاخبار
فتحي : رسمي صدقت ههههه
نزار : لنا واجد ماضحكنش مع بعضنا
فتحي : ممكن نقعد عندك يوومين او ثلاثة بس
نزار : عيب الدووة هذي خليك حتى العمر كله
فتحي : بارك الله فيك ياخويا الغالي
,, علي مادرت فيك مزال قلبك ابيض
نزار : انت خوويا من لحمي ودمي
وكان ماصبيتش امعاك توا
امتى حنصبي امعاك
"""""
اسلام وهوو ماشي للافندي احمد
نزل للمحل يبي ياخذ عصير وكيكة
ايشيلهن امعاه
بمجرد مانزل من السيارة
جت سيارة نوع جيب تجري شوووره
وخبطاته
اسلام طاح قعد مش قادر يتنفس وقريب يغُمى
بعدها نزل بوفا املثم وجه
وطلّع اسلاحه وحطّه علي راس اسلام
اسلام : اشهد انّ لا اله الا الله
واشهد انّ محمد رسول الله
طاف طاف طاف
راس اسلام اطرطش في المكان كلّه
والناس كلها اتفرج ومش قادرة ادير شي
ركب بوفا للسيارة ولاذو بالفرار
"""""""
نزار : نستاذنك دقيقة يافتحي تو انجيك
فتحي : خووذ راحتك
نزار : وين القهوة يانسرين كنها طولت
نسرين : مش دايره قهووة مش ناسيا شن دار فينا زمان
نزار : بابنت الناس ديري قهووة وفيكيني من جوك هذا
نسرين : هذا انديرله سم هاري يشربه
نزار : نسرين عشان خاطري بس هنا
نسرين قعدت اتعلي في صوتها بلعاني عند الصالة
نسرين : مانش دايرة قهوووة انسيت شن دار فينا
عزقنا في الشارع وفاتنا ,, هذا واحد مش اكويس
انسيت كيف لزك من الحوووش
فتحي يسمع فيها وهي اتعيط
نزار رقاله ضربها كف
نزار : قتلك اسكتي ,, تخيلي كأن ظيف مش خوويا
لازم انضيفوووه كنك انتي ماتفهمش في الذووق
نسرين : تضرب فيا عشان واحد كيف هذا يانزار
فتحي لما سمعهم كلامهم وقعدو يتعاركووو
طلع من الحووش بدوون علمهم وخذا معا دبشه
نسرين : انا مش دايرة قهوة واللي تبي اديره ديرة
ساد اني بعيدة عن هلي وقاعدة في طرابلس
ساد اني ماحووتي كيف تاقلمت في طرابلس
خليها ساكته يانزار مانبش نحكي
راني تحملت واجد انا مش دايرة قهوووة
ولو درت فيا اللي تبيه عادي
نزار : طلع شوور المربوعة ومقتنع ان فتحي اكيدة سمع صووت مراته
خش للمربووعه ملقش فتحي قاعد
نزار : وين عديت يافتحي بس
انت اهم من مراتي
انت خووويا
تي وينك معقووله مشيت
طلع برة الحوووش
سأل جيرانه ماشفتوش حد طلع من الحووش
" طلع واحد من حوشكم وركب تكسي "
نزار خش يجري شوور نسرين
نزار : تريحتي هكي طلع ومشى خوويا
معقوولة هكي عاجبك هكي
شن اندير امعاك بس انا شن اندير
الله يسامحك وخلاص
"""""
احمد : غريبة اسلام قالي جايك للشقة لعند توا مزال ماجاء
مازن : مرات زرقله مووضووع تو ايجي
فارس : حنرنلك عليه توا
احمد : شن جوك يامازن وشن جو حنين امعاك
مازن : الحمد الله في نعمة ذالك فضل الله يؤتيه لمن يشاء
احمد : الحمد الله ,,
فارس : مابش يرد يافندي احمد
احمد : معناها مشغووول بالك
مازن : صار ايمن هرب من الحبس
احمد : ايمن قاعد في بنغازي وعنده مليشية تحت
وشكله ايمن تحت حماية حزب من الاحزاب
اللي ماسكة في البلاد
مازن : كيف مافهمتش
احمد : حنفهمك ,, البلاد امعبيا احزاب سياسية وكل حزب لازم اقل شي
يبي قووة تحميه لاي طارئ ,, يعني لو انت صبيت ضد هالحزب وطلعته
مثلا انّ حزب مش تمام وان حزب ضد الدولة وحزب فاسد
يقتلووك او يغتلوووك
وايمن متحالف مع واحد من الاحزاب
ونفس الوقت الحزب يعطيه كل شي يبيه
من افلووس وعدة وعدات
اهم شي يسمع كلام الحزب
وينفذله مطالبه
هذا عليش هربو من الحبس
لان كانت في قوة كبيرة تحمي في الحبس
كيف هرب مش عارف
فارس : ومن يطلع الحزب هذا
احمد : الحزب مش هامني ,, لكن ايمن مش حتريح لين ينتقم
بالذات لما قعد عنده حليف قوي في ليبيا كلها مش في بنغازي بس
فارس : اووكي فهمت توا ,
مازن حط يده علي يد احمد وفارس حط يده علي يدهم
امعاك في اي حاجة تبيها منّا
احمد : المشكلة انا مش قادر انفكر في شي ,,
بعد مات المولود امتاعي
مازن : شد حيلك ,, فترة واتعدي
""""""
حنين : الحمد الله علي سلامتك
سهام : الله يسلمك بارك الله فيك
لامار : لعله خير ردبالك اتزعلي رووحك
سهام : والله مش زعلانه واجد زعلانة علي احمد
يانب في ضميرة عشاني
يحساب رووحه هوو السبب
وامس قالي حاجة لكن ردبالكن تطلع منكن
حنين : شن قال
لامار : حي شن قال قولينا
سهام : قالي نبي انقدم استقالتي ومعش نبي نخدم ,,
لامار : حي حي حي لالالا
حنين : معقووولة عليش بس
سهام : نفسيتا تعبانة بكل
بالذات بعد عرف انّ المولود عيل
حنين : عيل قصدك
لامار : ياحرام كان خاطرة في عيل
سهام قعدت تبكي
حنين : خلاص مزال حتجيبله عيل واثنين وثلاثة
لامار : صح خليك متفائلة لاتيأسي من رحمة الله
سهام : ان شاء الله الخير
""""""
فاطمة اتقلب في القنوووات الليبية شافت خبر عاجل
اغتيال شرطي في مدينة بنغازي
ماما نرمين تعالن ابسرعة
فاطمة : شوفن شووفن
ام مازن : لاحول ولاقوة الا بالله
نرمين : معقوولة من دار هكي
"""""
خولة امكسدة في قروبات الفيس امتاعات الطبخ
شافت خبر عاجل في صفحات الفيس
اغتيال شرطي في مدينة بنغازي
" ان لله وان اليه راجعوون
حسبنا الله ونعم الوكيل في الظالم "
"""""
احمد يهدرز مع مازن وفارس
جا تليفووون من القيادة العامة
احمد : نعم امعاك الافندي احمد
القيادة العامة : اعظم الله اجرك في الشرطي اسلام اغتالوو امبدري اشوية
كثّر الدوريات في جميع مناطق بنغازي
ولازم تعرفوو من وراء هالاغتيال
وسكّر الخط منّا
احمد مصدوووم وطاح النقال منّا عالارض
اطرطش النقال وطارت حتى البتارية من مكانها
مازن : شن فيه يا افندي احمد
فارس : كنك يا افندي احمد من رن عليك وقعدت مصدووم
"""""
ايمن : هههههههههه
بوفا : نعجبك صح ,, هات باقي افلوووسي هيّا
ايمن : باقي افلووسك حولناهن لكي في احسابك في المصرف
بوفا : خلاص اي عملية انا جاهز ,, سلام
ايمن : توا جا دورك يافارس ,, مش حنخليكم اتريحوو
ولا تفرحوو بالسوبر ماركت امتاعكم
عشان تقضي عالرووس الكبار لازم تقتل صبيانهم
لما تقتل الصبيان يقعدوو الرووس الكبار اي كلام
وهذي السياسة اللي ماشي بيها امعاكم يامازن واحمد
الذراع اليمين امتاع احمد اجيّف
مزال فارس يجيّف
بعدها نفضالكم
""""""""
احمد : ايمن دارها وقتل اسلام
مازن : فيش تحكي انت
احمد : مولودي مات والذراعي اليمين مات
كيف نبي نتحمل هالصدمات بس
فارس : لازم اندورو عليه ,, لازم نعرفوو مكانه
احمد : الصّبح كلمنّي اسلام وقالي جايك
مازن تغيرن لوون اعيوونه صبّى من مكانه
وفنّص في الافندي احمد
مازن : الندم واللوم معش ينفع
احمد امطبس ومكسوور
مازن : صبي خووذ حق اسلام
صبي قتلك
مسكه مازن وصبّاه
مازن : تي بحّت فيا يا احمد
اسلام نقض حنين من الموووت
اسلام مات علي قضية وشرف
يعني مات علي شي حارب من اجله
مفرووض نحنا نبكوو علي ارواحنا
ماعندنش قضية انحاربوو عليها
لو تبي يتريح في قبره
خووذ بثاره وحقّه
احمد : مانش راقد ولا متريح لين ناخذ بثارك يا اسلام
مازن : الحرب بدت يا قوبعة
قوبعة : اكيدة يالعقرب
العقرب : مانكش امرايف علي ايام زمان ايام التجييف والقتل
قووبعة : اوووو ليا واجد ماشفتش دم
احمد : العقرب ,, وتّي جماعتك وتّي اسلاحك
العقرب : بدوون ماتحكي يا الافندي احمد
احمد : قبل نبي نشقى بموضوع فتحي
قوبعة : كنا فتحي نسيبك
احمد : سمعتو عليها البنت اللي ماتت مقتوله في شقة
قوبعة : اها سمعت عليها
احمد : مقتووله في شقة فتحي ,,
وفتحي لام اوراقه وجوازه وكل شي
ومش قاعد في بنغازي
العقرب : شن حدير من راي
احمد : حاليا خليني في موضوع ايمن
وبعدها ساهل موضوع فتحي
"""""
فتحي : نزلني هنا
صاحب التكسي نزّل في مكان نفس الكرنيش في طرابلس
ومش عارف روحه وين قاعد
امقعمز قدام الكرنيش
ويذّكر كيف كان يعامل في خووه في معاملة بايخة
ويذكر كيف كان هو عاق لوالديه زمان
ويذكر كيف كان يعامل في لامار
عرف رووحه مش امسلف خير في دنيته
طلّع المووس اللي قتل بيه بثنية
وقعد يتأمل فيه ويبحت فيه
"""""
قوبعة : انا لو عرفت اي حاجة علي ايمن انقووللكم
العقرب : اهم شي افطن الرووحك ورانا مستهدفين
جا تليفوون لقوبعة
من واحد يخدم جوا في السوبر ماركت
قوبعة : نعم
"سيارة فيها وحدين ملثمين رمت بالرصاص عالسوبر ماركت
ولاذت بالفرار "
قوبعة : في حد انصاب ولا لا
" لا القزاز امتاع السوبر ماركت طاح بس
قوبعة : تمام الحمد الله علي سلامتكم
العقرب : شن صار ياقوبعة
قوبعة : سيارة فيها وحدين رمت رصاص عالسوبر ماركت
لكن مافش مووته القزاز طاح بس
العقرب وهو متعصب : قصدك صارت حاجة لهلي ؟؟؟
قوبعة : لالا في السوبر ماركت بس
العقرب : هذووما يبوو يلعبوو معانا بدري بدري
احمد : قتلكم ايمن خاش عالدق الثقيل ولاقي ظهر يحمي فيه
العقرب :نحنا قدها وحتشووف
""""""
فاطمة : رني علي مازن ابسرعة
نرمين : انرن مافش تغطية
ام مازن : زعمك من هذووما اللي اضربوو بالرصاص عالسوبر ماركت
نرمين : ربي يستر
فاطمة : يارب يارب استرها امعانا
نرمين في سرّها : يارب تقعد بخير يافاااااارس
""""
نزار : وين مشيت يافتحي بس
انت ماتعرف حد في طرابلس
ياريتني خذيت رقمك
شن دراني انّك حتطلع من الحووش
الله يسامحك يانسرين
""""
فتحي وهوو يحكي مع روحه قدام الكرنيش
قعدت تمطر بالقوووة
وقعد امقعمز ويبحت في البحر وهوو هايج
بعدها صبّها قعد مبستم للبحر
ويحكي مع رووحه
اللي كيفك مايستحقش الحياة
انت ضلمت روووحك وواجد
وضلمت هلك
وضلمت خووك
وضلمت زووجتك
معش تستاهل اتعيش في الدنيا
المطر قعدت قووووية بكككل
لدرجة اوراقة الشخصية وجوازه السفر طارن من مكانهن
وهوو مزال امصبي يحكي مع البحر الهايج والمطر مزالت قوية
سلح الجاكة امتاع ,, قعد بمالية خفيفة في عز الصقع والمطر
الكرنيش قعد فاااااضي هو بس اللي قاعد
المووس مزال في يده
قعد مبتسم ويضحك
عليش مزلت عايش لعند توا
يافتحي
مووووووت
وطعن رووووحه في قلبة بالقووووة
الموووس خش كله
شريط حياته مر عليه في دقيقة
وطاح والدم يسيل منّا
خلاص الرووح بدت تطلع منّا
والمطر تغسل في الدم اللي طالع منّا
"""""
حنين : صار قتيلي مشيتي لكلية التربية وتمّيتي اموورك
لامار : اها مشيت الحمد الله قالولي الاسبووع الجاي تبدي
حنين : تمام بككل
لامار حطت يدها علي قلبها : آآآآآآآه قلبي
حنين : كنك لامار شن فيه
لامار : حسيت بنفس المغص في قلبي
حنين : كنك شن في شغلتيني
لامار : لا حسيت بنفس الضيق في قلبي فجأة
حنين : نمشوو للعيادة
لامار : لا خلاص توا انحس في روحي تمام
"""""
مازن : نستاذنووكم نبي اندير كم مشوار عالسريع
احمد : بكرة الدفينة راكم اتغيبووو حنديروو الواجب للبطل اسلام
فارس : بدوون ماتحكي ,,
طلع مازن وفارس مع بعض نازلين من الشقة
مازن : فارس ردبالك ع روحك ,,
المووت علينا حق
لكن مانبش واحد كيف ايمن يخليني نخسرك
ولا تخسرني
فارس : باذن الله
مازن : السوبر ماركت سكّره حاليّا ,, وكلّم الجماعة كلهم ,,
وخليهم يووتوو روحهم ,, نبيهم يعرفوو ان العقرب
رد للساحة من جديد تاجر مخدارات واسلاح
عشان نعرفوو كيف نووصلوو في ايمن
فارس : حاضر ,, لكن قتلي نبيك في موضوع امبدري
لما جيتني عند السوبر ماركت
مازن : توا خلينا في موضوع ايمن والباقي ساهل
""""

يتبع ..

New Post
New Post
مديرة ستار ديس

تاريخ التسجيل : 24/08/2018
المساهمات : 4133
نقاط التميز : 6472
الجنس : انثى
العمر : 24
الأبراج : الميزان

الرجوع الى أعلى الصفحة اذهب الى الأسفل

صفحة 2 من اصل 3 الصفحة السابقة  1, 2, 3  الصفحة التالية

استعرض الموضوع التالي استعرض الموضوع السابق الرجوع الى أعلى الصفحة

- مواضيع مماثلة

سجل دخولك لتستطيع الرد بالموضوع

لابد تكون لديك عضوية لتستطيع الرد سجل الان

سجل معنا الان

انضم الينا جروب تاج فعملية التسجيل سهله جدا ؟


تسجيل عضوية جديدة

سجل دخولك

لديك عضوية هنا ؟ سجل دخولك من هنا .


سجل دخولك

 
صلاحيات هذا المنتدى:
لاتستطيع الرد على المواضيع في هذا المنتدى