الضحك بلا سبب من قلة الأدب ههه نكت جميلة

هادا واحد مكلخ عندو شي فلوس وبغى يخبيهم ناض حفر حفرة ف الجردة، خباهم تما، ودار فوق الحفرة بلاكة كتب فيها: هنا ما كاينينش الفلوس شوية جا خوه، بانت ليه البلاكة، جبد الفلوس خداهم، ودار بلاكة كتب فيها: راه ماشي خوك اللي خدا ليك الفلوس.

واحد مبوق جالس ف القسم، كل شوية كيضحك ف التالي ضحك واحد الضحكة بالجهد قال ليه المعلم: نتا مالك واش تسطيتي؟ قال ليه المبوق: راه كنت كنعاود لراسي النكت، واخر وحدة أول مرة نسمعها.

تابع مع اخوك أنوار نكت مغربية كتقتل بالضحك: هادا واحد الراجل طلق مرتو، وقال ليه القاضي: غادي تبقى تعطيها النص ديال المانضة. ناض السيد كيضحك. سولو القاضي: مالك؟ قال ليه: كانت كتديها كاملة

واحد مبوق داز حدا باه ف الزنقة وميك عليه. مشى عندو باه قال ليه: مالك ما شفتينيش؟ قال ليه المبوق: لا شفتك، غير ما عرفتش فين.

هادا واحد الراجل كاري، وكان السقف ديال الخشب بالي وكيدير الصداع بزاف ملي جا مول الدار يتخلص الكرا، قال ليه الكاري: خويا صاوب لينا هادا السقف، راه كيخلعنا قال ليه مول الدار: ما تخافش، راه غير كيسبح الله قال ليه الكاري: راني خفت يجيه الخشوع ويسجد.